You are here

உல‌க‌ம்

நியூயார்க்கில் உதவியாளருடன் இமாம் சுட்டுக்கொலை: சந்தேக நபர் தப்பி ஓட்டம்

படுகொலைகள் நிகழ்ந்த இடத்தில் விசாரணை நடத்தும் அதிகாரிகள். படம்: ராய்ட்டர்ஸ்

நியூயார்க்கில் இமாம் ஒருவரும் அவரது உதவியாளரும் சுட்டுக் கொல்லப்பட்டனர். அமெரிக்க நேரப்படி சனிக் கிழமை பட்டப்பகலில் இச்சம்ப வம் நிகழ்ந்துள்ளது. பங்ளாதேஷியர் அதிகம் வசிக் கும் பகுதியான ஓசோன் பார்க் என்னும் இடத்தில் பள்ளிவாசல் தொழுகைக்குப் பின்னர் இந்தப் படுகொலைகள் நடந்ததாக அதிகாரிகள் கூறினர். கொல்லப்பட்ட இருவரும் தலையில் சுடப்பட்டனர். மேலும், மாவுலாமா அகோன்ஜீ என்னும் பெயர் கொண்ட இமாம் அவர் தொழுகையை வழிநடத்தும் பள்ளி வாசலுக்கு அருகிலேயே சுடப் பட்டு இருப்பது -குறிப்பிடத்தக்கது.

தண்ணீர் பிரச்சினைகளை எதிர்நோக்கும் மலேசியா

மலேசிய மாநிலங்கள் வரும் 2020ஆம் ஆண்டுக்குள் அதிக இடர்ப்பாடுடனான தண்ணீர் பிரச்சினைகளை எதிர்நோக்கும் என்று கூறப்படுகிறது. அதிக மழைபொழியக் கூடிய தட்பவெப்ப மண்டலத்தில் மலே சியா அமைந்துள்ள போதிலும் தண்ணீர் பிரச்சினை தவிர்க்கமுடி யாத ஒன்று என்றும் தெரிவிக் கப்படுகிறது. அடுத்த நான்காண்டுகளில் மலேசியாவின் கெடா, பினாங்கு, கிளந்தான், பேராக், சிலாங்கூர், கோலாலம்பூர், மலாக்கா, நெகிரி செம்பிலான் போன்ற மாநிலங் களின் நீரழுத்த நிலை 1.4 மடங்கு அதிகரிக்கும் வாய்ப்பு உள்ளதாக உலக வளங்கள் நிறுவனம் தெரிவித்துள்ளது.

தாய்லாந்து குண்டு வெடிப்பு; மரபணு மாதிரிகள் சேகரிப்பு

சுற்றுலாப்பயணி ஒருவரின் பையை சோதிக்கும் தாய்லாந்து போலிசார். படம்: ஏஎஃப்பி

பேங்காக்: தாய்லாந்தின் பல இடங்களில் தொடர்ச்சியாக அடுத் தடுத்து குண்டுகள் வெடித்தது தொடர்பில் இருவர் கைது செய்யப்பட்டுள்ள நிலையில் குண்டு வெடித்த இடத்தில் மரபணு மாதிரிகளை போலிசார் சேகரித்து வருவதாக போலிஸ் உயர் அதிகாரி ஒருவர் கூறினார். அந்தத் தாக்குதல்களுக்கு காரணமானவர்கள் யார் என்பது விரைவில் தெரிந்துவிடும் என்று தாங்கள் எதிர்பார்ப்பதாகவும் அவர் கூறினார்.

ஆப்கானில் ஐஎஸ் தலைவர் அமெரிக்கத் தாக்குதலில் பலி

காபூல்: ஆப்கானிஸ்தானில் அமெரிக்காவின் ஆளில்லா விமானம் குண்டு வீசித் தாக்கியதில் ஐஎஸ் குழுவின் தலைவர் ஹஃபிஸ் சயீத் கான் கொல்லப்பட்டதாக அமெரிக்கா தெரிவித்துள்ளது. சயீத் கான் சென்ற ஆண்டு ஆப்கானின் கிழக்குப் பகுதியில் உள்ள ஒரு மாநிலத்தில் நடத்தப்பட்ட தாக்குதலில் கொல்லப்பட்டதாக ஆப்கான் உளவுத் துறை முன்பு அறிவித்திருந்தது. ஆனால் அத்தாக்குதலில் சயீத் கான் உயிர் தப்பியதாக ஐஎஸ் குழு கூறி வந்தது. இந்நிலையில் நன்கர்ஹார் பகுதியில் கடந்த ஜூலை 26ஆம் தேதி அமெரிக்காவின் ஆளில்லா விமானம் தாக்குதல் நடத்தியதில் சயீத் கான் கொல்லப்பட்டதாக அமெரிக்கா தெரிவித்துள்ளது. சயீத் கான் கொல்லப்பட்டது

கிளின்டன், ஹில்லரி மொத்த வருமானம் $14.5 மில்லியன்

வா‌ஷிங்டன்: அமெரிக்கத் தேர்தலில் போட்டியிடவுள்ள ஹில்லரி கிளின்டன் சென்ற ஆண்டு அவரது வருமான வரி பற்றிய விவரங்களை வெளியிட்டார். ஹில்லரியும் அவரது கணவர் கிளின்டனும் சென்ற ஆண்டு ஈட்டிய வருமானம் 10.75 மில்லியன் அமெரிக்க டாலர் (S$14.5 மில்லியன்) என்பதும் அதற்கு அவர்கள் 34.2 விழுக்காடு வரி செலுத்தியதும் தெரிய வந்துள்ளது. அறப்பணிக்கு அவர்கள் 1 மில்லியன் டாலர் நன்கொடை வழங்கியுள்ளனர்.

