You are here

உல‌க‌ம்

தீப்பிடித்த கப்பல்; பலரைக் காணவில்லை

PHOTO: AGENCE FRANCE-PRESSE

பெய்ஜிங்: சீனக் கடற்பகுதியில் நேற்று முன்தினம் இரவு சரக்குக் கப்பல் மீது எண்ணெய் ஏற்றிச் சென்ற கப்பல் ஒன்று மோதியது. இதில் எண்ணெய் ஏற்றிச் சென்ற கப்பல் தீப்பிடித்துக்கொண்டது. ஈரானிய நிறுவனத்துக்குச் சொந்தமான அக்கப்பலின் 32 சிப்பந்திகளையும் காணவில்லை என்று சீனப் போக்குவரத்து அமைச்சு தெரிவித்துள்ளது. காணாமல் போனவர்களில் 30 பேர் ஈரானியர்கள் என்றும் இருவர் பங்ளாதே‌ஷியர்கள் என்றும் அறியப்படுகிறது. விபத்தில் சிக்கிய சரக்குக் கப்பல் சேதமடைந்தபோதிலும் சீனாவைச் சேர்ந்த அதன் 21 சிப்பந்திகளும் காப்பாற்றப் பட்டனர். காணாமல் போனவர்களைத் தேடும் பணி தொடர்கிறது.

யூத அமைப்புகளிடம் நிலம் விற்க ஜெருசலத்தின் கிரேக்கத் தேவாலயம் முடிவு

பெத்லஹேம்: ஜெருசலத்தில் உள்ள கிரேக்கத் தேவாலயம் அதற்குச் சொந்தமான நிலங்களை யூத அமைப்புகளிடம் விற்க முடிவு எடுத்ததைத் தொடர்ந்து பாலஸ் தீனர்கள் கொந்தளித்துள்ளனர். இந்நிலையில், தேவாலயத்தின் தலைமைப் பேராயர் நேற்று மேற்குக் கரைக்குச் சென்றார். அவர் பயணம் செய்த காருடன் இரண்டு கார்களும் உடன் வந்தன. இந்த மூன்று கார்களையும் பாலஸ்தீனர்கள் சுற்றி வளைத்தனர்.

நிலவில் கால் பதித்த ஜான் யங் மரணம்

வா‌ஷிங்டன்: நிலவில் கால் பதித்த அமெரிக்க விண்வெளியாளர் ஜான் யங் (படம்) நேற்று முன்தினம் காலமானார். அவருக்கு வயது 87. நிமோனியா காரணமாக அவர் உயிர் பிரிந்தது. நிலவில் நடந்த 12 பேரில் இவரும் ஒருவர். அதுமட்டுமல்லாது, நிலவில் கால் வைத்தவர்களில் விண்வெளிக் களம் ஓட்டிய ஒரே விண்வெளியாளர் எனும் பெருமை யங்கைச் சேரும். அமெரிக்காவின் விண்வெளித் திட்டத்தில் மற்றவர்களைவிட இவர்தான் ஆக நீண்டகாலத்துக்குச் சேவையாற்றி யவர் என்பது குறிப்பிடத்தக்கது. 1972ல் இவர் நிலவில் கால் பதித்து நான்கு சக்கர ரோவர் ஒன்றை ஓட்டினார்.

மலேசிய எதிர்த்தரப்பு பிரதமர் வேட்பாளர் மகாதீர்

இவ்வாண்டில் நடைபெறவிருக்கும் மலேசிய நாடாளுமன்றத் தேர் தலுக்கான எதிர்த்தரப்பு பிரதமர் வேட்பாளராக டாக்டர் மகாதீர் முகமது அறிவிக்கப்பட்டுள்ளார். பக்காத்தான் ஹரப்பான் எதிர்க் கட்சிக் கூட்டணி நேற்று இதனை அதிகாரபூர்வமாக அறிவித்தது. துணைப் பிரதமர் வாய்ப்பை பிகேஆர் தலைவர் வான் அஸிஸா வானுக்கு அக்கூட்டணி வழங்கி உள்ளது. இதற்கான உடன்பாட்டில் கூட்டணியில் இடம்பெற்றுள்ள நான்கு கட்சிகளும் கையெழுத் திட்டுள்ளன.

டிரம்ப்: கிம் ஜோங் உன்னுடன் பேசத் தயார்

மேரிலேண்ட்: வடகொரியாவுடனும் தென்கொரியாவுடனும் உரிய நேரத்தில் பேச்சுவார்த்தை நடத்த அமெரிக்கா தயாராக இருப்பதாக அமெரிக்க அதிபர் டோனல்ட் டிரம்ப் தெரி வித்துள்ளார். அதுமட்டுமல்லாது, சில நிபந்த னைகள் நிறைவேற்றப்பட்டால் வடகொரியத் தலைவர் கிம் ஜோங் உன்னுடன் நேரடியாகப் பேசத் தாம் தயாராக இருப்பதாகவும் அதிபர் டிரம்ப் கூறியுள்ளார்.

