You are here

உல‌க‌ம்

தென்சீனக் கடல் பகுதியில் ஜப்பானின் ஈடுபாடு

வா‌ஷிங்டன்: தென்சீனக் கடல் பகுதியில் ஜப்பான் அதன் நடவடிக்கையைத் தீவிரப்படுத்த விருப்பதாக அந்நாட்டு தற்காப்பு அமைச்சர் டோமோமி இனடா கூறியுள்ளார். அமெரிக்கா சென்றுள்ள அவர் வா‌ஷிங்டனில் கொள்கை, ஆய்வுக் கழகத்தில் உரையாற்றிய போது சர்ச்சைக்குரிய அந்தக் கடல் பகுதியில் ஜப்பானின் ஈடுபாடு பற்றிக் கூறினார். அமெரிக்காவுடன் சேர்ந்து சுற்றுக்காவல் பணியில் ஈடுபடுவ தன் மூலமும் வட்டார நாடுகளின் கடற்படைகளுடன் சேர்ந்து பலதரப்பு பயிற்சிகளில் ஈடுபடுவ தன் மூலமும் தென்சீனக் கடல் பகுதியில் ஜப்பான் அதன் நடவடிக்கையைத் தீவிரப்படுத்த விருப்பதாக திருவாட்டி இனடா கூறினார்.

துருக்கியில் பிரிட்டிஷ் தூதரகம் நேற்று மூடப்பட்டது

இஸ்தான்புல்: பாதுகாப்பு காரணத்திற்காக துருக்கியில் உள்ள பிரிட்டிஷ் தூதரகம் நேற்று மூடப்பட்டதாக அதிகாரிகள் கூறியுள்ளனர். அங்காராவில் உள்ள அத்தூதரகம் ஏற்கெனவே கடந்த திங்கட்கிழமை முதல் வியாழக்கிழமை வரை மூடப்பட்டிருந்தது. இஸ்லாமிய மற்றும் குர்தியப் போராளிகள் துருக்கியில் தொடர்ந்து தாக்குதல் நடத்தி வருவதால் பிரிட்டிஷ் அரசாங்கம் முன்னெச்சரிக்கை நடவடிக்கை எடுத்து வருகிறது. இந்நிலையில் துருக்கிய அதிகாரிகள் நான்கு சந்தேகப் பேர்வழிகளைக் கைது செய்து விசாரித்து வருவதாக தகவல்கள் கூறின. ஆனால் அந்த நால்வருக்குப் பயங்கரவாதச் குழுக்களுடன் தொடர்பு இல்லை என்று தெரியவந்துள்ளதாக அதிகாரிகள் கூறினர்.

பாக். ரயில் மோதலில் அறுவர் மரணம்; 150 பேர் காயம்

பாகிஸ்தானில் உள்ள முல்டான் நகருக்கு அருகே இரண்டு ரயில்கள் மோதிக் கொண்டன. படம்: ராய்ட்டர்ஸ்

முல்டான்: பாகிஸ்தானில் இரண்டு ரயில்கள் மோதிக்கொண்டதில் குறைந்தது நான்கு பேர் கொல்லப் பட்டனர் என்றும் 100க்கும் மேற் பட்டோர் காயம் அடைந்தனர் என்றும் அதிகாரிகள் தெரிவித்த னர். முல்டான் நகருக்கு அருகே இந்த விபத்து நிகழ்ந்தது. நேற்று விடியற்காலை 2.30 மணி அளவில் கராச்சி நோக்கிச் சென்று கொண்டிருந்த அவாமி எக்ஸ்பிரஸ் பயணிகள் ரயில், நிறுத்தி வைக்கப்பட்டிருந்த சரக்கு ரயிலுடன் மோதியது. முன்னதாக தண்டவாளத்தைக் கடந்துகொண்டிருந்த ஒருவர் மீது ஏறியதால் சரக்கு ரயில் நிறுத்தி வைக்கப்பட்டிருந்தது.

