மீனம்

இன்றைய பலன்:

மீனம் ஏற்றமான நாள். உங்கள் பேச்சுக்கு உரிய மரியாதை கிட்டும். இன்று நீங்கள் முன்வைக்கும் நல்ல திட்டங்களுக்கும் வரவேற்பும் கிட்டும்.

அதிர்ஷ்ட எண்கள்: 2, 6 நிறம்: மஞ்சள், அரக்கு

வாரப் பலன்:

அன்­புள்ள மீன ராசிக்­கா­ரர்­களே,

குருபகவானின் அருள் கிடைத்திடும். புதன், சுக்கிரன் நற்பலன்களைத் தருவர். சனி, ராகு, கேது, சூரியன், சந்திரன், செவ்வாய் ஆகியோரின் அமைப்புகள் சாதகமாக இல்லை.

எதிரிகளையும் அரவணைத்துச் செல்லக்கூடிய குணம் படைத்தவர் என உங்களைக் குறிப்பிடலாம். தற்போது குறைவான கிரகங்கள் மட்டுமே சாதகமாக சஞ்சரித்தாலும், குருவருளால் நன்மைகளைப் பெறுவீர்கள். இவ்வாரம் உங்களது உடலும் உள்ளமும் சிறப்பாக இருக்கும். நாள் முழுவதும் சுறுசுறுப்புடன் செயல்படுவீர்கள். மனக்குழப்பங்கள் மறைந்து தெளிவு பிறக்கும். ‘என்னால் எதையும் சாதிக்க முடியும்’ என்ற நம்பிக்கையுடன் செயல்படுவீர்கள். குடும்பத்தாரும் நலமாக இருப்பது மனநிறைவு தரும். அடுத்து வரும் நாள்களில் பொருளாதார நிலை சிறப்பாக இருக்கும். வழக்கமான வரவுகளுடன் திடீர் ஆதாயங்களும் கிடைக்கும்போது மகிழ்ச்சிக்கு என்ன குறை இருக்க முடியும்? சிக்கனம் காத்தால், செலவுகள் போக கணிசமான தொகையைச் சேமிக்கலாம். இவ்வாரம் நீங்கள் கால்பதிக்கும் பணிகளில் பெரும்பாலானவை முதல் முயற்சியிலேயே நல்லபடியாக முடிந்துவிடும். ஓரிரு பணிகளில் மட்டும் சிறு தடைகள் ஏற்படும் வாய்ப்புண்டு. நண்பர்களில் சிலர் உண்மையான அக்கறையுடன் உதவுவர். குருபலம் உள்ளது. திருமண வயதை அடைந்தவர்களுக்கு நல்ல வரன் கூடிவரும் வாய்ப்புள்ளது. பல நாள்களாக உங்கள் மனதை வாட்டி வந்த சொத்துகள் தொடர்பான பிரச்சினையில் நல்ல தீர்வு உண்டாகும். உடன்பிறந்தோருடனான கருத்து வேறுபாடுகளைப் பெரிதுபடுத்த வேண்டாம். பணியாளர்களின் மதிப்பு, மரியாதை உயரும். வெளிநாட்டுத் தொடர்புடைய வியாபாரிகள் ஏற்றம் காண்பர். வார இறுதியில் புதுச் சிக்கல் முளைக்கக்கூடும். இச்சமயம் புதியவர்களிடம் வீண் நெருக்கம் பாராட்ட வேண்டாம்.

குடும்பத்தார் இடையே ஒற்றுமை நிலவும். உடன்பிறந்தோர் உற்ற துணையாய் இருப்பர்.

அனுகூலமான நாள்கள்: ஏப்ரல் 23, 24

அதிர்ஷ்ட எண்கள்: 4, 9