You are here

உல‌க‌ம்

மலேசியா கட்டும் விமானத் துறை மையம்

மலேசியா கட்டும் விமானத் துறை மையம்

கோலாலம்பூர்: ஒரு ஹெக்டர் காலியான நிலப்பரப்பை மாபெரும் விமானத்துறை மையமாக மாற்றும் திட்டத்தை மலேசியா நேற்று வெளியிட்டது. செபாங்கில் உள்ள நாட்டின் முக்கிய விமான நிலையத்தைச் சுற்றி இந்தப் புதிய மையம் அமையும். இதில் விமானச் சரக்ககம், தளவாடங்கள், விமானச் சேவைகள் போன்றவை உள்ளடக்கப் பட்டிருக்கும் என்று தெரிவிக்கப்பட்டது. கோலாலம்பூர் அனைத்துலக விமான நிலையத்தைச் (KLIA) சுற்றி உள்ள திட்டத்துக்கு ‘கேஎல்ஐஏ ஏரோபோலிஸ்’ (KLIA Aeropolis) என்று பெயரிடப் பட்டுள்ளது.

வியட்னாம் மீதான ஆயுதத் தடைகள் அகற்றப்பட்டன

வியட்னாமுக்கு வந்த அதிபர் ஒபாமாவுக்கு ஹனோய் நகர அதிபர் மாளிகைக்கு முன் அந்நாட்டின் அதிபர் டிரான் டாய் குவாங் சிறப்பான வரவேற்பு அளித்தார். படம்: ராய்ட்டர்ஸ்

ஹனோய்: வியட்னாமுக்கு ராணுவ ஆயுதங்களை விற்பதற்கு விதிக் கப்பட்டிருந்த தடை முழுமையாக அகற்றப்படுகிறது என்று நேற்று அதிபர் பாரக் ஒபாமா அறிவித்தார். பல ஆண்டுகளாக வியட்னா முக்கு ஆயுதங்களை விற்க அமெரிக்கா தடை விதித்திருந் தது. இந்தத் தடை அகற்றப்படுவதாக அமெரிக்க அதிபர் சொன்னார். வியட்னாமிய அதிபர் டிரான் டான் குவாங்குடன் செய்தியாளர் கூட்டத்தில் பேசிய திரு ஒபாமா, “வியட்னாமுடன் தற்காப்பு உறவை வலுப்படுத்தும் முயற்சிகளின் ஒரு பகுதியாக ஆயுத விற்பனைத் தடை அகற்றப்படுகிறது,” என்றார்.

தாய்லாந்து: தீயில் கருகிய 17 மாணவிகள்

தாய்லாந்து: தீயில் கருகிய 17 மாணவிகள்

தாய்லாந்தின் சியாங் ராய் மாநி லத்தில் உள்ள பள்ளி விடுதி ஒன்றில் நிகழ்ந்த தீ விபத்தில் 17 சிறுமிகள் மாண்டு போயினர். தனியார் அறக்கட்டளையால் நடத்தப்பட்டு வரும் ‘பிட்டகியட் விட்டயா’ என்ற அந்தக் கிறிஸ் துவப் பள்ளியில் மலைவாழ் பழங்குடியினங்களைச் சேர்ந்த ஆறு முதல் 13 வயதுக்குட்பட்ட ஏழைச் சிறுமிகள் பலர் படித்து வருகின்றனர். தங்களது ஊர்களில் இருந்து அந்தப் பள்ளிக்கூடம் வெகு தூரம் என்பதால் 38 சிறுமிகள் பள்ளி விடுதியிலேயே தங்கி இருந்தனர். இந்நிலையில், இரு தளங் களைக் கொண்ட அவ்விடுதியில் நேற்று முன்தினம் இரவு 11 மணி அளவில் திடீரென தீப்பற்றியது.

