You are here

பினாங்கு, பேராக் மாநிலங்களை அச்சுறுத்தும் மழையும் புயலும்

ஜார்ஜ் டவுன்: பினாங்கில் வெள்ளத்தால் பாதிக்கப்பட்ட பகுதிகள் சற்று மீண்டு வரும் நிலையில் பினாங்கு மற்றும் பேராக் மாநிலங்களின் பல பகுதிகளில் ஓரிரு நாட்களுக்கு இடியுடன் கூடிய கனமழை பெய்யக்கூடும் என்றும் பலத்த புயல் காற்று தாக்கக்கூடும் என்றும் வானிலை ஆய்வு மையம் எச்சரித்துள்ளது. பேராக்கில் புயல் தாக்கக்கூடிய வட்டாரங்கள் அடையாளம் காணப்பட்டுள்ளதாகவும் வானிலை ஆய்வு மையம் தெரிவித்தது. இதற்கிடையே பினாங்கில் வெள்ளத்தால் பாதிக்கப்பட்ட பகுதியிலிருந்து வெளியேற்றப்பட்டவர்கள் தங்கள் வீடுகளுக்குத் திரும்பத் தொடங்கியிருப்பதாக அதிகாரி ஒருவர் கூறினார். தற்போது 3,482 பேர் மட்டுமே தற்காலிக முகாம்களில் தங்கியிருப்பதாகவும் அவர் சொன்னார். வெள்ளத்தால் பாதிக்கப்பட்ட பல இடங்களில் வெள்ளம் வடியத் தொடங்கி விட்டது என்றும் வீடுகளிலிருந்து வெளியேறிவர்கள் வீட்டுக்குத் திரும்புகின்றனர் என்றும் அவர் கூறினார். 2017-11-09 06:00:00 +0800