‘சூச்சி வருகையால் தடைகள் விலகும்’

வா‌ஷிங்டன் வெள்ளை மாளிகையில் அமெரிக்க அதிபர் பாராக் ஒபாமாவுடன் கைகுலுக்கும் மியன்மாரின் ஆங் சான் சூச்சி. படம்: ஈபிஏ

வா‌ஷிங்டன்: மியன்மாரின் ஆங் சான் சூச்சி தமது நாட்டுக்கு விதிக்கப்பட்ட பொருளியல் தடைகளை அகற்ற வேண்டும் என்று கேட்டுக் கொண்டார். அதற்குப் பதில் அளித்த அதிபர் ஒபாமா அப்படியே செய்வதாக ஒப்புக் கொண்டார். ஆங் சான் சூச்சி முதல் முறையாக வெள்ளை மாளிகையில் அதிபர் ஒபாமாவைச் சந்தித்துப் பேசினார். பொருளியல் பாதிப்புகளை ஏற்படுத்தும் அனைத்துத் தடைகளையும் அகற்றுவதற்கான நேரம் வந்துவிட்டது என்று சூச்சி தெரிவித்தார். மியன்மாரில் ஜனநாயக சீர்திருத்தங்கள் மேற்கொள் வதற்காகப் பொருளியல் தடைகள் விதிக்கப்பட்டு நெருக்கடி தர அமெரிக்கா ஆதரவு அளித்ததை சூச்சி சுட்டிக் காட்டினார்.

இந்தோனீசியா படகில் வெடிப்பு; இருவர் பலி

காராங் அசெம் என்னுமிடத்தில் குண்டுவெடித்த இடத்தை காவல்துறையினர் சோதனையிடுகின்றன. ஏஎப்பி

ஜகார்த்தா: இந்தோனீசியாவின் தீவுகளான பாலிக்கும் லொம் பாக்குக்கும் இடையே பயணி களை ஏற்றிச் செல்லும் படகில் வெடிப்பு ஏற்பட்டதில் இரண்டு பேர் மாண்டனர். இவர்களில் ஒருவர் டச்சு நாட்டவர் என்றும் பயணிகளில் 18 பேர் காயம் அடைந்தனர் என்றும் காவல்துறையினர் கூறினர். படகில் இருந்த 35 பேரும் வெளிநாட்டவர்கள். கிழக்கு பாலியில் உள்ள பாடாங் பாய் துறைமுகத்திலிருந்து புறப்பட்ட சிறிது நேரத்தில் படகில் வெடிப்பு ஏற்பட்டது. ஆனால் படகில் எப்படி வெடிப்பு ஏற்பட்டது என்பது குறித்து தகவல் இல்லை.

நீதித்துறை அதிகாரியைச் சுட்டுக்கொன்றதாக பிலிப்பீன்ஸ் அதிபர் மீது குற்றச்சாட்டு

பிலிப்பீன்ஸ் அதிபர் ரோட்ரிகோ டுட்டெர்ட்டே

பிலிப்பீன்ஸ் அதிபர் ரோட்ரிகோ டுட்டெர்ட்டே 1993ஆம் ஆண்டு நீதித்துறை ஊழியர் ஒருவரைச் சுட்டுக்கொன்றதாகவும் தனது எதிரிகளைக் கொல்ல உத்தரவிட்ட தாகவும் ‘கொலைப் படை’யைச் சேர்ந்த முன்னாள் உறுப்பினர் ஒருவர் அதிர்ச்சித் தகவல்களை வெளியிட்டுள்ளார். எட்கர் மாட்டோபாட்டோ, 57, எனும் அந்த ஆடவர், தாமும் போலிஸ் குழு ஒன்றும் முன்னாள் கம்யூனிஸ்ட் கிளர்ச்சியாளர்களும் டுட்டெர்ட்டேவின் உத்தரவின்படி கடந்த 25 ஆண்டுகளில் சுமார் 1,000 பேரைக் கொன்றுள்ளதாக நாடாளுமன்ற செனட் விசாரணைக் குழுவிடம் தெரிவித்தார்.