இந்தோனீசியாவில் எரிமலை குமுறல்: 6 பேர் மரணம்

ந்தோனீசிய வீரர்களும் கிராம மக்களும் மீட்புப் பணிகளில் ஈடுபட்டுள்ளனர். படம்: ஏஎஃப்பி

ஜகார்த்தா: இந்தோனீசியாவில் சினபங் எரிமலையின் சீற்றம் காரணமாக ஆறு பேர் உயிரிழந் தனர் என்று அதிகாரி ஒருவர் தெரிவித்துள்ளார். சுமத்ரா தீவில் உள்ள அந்த எரிமலையின் சீற்றம் இன்னும் அதிகரிக்கக்கூடும் என்பதால் இன்னும் பலர் அதனால் பாதிக் கக்கூடும் என்று அஞ்சப்படுகிறது. அந்த எரிமலை வெடித்து சிதறியதைத் தொடர்ந்து அது கக்கும் கரும் புகை சுற்று வட்டாரப் பகுதிகளை சூழ்ந்துள்ளது. எரிமலை வெடிப்பின்போது வெளியான வெப்ப வாயு மற்றும் சாம்பல் மேகத்தால் பலர் பாதிக் கப்பட்டுள்ளனர்.

பங்ளாதே‌ஷில் கடும் புயல்: 24 பேர் மரணம்

புயலால் பாதிக்கப்பட்ட கிராம மக்கள்

டாக்கா: பங்ளாதே‌ஷில் கடற்கரை பகுதியில் ரோனு புயல் பெரும் சேதத்தை ஏற்படுத்தி உள்ளது. இதுவரை 24 பேர் உயிரிழந் துள்ளனர் என்றும் சுமார் 500,000 பேர் புயல் காரணமாக வீடுகளைவிட்டு வெளியேறி யுள்ளனர் என்றும் அதிகாரிகள் தெரிவித்துள்ளனர். சிட்டகாங் பகுதியில் ஞாயிற்றுக்கிழமை புயல் கரையைக் கடந்தது முதல் பல பகுதிகளில் கனமழை பெய்த தாகவும் அதனைத் தொடர்ந்து வெள்ளப்பெருக்கு ஏற்பட்டதாக வும் கூறப்பட்டது. இதனால் ஆங்காங்கே நிலச் சரிவுகள் ஏற்பட்டன. பல வீடுகளுக்குள் வெள்ளநீர் புகுந்தது.

பலூனில் பறந்த 9 பேர் உயிர் தப்பினர்

சிட்னி: ஆஸ்திரேலியாவின் மெல்போர்ன் அருகேயுள்ள தீபகற்பப் பகுதியில் 9 பேர் கொண்ட குழுவினர் ஒரு பலூனில் பறந்து கொண்டிருந்தனர். அந்த பலூன் கடல் மீது பறந்து கொண்டிருந்தபோது பலத்த காற்று வீசியது. அதனால் அந்த பலூன் நிலை தடுமாறியது. அதில் சென்றவர்கள் உயிரிழக்கும் ஆபத்து ஏற்பட்டது. இந்நிலையில் கடலில் ஒரு படகு சென்று கொண்டிருந்ததைப் பார்த்த பலூன் விமானி, படகு ஓட்டுநருக்கு தகவல் கொடுத்ததும் அப்பகுதிக்கு வந்த அப்படகு அந்த 9 பேரையும் காப்பாற்றியது.

மலேசிய அமைச்சர் கண்டிப்பு: வர்த்தக வாகனங்களை வெளிநாட்டினர் ஓட்டக்கூடாது

பாங்கி: பேருந்து நிறுவனங்களும் லாரி நிறுவனங்களும் தங்களது வர்த்தக வாகன ஓட்டுநர் பணி களில் உள்நாட்டினரையே அமர்த்த வேண்டும் என்றும் வெளிநாட்டி னருக்கு அந்த வேலையைத் தரும் நிறுவனம் தனது உரிமத்தை இழக்க நேரிடும் என்றும் மலேசிய போக்குவரத்து அமைச்சர் லியோ தியோங் லாய் தெரிவித்துள்ளார். “இந்த நிலையில் நாங்கள் உறுதியாக இருக்கிறோம். ஓட்டுநர் வேலையை மலேசியருக்கே வழங்க வேண்டும் என்று பேருந்து, லாரி நிறுவனங்களுக்கு நினைவூட்டல் அனுப்பி இருக்கிறோம்,” என்று நேற்று செய்தியாளர்களிடம் பேசுகையில் அவர் கூறினார்.

