You are here

தமிழக தலையெழுத்தை மாற்றிய இறுதித் தீர்ப்பு

சொத்துக் குவிப்பு வழக்கில் உச்சநீதிமன்றம் அளித்த இறுதித் தீர்ப்பு தமிழகத்தின் தலை யெழுத்தை மாற்றியிருக்கிறது. அதிமுகவில் இரு அணி களாகப் பிரிந்துள்ள தற்போதைய பொறுப்பு முதல்வர் பன்னீர் செல்வத்துக்கும் பொதுச் செயலாளர் வி.கே. சசிகலாவுக் கும் இடையே முதல்வர் பதவியை யார் கைப் பற்றுவது என்ற பரபரப்பான சூழ் நிலையில் தீர்ப்பு வெளியாகி யிருக்கிறது. வருமானத்துக்கு அதிகமாக ரூ.66 கோடிக்கு சொத்துக் குவித்த வழக்கில் ஜெயலலிதா, வி.கே. சசிகலா, இளவரசி, சுதா கரன் ஆகிய நால்வருக்கும் கர்நாடகா சிறப்பு நீதிமன்றம் நான்கு ஆண்டுகள் சிறைத் தண்டனை விதித்திருந்தது. மேலும் ஜெயலலிதாவுக்கு ரூ. 100 கோடி அபராதமும் மற்ற மூவருக்கு ரூ.10 கோடி அப ராதமும் விதிக்கப்பட்டது. இந்தத் தீர்ப்பை நேற்று உச்ச நீதிமன்ற நீதிபதிகள் பினாகி சந்திரகோஷ், அமித்வா ராய் ஆகியோர் அடங்கிய அமர்வு உறுதி செய்தது.