You are here

உல‌க‌ம்

பாக். தாக்குதலில் பலியானோருக்கு பிரார்த்தனை

பாக். தாக்குதலில் பலியானோருக்கு பிரார்த்தனை

பாகிஸ்தானின் லாகூரில் மார்ச் 27ஆம் தேதி கிறிஸ்துவர்கள் ஒன்று கூடல் நிகழ்ச்சி ஒன்றைக் குறிவைத்து ஒரு பூங்காவில் நடந்த தற்கொலைத் தாக்குதலில் பச்சிளங்குழந்தைகள் உள்பட 70க்கும் மேற்பட்டோர் கொல்லப்பட்டனர். 300க்கும் மேற்பட்டோர் கடுமையாகக் காயமடைந்தனர். பலரின் நிலைமை இன்னும் கவலைக்கிடமாக உள்ளது. அந்தத் தாக்குதலில் உயிரிழந்தவர்களுக்காக நேற்று அந்த ஆலயத்தில் சிறப்பு வழிபாடு மேற்கொள்ளப்பட்டது. அந்த வழிபாட்டில் ஏராளமானோர் கலந்துகொண்டனர். படம்: ஏஎஃப்பி

ஜப்பானின் போர்க்கப்பலுக்கு வரவேற்பு

ஜப்பானின் போர்க்கப்பலுக்கு வரவேற்பு

ஜப்­பா­னின் நீர்­மூழ்­கிக் கப்பல் ஒயா­‌ஷியோ, 2 நாச­கா­ரிப் போர்க்­கப்­பல்­களு­டன் சர்ச்சைக் குரிய தென்­சீ­னக் கடல் பகு­திக்கு அருகே உள்ள பிலிப்­பீன்­சின் துறை­மு­கத்தை நேற்று அடைந்தது. அக்­கப்­பல்­களை பிலிப்­பீன்ஸ் கடற்­படை வீரர்­கள் மேள தாளத்­து­டன் வர­வேற்­ற­னர். அண்டை நாடு­களின் கடற்­படை­களுக்கு இடை­யே­யான கடற்­துறை ஒத்­துழைப்பு மேம்­­­படுத்­து­வது, வட்­டா­ரத்­தில் அமைதி, நிலைத் தன்மையை மேம்படுத்­து­வது போன்றவையே இந்தக் கப்­பல்­கள் வருகை­யின் நோக்கம் என பிலிப்­பீன்ஸ் கடற்­படைப் பேச்­சா­ளர் லியுட் லின்­குனா கூறினார்.

1எம்டிபி: வங்கிகளிடம் விவரம் கேட்கும் அமெரிக்க அதிகாரிகள்

படம்: புளூம்பெர்க்

கோலாலம்பூர்: மலேசியாவின் முதலீட்டு நிறுவனமான 1எம்டிபி உடனான தொடர்பு குறித்து தகவல்களை வெளியிடுமாறு டாய்ச் வங்கி, ஜேபி மோர்கன் ஆகியவற்றிடம் அமெரிக்க நீதித் துறை அதிகாரிகள் கேட்டுக் கொண்டதாக தகவல்கள் தெரிவிக்கின்றன. இது தொடர்பில் மலேசியாவின் தலைநகரமான கோலாலம்பூருக்கும் அமெரிக்க அதிகாரிகள் பயணம் மேற்கொண்டதாகவும் கூறப்படுகிறது. முதலீட்டு நிறுவனத்துடன் உள்ள நெருக்கமான தொடர்பு குறித்து அவர்கள் தகவல் அறிய விரும்பியதாகவும் அடையாளம் தெரியாத மூன்று தகவல்களை சுட்டிக்காட்டி மலேசிய ஊடகம் ஒன்று குறிப்பிட்டது.

