ராசிபலன்

கும்பம்

இன்றைய பலன்:

கும்பம் கையைச் சுடும் எனத் தெரிந்தபிறகும் சில முயற்சிகளில் ஈடுபடுவீர்கள் எனில் உங்களுக்குத்தான் சிக்கல் ஏற்படும். திடீர் தடைகளால் பாதிப்பில்லை.

அதிர்ஷ்ட எண்கள்: 4, 7 நிறம்: ஊதா, வெண்மை

வாரப் பலன்:

அன்­புள்ள கும்ப ராசிக்­கா­ரர்­களே,

மாதக்கோளான சுக்கிரனின் அருளைப் பெறலாம். புதனால் நலமுண்டு. குரு, சனி, ராகு, கேது, சூரியன், செவ்வாய், சந்திரனால் நலமில்லை.

ஆன்மீகத்தில் அதிக நாட்டம் கொண்டவர்கள் என உங்களைக் குறிப்பிடலாம். கிரக அமைப்பைப் பார்த்த பின்னர், இது ஆர்ப்பாட்டமின்றி அமைதி யாகச் செயல்பட வேண்டிய காலகட்டம் என உணர்ந்திருப்பீர்கள். ஆம். உண்மைதான். அடுத்து வரும் நாள்களில் சூழ்நிலை, சுற்றத்தாருக்கு ஏற்ப வளைந்துகொடுத்து நடப்பது நல்லது. தான் உண்டு தன் வேலை உண்டு என இருந்துவிட்டால் வீண் வம்புகளில் இருந்து தப்பலாம். தேடி வந்து வீண் நெருக்கம் பாராட்டுபவர்களிடம் இருந்து ஒதுங்கி நில்லுங்கள். அதேசமயம் உண்மையான அக்கறையுடன் உதவுபவர்களைப் புறக்கணிப்பது கூடாது. வரவுகள் ஏற்ற இறக்கமாக இருக்கும். செலவுகளுக்குப் பஞ்சமில்லை. உடல்நலம் ஒரே சீராக இருக்காது. உழைப்புக்குரிய ஓய்வு எடுப்பது முக்கியம். இவ்வாரம் எளிதான, நன்கு பழக்கம் உள்ள பணிகளில் மட்டும் ஈடுபடுங்கள். மங்கலப் பேச்சுகளில் நிதானம் தேவை. வியாபாரிகளும் பணியாளர்களும் வழக்கத்தைவிட கவனமாகச் செயல்படுவது நல்லது. வார இறுதியில் நல்லுள்ளம் படைத்தவர்களின் அறிமுகம் கிட்டும். அவர்களுடனான நட்பை வளர்த்துக்கொள்ளுங்கள்.

குடும்பத்தார் சிறு கருத்து வேறுபாடுகளை வெளிப்படையாகப் பேசித் தீர்த்துக்கொள்வது நல்லது.

அனுகூலமான நாள்கள்: மார்ச் 28, 29

அதிர்ஷ்ட எண்கள்: 5, 6