தைவானில் சூறாவளி; இருளில் மூழ்கிய வீடுகள்

படம்: ஏஎஃப்பி

தைப்பே: தைவானைத் தாக்கும் சூறாவளிக் காற்றினால் மக்கள் பெரிதும் பாதிக்கப்பட்டுள்ளனர். பலத்த காற்றில் பல மின் கம்பங்கள் சாய்ந்ததால் மின்சார விநியோகம் துண்டிக்கப்பட்டது. இதனால் கிட்டத்தட்ட 200,000 குடும்பங்கள் மின்சாரம் இன்றி தவிக்க நேர்ந்ததாக அதிகாரிகள் கூறினர். கடும் சூறாவளியால் உள்ளூர் மற்றும் அனைத்துலக விமானச் சேவைகளும் பாதிக்கப்பட்டன. பெரும்பாலான உள்ளூர் விமானச் சேவைகள் ரத்து செய்யப்பட்டன. சக்திவாய்ந்த ‘மிரன்டி’ எனும் சூறாவளி தைவானின் தென் பகுதி மற்றும் கிழக்குப் பகுதி நகரங்களை அச்சுறுத்துவதாக வானிலை ஆய்வு மையம் தெரிவித்துள்ளது.

நூருல் நுஹா: அன்வாரிடம் மகாதீர் மன்னிப்பு கேட்க வேண்டும்

அன்வாரின் இரண்டாவது மகள் நூருல் நுகா

கோலாலம்பூர்: மலேசிய முன்னாள் பிரதமர் மகாதீர், பிரதமர் நஜிப் ரசாக்கை பதவியிலிருந்து அகற்றுவதற்காக எதிர்க்கட்சிகளின் ஆதரவைப் பெறும் முயற்சியில் ஈடுபட்டுள்ள வேளையில் திரு மகாதீர், முன்னாள் எதிர்க்கட்சித் தலைவர் அன்வார் இப்ராகிமிடம் வெளிப்படையாக மன்னிப்பு கேட்க வேண்டும் என்று அன்வாரின் இரண்டாவது மகள் நூருல் நுகா வலியுறுத்தியுள்ளார். தன் தந்தை மீது 1998ஆம் ஆண்டு சாட்டப்பட்ட ஓரினப் புணர்ச்சி மற்றும் ஊழல் குற்றச் சாட்டுகளுக்காகவும் மற்ற செயல்களுக்காகவும் திரு மகாதீர் வெளிப்படையாக மன்னிப்பு கேட்க வேண்டும் என்று நூருல் வலியுறுத்தியதாக மலாய் மெயில் இணையப்பக்கத் தகவல் கூறியது.

நஜிப்பிற்கு எதிராக பெர்சே நவம்பர் 19ல் பேரணி

பெர்சே 2.0 இயக்கத்தின் தலைவி மரியா சின் அப்துல்லா

பெட்டாலிங் ஜெயா: மலேசிய பிரதமர் நஜிப் ரசாக்கிற்கு எதிராக வரும் நவம்பர் 19 ஆம் தேதி பேரணி நடத்தவிருப்பதாக பெர்சே அமைப்பு தெரிவித்துள்ளது. திரு நஜிப் உடனடியாக பதவி விலக வேண்டும் என்பதை வலியுறுத்துவதற்காக இந்தப் பேரணிக்கு பெர்சே ஏற்பாடு செய் துள்ளது. பேரணிக்கு முன்னதாக தேசிய அளவில் பிரசார இயக்கம் அக்டோபர் முதல் தேதி தொடங்கி ஏழு வாரங்களுக்கு நீடிக்கும் என்று பெர்சே 2.0 இயக்கத்தின் தலைவி மரியா சின் அப்துல்லா நேற்று நடைபெற்ற செய்தியாளர்கள் கூட்டத்தில் தெரிவித்தார்.

தென்கொரியா உயரே அமெரிக்க போர் விமானங்கள்

தென்கொரியா உயரே அமெரிக்க போர் விமானங்கள்

சோல்: சென்ற வாரம் வடகொரியா அதன் ஐந்தாவது அணுவாயுத சோதனையை மேற்கொண்டதைத் தொடர்ந்து பதற்றம் நீடிக்கும் வேளையில் குண்டு வீசித் தாக்கும் அமெரிக்காவின் இரு போர் விமானங்கள் தென்கொரி யாவுக்கு உயரே பறந்தன. அமெரிக்கா அதன் நட்பு நாடான தென்கொரியாவுக்கு அதன் ஆதரவை வெளிப்படுத்தும் வகையில் அந்த நடவடிக்கையில் ஈடுபட்டதாகக் கூறப்படுகிறது.

Pages