பிரசல்ஸ் விமான நிலையம் மீண்டும் திறக்கப்பட்டது

பிரசல்ஸ் விமான நிலையம் மீண்டும் திறக்கப்பட்டது, ராய்ட்டர்ஸ்

பிரசல்ஸ்: வெடிகுண்டு தாக்கு தலால் பாதிக்கப்பட்ட பிரசல்ஸ் விமான நிலையத்தின் ஒரு பகுதி நேற்று மீண்டும் திறக்கப் பட்டது. ஆனால் விமானங்களின் புறப்பாடு உடனடியாக இருக்காது என்று தகவல்கள் தெரிவிக் கின்றன. கடந்த மார்ச் 22ஆம் தேதி புறப்பாடு பகுதியில் இரண்டு தற்கொலையாளிகள் வெடிகுண்டுகளை வெடிக்கச் செய்ததால் விமான நிலையம் மூடப்பட்டது. நேற்று வெளியிடப் பட்ட அறிக்கையில் புறப்பாடு பகுதியில் 20 விழுக்காடு மட்டு மே செயல்படும் என்று விமான நிலைய நிர்வாகம் குறிப்பிட்டது. விமான நிலையத்தை தவிர மெட்ரோ ரயில் நிலையத்தில் மற் றொரு தற்கொலை வெடி குண்டு தாக்குதல் நடத்தப் பட்டதில் மொத்தம் 32 பேர் கொல்லப்பட்டனர்.

சூச்சிக்கு முக்கியப் பதவி; ராணுவம் கடும் எதிர்ப்பு

ஆங் சான் சூச்சி (நடுவில்)

யங்கூன்: அரசாங்கத்தில் ஆங் சான் சூச்சிக்கு சக்திவாய்ந்த பதவி வழங்குவதை அனுமதிக்கும் மசோதா நேற்று ராணுவத்தின் கடும் எதிர்ப்புகளுக்கு இடையே நிறைவேற்றப்பட்டது. இந்த மசோதாவால் உரு வாக்கப்பட்ட அரசு ஆலோசகர் என்ற புதிய பதவி மூலம் அமைச் சர்களுக்கு இடையே ஆங் சான் சூச்சி ஒருங்கிணைப்பாளராகச் செயல்பட முடியும். அரசாங்கத்தில் திருவாட்டி சூச்சி கூடுதல் அதிகாரத்துடன் நாட்டை நிர்வகித்து வழி நடத்தவும் புதிய பதவி வகை செய்கிறது. மேலும் இந்தப் பொறுப்பு, பிரதமர் பதவிக்கு ஈடானது என்று கூறப்படுகிறது.

ஒபாமாவிடம் சீன அதிபர் ஸி ஜின்பிங்: தென் சீனக்கடலைத் தற்காப்போம்

அமெரிக்க அதிபர் பாரக் ஒபாமாவும் சீன அதிபர் ஸி ஜின்பிங்கும்

வா‌ஷிங்டன்: அமெரிக்க அதிபர் பாரக் ஒபாமாவிடம் பேசிய சீன அதிபர் ஸி ஜின்பிங், தென் சீனக் கடலின் இறையாண்மையை தற்காப்போம் என்று கூறியிருக் கிறார். இந்த விவகாரம் தொடர்பாக சம்பந்தப்பட்ட தரப்புகளுடன் நேரடி யாக பேசி அமைதியான முறையில் தீர்வு காணப்படும் என்றும் அவர் உறுதியளித்தார். “சுதந்திரமான போக்குவரத் தை பெய்ஜிங் மதிக்கிறது,” என்று திரு ஸி ஜின்பிங் குறிப்பிட்டார். வா‌ஷிங்டனில் நடைபெறும் அணுவாயுத உச்சநிலை மாநாட்டில் பங்கேற்பதற்காக வந்த சீன அதிபர் ஸி ஜின்பிங், ஒபாமாவிடம் பேச்சு நடத்தினார்.

ஆங் சான் சூச்சிக்கு அரசு ஆலோசகர் பதவி

மியன்மார் தலைவர் திருவாட்டி ஆங் சான் சூச்சி/ படம்: ஈபிஏ

யங்கூன்: மியன்மாரின் புதிய அரசாங்கத்தில் திருவாட்டி ஆங் சான் சூச்சிக்கு கூடுதல் அதிகாரம் வழங்க வகை செய்யும் ஒரு மசோதாவை ஆளும் தேசிய ஜனநாயக லீக் கட்சி நேற்று நாடாளுமன்றத்தில் தாக்கல் செய் துள்ளது. அக்கட்சியின் தலைவியான சூச்சிக்கு புதிய “அரசாங்க ஆலோசகர்” பதவியை வழங்க அந்த மசோதா வகை செய்கிறது. அந்த மசோதா நாடாளுமன்ற மேலவையில் நேற்று தாக்கல் செய்யப்பட்டது. திருவாட்டி சூச்சி, கூடுதல் அதிகாரத்துடன் நாட்டை நிர்வகித்து வழிநடத்த இந்தப் புதிய பொறுப்பு வகை செய்யும்.