ஐஎஸ் சந்தேகப் பேர்வழிகள் 9 பேர் மலேசியாவில் கைது

கோலாலம்பூர்: மலேசியாவில் தேசிய அளவில் நான்கு மாநிலங்களில் மேற்கொண்ட அதிரடிச் சோதனையில் ஐஎஸ் இயக்கத் தோடு தொடர்பு உடையவர்கள் என்று சந்தேகிக்கப்பட்ட 9 பேரை கைது செய்திருப்பதாக போலிசார் கூறினர். கைது செய்யப்பட்டவர்களில் இருவர் மொவிடா குண்டு வெடிப்புத் தாக்குதலில் சம்பந்தப் பட்டவர்களாவர். கடந்த ஜூலை 20 மற்றும் ஆகஸ்டு 9-ஆம் தேதிகளில், புக்கிட் அமான் பயங்கரவாத ஒழிப்பு பிரிவினர் கோலாலம்பூரிலும் ஜோகூர், சாபா மற்றும் கிளந்தான் மாநிலங்களிலும் மேற்கொண்ட அதிரடிச் சோதனையின்போது இந்த 9 பேரும் கைது செய்யப் பட்டதாக போலிஸ் படைத் தலைவர் காலிட் அபு பக்கர் கூறினார்.

பயங்கரவாத நடவடிக்கைகளை ஆதரித்ததாக 6 பேர் மீது குற்றச்சாட்டு

கோலாலம்பூர்: பயங்கரவாத நடவடிக்கைகளை ஆதரித்ததாக ஒரு மாது உள்பட 6 பேர் மீது மலேசியாவில் உள்ள நீதிமன்றத்தில் நேற்று குற்றம் சாட்டப்பட்டது. மலேசியாவில் உள்ள மூன்று மாநிலங்களில் பயங்கரவாத நடவடிக்கைகளை ஆதரித்ததாக அவர்கள் மீது குற்றம் சாட்டப்பட்டுள்ளது. முன்னாள் பாதுகாவலர், ஓர் இளைஞர், ஒரு டாக்சி ஓட்டுநர் அவர்களுள் அடங்குவர்.

டிரம்பின் பிரசாரத்திற்கு உதவுவதை நிறுத்தவும்

குடியரசுக் கட்சி அதிபர் வேட்பாளர் டோனல்ட் டிரம்ப்

வா‌ஷிங்டன்: அமெரிக்காவில் தொடர்ந்து சர்ச்சைக்குரிய கருத்துகளைக் கூறி வரும் குடியரசுக் கட்சி அதிபர் வேட்பாளர் டோனல்ட் டிரம்பிற்கு எதிர்ப்பு அதிகரித் துள்ளது. அவரது பிரசாரத்திற்கு உதவுவதை நிறுத்துமாறு குடியரசுக் கட்சியைச் சேர்ந்த பலர் அக்கட்சியின் தேசியக் குழுத் தலைவரை கேட்டுக்கொண்டுள் ளனர்.

பிணைப்பிடித்து வைத்திருந்த ஒருவன் சுட்டுக்கொலை

கோலாலம்பூர்: ஒரு கடையின் உரிமையாளரை பிணைப்பிடித்து வைத்திருந்த ஒருவனை ஜோகூர் போலிசார் சுட்டுக் கொன்றனர். ஆயர் ஹித்தாமில் வியாழக்கிழமை இரவு ஒரு கடைக்குள் நுழைந்த ஒருவன் அக்கடை உரிமையாளரான 53 வயது மாதினை பிணைப்பிடித்து வைத்திருந்ததாக போலிசார் கூறினர். அந்த மாதிடம் அவன் 300,000 ரிங்கிட் பணம் கேட்டு மிரட்டியதாகக் கூறப்பட்டது. அவன் கேட்ட பணத்தை அந்த மாதின் உறவினர் கொடுத்த போதும் அவன் அந்த மாதை விடுவிக்கவில்லை. அந்த மாதை அவன் சுடமுயன்றபோது போலிசார் அதிரடியாக உள்ளே நுழைந்து அவனை சுட்டுக் கொன்றதாக உயர் அதிகாரி ஒருவர் கூறினார். அவன் இரு துப்பாக்கிகளை வைத்திருந்ததாகவும் போலிசார் கூறினர்.

தெற்கு பிரான்சில் காட்டுத் தீ; 1,000 பேருக்குமேல் வெளியேற்றம்

தெற்கு பிரான்சில் கொழுந்துவிட்டு எரிந்த காட்டுத் தீ. படம்: ஏஎஃப்பி

விட்­ரோ­லிஸ்: பிரான்­சின் தெற்குப் பகு­தி­யில் உள்ள மார்­சீ­லில் கொழுந்­து­விட்டு எரியும் காட்டுத் தீயினால் ஆயி­ரத்­துக்­கும் அதி­க­மா­னோர் வீடு­களி­லி­ருந்து பாது­காப்­பான இடங்களுக்கு வெளியேற் றப்­பட்­டுள்­ள­னர். நாட்டின் பல்வேறு பகுதிகளில் இருந்து 1,500 தீயணைப்­பா­ளர்­களை பிரான்சு தீயணைப்பு நட­வ­டிக்கை­களில் ஈடு­படுத்­தி­யது. சிங்கப்­பூர் நேரப்­படி நேற்று முன்தினம் இரவு 9.30 மணி­ய­ள­வில் பற்றிய தீ பலத்த காற்றின் கார­ண­மாக 2,260 ஹெக்டர் பரப்­ப­ள­வில் இருந்த புல்வெளி, புதர்கள், மரங்கள் போன்ற­வற்­றில் மள­ம­ள­வெ­னப் பர­வி­யது.

Pages