பினாங்கில் மீண்டும் வெள்ளம்: மக்கள் பாதிப்பு

ஜார்ஜ் டவுன்: மலேசியாவின் பினாங்கு மாநில மக்கள் மீண்டும் வெள்ளப்பெருக்கினால் பாதிக்கப் பட்டுள்ளனர். ஹோங் செங் எஸ்டேட் பள்ளத்தாக்குப் பகுதியில் உள்ள சுமார் 20 வீடுகள் வெள்ள நீரில் மிதப்பதாகக் கூறப்படுகிறது. மீண்டும் வீட்டுக்குள் வெள்ளநீர் புகுந்து விட்டதாகவும் கழுத்து அளவுக்கு நீர் மட்டம் உயர்ந்திருப்பதாகவும் இதனால் தனது வயதான பெற்றோருடன் அங்கிருந்து மிகவும் சிரமப்பட்டு வெளியேறியதாக தொழிற்சாலை ஊழியர் ஒருவர் கூறியுள்ளார். இதுபோன்ற வெள்ளப் பெருக்கை தன் வாழ்நாளில் பார்த்ததே இல்லை என்று அந்த மாது கூறினார்.

அமெரிக்காவில் கடும் பனிப்பொழிவு; ஆயிரக்கணக்கான மக்கள் பாதிப்பு

நியூயார்க்: அமெரிக்காவின் பல பகுதிகள் கடும் பனிப்பொழிவால் பெரிதும் பாதிக்கப்பட்டுள்ளன. கொட்டும் பனியால் சாலைகள், மரங்கள், வீடுகள் என அனைத்தும் வெண்பட்டுப் போர்த்தியது போன்று காட்சியளிக்கின்றன. கடும் குளிர் காரணமாக அங்குள்ள ஏரிகள் உறைந்து காணப்படுகிறது. பனிப்பொழிவு அதிகமாகக் காணப்பட்டதால் பல இடங்களில் கடந்த இரு நாட்களாக பல விமான சேவைகள் ரத்து செய்யப்பட்டதாக அதிகாரிகள் கூறினர். குறிப்பாக வடகிழக்கு கடலோரப் பகுதி மக்கள் கடும் பனிப்பொழிவால் பெரிதும் பாதிக்கப்பட்டுள்ளன. அதிகமான பனி கொட்டுவதால் மின்சார விநியோகம் தடைபட்டுள்ளதாகவும் இதனால் பல வீடுகள் இருளில் மூழ்கியதாகவும் கூறப்பட்டது.

ஜப்பானில் அவசரமாக தரை இறங்கிய ஹெலிகாப்டர்

தோக்கியோ: ஜப்பானின் கடற்கரைப் பகுதியில் அமெரிக்க ராணுவ ஹெலிகாப்டர் ஒன்று நேற்று அவசரமாகத் தரை இறங்கியதாக அதிகாரி ஒருவர் கூறினார். அந்த ஹெலிகாப்டரில் எத்தனை பேர் இருந்தனர்? யாரேனும் காயம் அடைந்தனரா என்ற விவரம் தெரியவில்லை. அமெரிக்க ராணுவம் அதுபற்றி தகவல் எதுவும் வெளியிடவில்லை.

‘ஈரான் விவகாரத்தில் அமெரிக்காவின் தலையீடு’

நியூயார்க்: ஈரானின் உள்நாட்டு விவகாரத்தில் அமெரிக்கா தலை யிடுவதாக ரஷ்யா குற்றம் சாட்டி யுள்ளது. ஈரானில் நடந்து வரும் அரசாங்க எதிர்ப்பு போராட்டங்கள் குறித்து விவாதிக்க ஐநா பாதுகாப்புக் குழு கூட்டத்தை அமெரிக்கா கூட்டியிருப்பதற்கு ரஷ்யா கண்டனம் தெரிவித்துள் ளது. ஒரு நாட்டின் உள்நாட்டு விவகாரத்தில் பாதுகாப்புக் குழுவை ஈடுபடுத்தியிருப்பது ஐநா அமைப்பின் பெருமையை சிதைத்திருப்பதாக ஐநா கூட்டத்தில் பேசிய ரஷ்யத் தூதர் வாசிலி நெபென்சியா கூறினார். பாதுகாப்புக் குழுவின் நிரந்தர உறுப்பினர் என்ற நிலையை அமெரிக்கா தவறாகப் பயன்படுத்தி வருவதாக ஈரானுக்கான ரஷ்யத் தூதர் தெரிவித்தார்.

ஈரான் ஆர்ப்பாட்டம்: அவசரக் கூட்டம் நடத்த ஐநா பாதுகாப்பு மன்றம் முடிவு

நியூயார்க்: ஈரானிய அரசாங்கத்துக்கு எதிராக அங்கு நடைபெறும் ஆர்ப்பாட்டத்துக்கு ஆதரவு வழங்க அமெரிக்கா கேட்டுக்கொண்டதற்கு இணங்க, நேற்று அவசரக் கூட்டம் ஒன்றை நடத்த ஐநா பாதுகாப்பு மன்றம் முடிவெடுத்தது. அடிப்படை மனித உரிமைக்காகவும் அனைத்துலக அமைதி, பாதுகாப்பு ஆகியவற்றுக்காகவும் கூட்டம் நடத்தப்படவேண்டும் என்று அமெரிக்கத் தூதர் நிக்கி ஹேய்லி நேற்று முன்தினம் கேட்டுக்கொண்டார்.

Pages