தென்தாய்லாந்து குண்டு வெடிப்புகளில் பலர் காயம்

தென்தாய்லாந்து குண்டு வெடிப்புகளில் பலர் காயம்

பட்டானி: தென்தாய்லாந்தின் பட்டானி மாநிலத்தில் அடுத்தடுத்து பல குண்டுகள் வெடித்ததில் ஒருவர் உயிரிழந்ததாகவும் பலர் காயம் அடைந்ததாகவும் ராணுவம் தெரிவித்துள்ளது. மலேசிய எல்லைக்கு அருகே முஸ்லிம்கள் அதிகமாக வசிக்கும் மாநிலங்களில் ஒன்றான பட்டானியில் அடுத்தடுத்து 10 குண்டுகள் வெடித்ததாக அதிகாரிகள் கூறினர்.

ஆடம்பரப் பொருட்கள் வாங்க நஜிப் 15 மி. டாலர் செலவிட்டதாகத் தகவல்

மலேசியப் பிரதமர் நஜிப் ரசாக். படம்: ராய்ட்டர்ஸ்

கோலாலம்பூர்: மலேசியப் பிரதமர் நஜிப் ரசாக், அரசாங்க முதலீட்டு நிறுவனத்திலிருந்து அவரது வங்கிக் கணக்கிற்கு மாற்றிவிடப் பட்டதாகக் கூறப்படும் பணத்தைப் பயன்படுத்தி வெளிநாடுகளில் ஆடம்பரப் பொருட்கள் வாங்கிய தாக வால் ஸ்திரீட் ஜர்னல் செய்தி வெளியிட்டுள்ளது. விடுமுறையைக் கழிப்பதற்கும் விலை உயர்ந்த உடை மற்றும் நகைகள் வாங்குவதற்கும் நஜிப் 15 மில்லியன் அமெரிக்க டாலர் செலவிட்டிருப்பதாகவும் அந்த நாளேடு செய்தி வெளியிட்டுள் ளது. 2011ஆம் ஆண்டுக்கும் 2014ஆம் ஆண்டுக்கும் இடைப் பட்ட காலத்தில் திரு நஜிப் அந்தப் பொருட்களை வாங்கியதாகவும் அந்த நாளேட்டின் தகவல் கூறுகிறது.

நஜிப் மீதான $375மி. ஊழல் புகாருக்கு அமைச்சர் மறுப்பு

மலேசியப் பிரதமர் நஜிப் ரசாக்

மலேசியப் பிரதமர் நஜிப் ரசாக்கிற்கு சவூதி இளவரசர் 375 மில்லியன் அமெரிக்க டாலர் (1.5 பில் லியன் ரிங்கிட்) பரிசாக வழங்கி யதாக வெளியான செய்தியை அம்னோ உச்சமன்ற உறுப்பினர் தாஜுதின் அப்துல் ரஹ்மான் மறுத்துள்ளார். ஆஸ்திரேலியாவின் ஏபிசி செய்தி நிறுவனம் கடந்த திங் கட்கிழமை முதல் ஃபேர் கார்னர்ஸ் என்னும் நிகழ்ச்சியில் திரு நஜிப் தொடர்புடைய ஊழல் குற்றச் சாட்டுகளை வெளியிட்டு வரு கிறது. அதன் ஒரு பகுதியாக கடந்த 2011ஆம் ஆண்டு சவூதி இளவரசர் 375 அமெரிக்க டாலரை திரு நஜிப்புக்குப் பரிசாக வழங்கி யதாக புதிய தகவல் ஒன்றை அது வெளியிட்டது.

Pages