You are here

‘ஈரானுக்கு எதிராக அனைத்துலக நடவடிக்கை தேவை’

ரியாத்: ஏமனில் உள்ள கிளர்ச்சியாளர்களுக்கு ஈரான் ஆயுதங்கள் கொடுத்து உதவுகிறது என்று சவூதி அரேபியா குற்றம் சாட்டியதைத் தொடர்ந்து ஈரானுக்கு எதிராக அனைத்துலக நாடுகள் அவசியம் நடவடிக்கை எடுக்க வேண்டும் என்று அமெரிக்கா கேட்டுக்கொண்டுள்ளது. ஏமன் கிளர்ச்சியாளர்கள் மூன்று நாட்களுக்கு முன்பு ரியாத் அருகே ஏவுகணையை வீசித் தாக்கினர். சவூதி அரேபியாவில் உள்ள விமான நிலையங்களையும் துறைமுகங்களையும் தாக்கப்போவதாகவும் ஹுதி போராளிகள் மிரட்டல் விடுத்து வருகின்றனர். அந்தப் போராளிகளுக்கு ஏவுகணைகளைக் கொடுத்து ஈரான் உதவி வருவதாக சவூதி அரேபிய பட்டத்து இளவரசர் குற்றம் சாட்டி வருகிறார். இக்குற்றச்சாட்டு உண்மைக்கு மாறானது என்று ஈரானிய வெளியுறவு அமைச்சர் கூறியுள்ளார்.