ராசிபலன்
துலாம்
இன்றைய பலன்:
துலாம் அலுப்பும் சலிப்புமாக எதையும் செய்யத் தேவையில்லை. இன்று முக்கியமற்ற விவகாங்கள் குறித்து யோசித்து நேரத்தை வீணடிக்க வேண்டாம்.
அதிர்ஷ்ட எண்கள்: 4, 9 நிறம்: மஞ்சள், ஊதா
வாரப் பலன்:
அன்புள்ள துலா ராசிக்காரர்களே,
இவ்வாரம் இடம்பெயரும் செவ்வாயின் மங்கலத்தன்மை சிறக்கும். குரு, ராகு, புதன் நற்பலன்களைத் தருவர். கேது, சனி, சந்திரன், சூரியனின் ஆதரவு இல்லை. சுக்கிரனின் இடமாற்றம் சாதகமாக அமையவில்லை.
நினைத்ததைச் சாதிக்கும் வரை ஓயாமல் உழைப்பவர் எனப் பலரும் உங்களைக் குறிப்பிடுவதுண்டு. இவ்வார கிரக அமைப்பைப் பார்த்தால் இடைநிலைப் பலன்கள் உண்டாகும் எனப் புலனாகிறது. அடுத்து வரும் நாள்களில் பணிச்சுமை சற்றே அதிகமாக இருக்கும். ஒருபுறம் வழக்கமான பணிகள் காத்திருக்க, மறுபுறம் புதிய பொறுப்புகளும் சேர்ந்துகொள்ளும். எனினும் கவலை வேண்டாம். பெரும்பாலான பணிகளை சிரமமின்றி கச்சிதமாக முடிக்கும் வகையில் உங்களது செயலாற்றல் அமைந்திருக்கும். சில வேலைகளில் மட்டும் பிறரது உதவியை நாட வேண்டியிருக்கும். உடல்நலம் பொதுவாக நன்றாக இருக்கும். எனினும் கடும் உழைப்பு, வீண் அலைச்சல் காரணமாக ஒருசிலருக்கு சிறு உடல் பிரச்சினைகள் தோன்றி மறையும். மங்கலப் பேச்சுகள் சூடுபிடிக்கும். எது எப்படியோ, வருமான நிலையில் மட்டும் சிறு குறையும் இருக்காது. செலவுகள் அதிகரித்தாலும், அனைத்தையும் ஈடுகட்டும் வகையில் நிறைவான வரவுகளைப் பெறுவீர்கள். இச்சமயம் என்னதான் நெருக்கமானவராக இருந்தாலும் பண விவகாரங்களில் கறாராகவும் கவனமாகவும் நடந்துகொள்ளுங்கள். பணியாளர்களின் நீண்ட நாள் உழைப்புக்குரிய நற்பலனை தற்போது அறுவடை செய்வர். வெளிநாட்டுத் தொடர்புடைய வியாபாரிகள் ஏற்றம் காண்பர். வார இறுதியில் புது வாய்ப்புகள் தேடி வரக்கூடும். அவற்றை ஏற்பது குறித்து நிதானம் தேவை.
குடும்ப நலன் தொடர்பிலான முயற்சியில் கணிசமான தொகை செலவாகும்.
அனுகூலமான நாள்கள்: ஏப்ரல் 23, 24
அதிர்ஷ்ட எண்கள்: 3, 9