வெள்ளை மாளிகைக்கு வெளியே சுடப்பட்டவரைப் பற்றிய மர்மம் நீடிப்பு

வா‌ஷிங்டன்: அமெரிக்க வெள்ளை மாளிகைக்கு வெளியே ரகசிய பாதுகாப்பு அதிகாரியால் சுடப்பட்ட வர் யாரென்ற மர்மம் நீடிக்கிறது. பொதுமக்கள் வந்து செல்லும் வாயில் எண் 17ல் கையில் துப்பாக்கியுடன் நேற்று முன்தினம் பிற்பகலில் அந்த ஆடவர் காணப் பட்டார். அவரை அந்த இடத் திலேயே நிற்குமாறும் துப்பாக் கியைக் கீழே போடுமாறும் அப்போது பாதுகாப்புப் பணியில் இருந்த சீருடை அதிகாரிகள் பலதடவை உரக்கக் கத்தினர். ஆனால், அந்த உத்தரவு களுக்குக் கீழ்ப்படிய மறுத்ததால் ரகசிய பாதுகாப்புப் படை அதிகாரி அந்த ஆடவரைச் சுட்டதாகவும் துப்பாக்கித் தோட்டா அவரது வயிற்றில் பாய்ந்ததாகவும் அதி காரி ஒருவர் தெரிவித்தார்.

மலேசிய போலிஸ் தீவிரம்

பெட்டாலிங் ஜெயா: பிரான்சில் அடுத்த சில வாரங்களில் தொடங்க இருக்கும் ஐரோப்பிய கிண்ணக் காற்பந்துப் போட்டியைப் பலரும் எதிர்பார்த்திருக்கும் வேளையில் அப்போட்டி தொடர்பிலான சூதாட் டத்தை முறியடிப்பதில் மலேசியப் போலிசார் தீவிரமாக ஈடுபட்டு வருகின்றனர். காற்பந்து சூதாட்ட தொழிலில் கிட்டத்தட்ட 120 மில்லியன் ரிங்கிட் புழங்குவதாக அவர்கள் சந்தேகிக்கின்றனர்.

சீனாவுடன் ஆக்கபூர்வ பேச்சு நடத்த தைவானிய புதிய அதிபர் விருப்பம்

புதிய அதிபராக பொறுப்பேற்றுக்கொண்ட சாய் இங்க் வென் உறுதிமொழி எடுத்துக்கொண்டார். படம்: ஏஎஃப்பி

தைப்பே: தைவானின் முதல் பெண் அதிபராக பதவியேற்றுள்ள சாய் இங்க் வென், சீனாவுடன் ஆக்கபூர்வ பேச்சு வார்த்தையில் ஈடுபட விருப்பம் தெரி வித்துள்ளார். சீனாவும் தைவானும் வேறுபாடுகளை ஒதுக்கிவைத்துவிட்டு இரு நாடுகளும் நன்மை அடையும் வகையில் பேச்சைத் தொடங்க வேண் டும் என்று அவர் கேட்டுக்கொண் டுள்ளார். தைவானிய அதிபராக 59 வயதான திருவாட்டி சாய் நேற்று பதவி ஏற்றுக்கொண்டார். அமைதியானவர் என்றும் உறுதியான தலைவர் என்றும் கருதப்படும் சாய், கடந்த ஜனவரி மாதத்தில் நடந்த தேர்தலில் ஜனநாயக முற்போக்கு கட்சியை வழிநடத்தி அமோக வெற்றி பெற்றார்.

Pages