You are here

உல‌க‌ம்

நீரிழிவுக்கு எதிரான போரில் அரசாங்கத்தின் முயற்சிகள்

குளிர்பானங்கள் அருந்துவதை குறைப்பதற்கு ஊக்கப்படுத்தும் தண்ணீர் குடிக்கும் பிரசாரத்தை அரசாங்கம் அறிமுகப்படுத்தவுள் ளது. ஆரோக்கிய உணவு தயா ரித்தல், சமைத்தலுக்கான போட்டி களையும் அரசாங்கம் நடத்தும். சிங்கப்பூரில் நீரிழிவுக்கு எதிரான போரில் அரசாங்கம் வழிநடத்த விருக்கும் முயற்சிகளில் இவை ஒரு சில. முதன்முறையாக அமைக்கப் பட்ட சிறப்பு மக்கள் குழு சென்ற ஜனவரி மாதம் முன்வைத்த பரிந்துரைகளுக்கு சுகாதார அமைச்சு கருத்துரைத்துள்ளது. வாழ்நாள் கற்றல் கழகத்தில் நேற்று நடந்த பாராட்டு விழாவில் இந்தத் தகவல்கள் வெளியிடப் பட்டன.

கர்ப்பிணி பாடகியை சுட்டுக்கொன்ற ஆடவர் கைது

இஸ்லாமாபாத்: குடும்ப நிகழ்ச்சி ஒன்றில் மேடையேறிப் பாடிய கர்ப்பிணிப் பாடகி ஒருவர் சுட்டுக் கொல்லப்பட்ட சம்பவம் பாகிஸ் தானில் நிகழ்ந்துள்ளது. சிந்து மாநிலத்தில் உள்ள கங்கா எனும் சிற்றூரில் திருமதி சமீரா சிந்து, 28, என்ற அப்பெண் எழுந்து நின்று பாடாததால் ஆடவர் ஒருவர் அவரைச் சுட்டுக்கொன் றதாகச் சொல்லப்படுகிறது. ஆனால், கொண்டாட்ட உற் சாகத்தில் வானை நோக்கிச் சுட்ட போது தவறுதலாக திருமதி சமீரா மீது குண்டு பாய்ந்துவிட்டது என்று அந்த ஆடவர் சொன்னதாக பிபிசி செய்தி கூறுகிறது. போலிஸ் அவரைக் கைது செய்து, தடுப்புக் காவலில் வைத்து விசாரித்து வருகிறது.

மின்ஸ்கூட்டர் மோதி 6 வயது பையன் காயம்

பொங்கோல் பார்க் அருகே வியாழக்கிழமை மாலை நேரத்தில் மின்ஸ்கூட்டர் ஓட்டிவந்த ஒருவர், ஆறு வயதுப் பையன் மீது மோதிவிட்டார். அந்தச் சம்பவத் தில் அந்தச் சிறுவனுக்குக் காயம் ஏற்பட்டது. அப்பர் சிராங்கூன் கிரசெண் டில் இருக்கும் புளோக் 470Aல் மாலை சுமார் 7.15 மணிக்கு, அலட்சியமாக மின்ஸ்கூட்டரை ஓட்டிவந்து ஒருவர் ஒரு பைய னுக்கு காயத்தை ஏற்படுத்திவிட் டார் என்று போலிசிடம் தகவல் தெரிவிக்கப்பட்டது. அந்தச் சிறுவன் சுயநினைவு டன் மருத்துவமனைக்குக் கொண்டுசெல்லப்பட்டதாக சிங் கப்பூர் குடிமைத் தற்காப்புப் படை கூறியது.

நவாசுக்கு ஆயுட்காலத் தடை

இஸ்லாமாபாத்: பாகிஸ்தான் முன்னாள் பிரதமர் நவாஸ் ஷரிஃப் தேர்தலில் போட்டியிட வாழ்நாள் தடை விதித்து அந்நாட்டு உச்ச நீதிமன்றம் தீர்ப்பளித்துள்ளது. ஆட்சியாளர்கள் நேர்மையாக வும் நம்பிக்கையானவராகவும் இருக்கவேண்டும் என்பதை வலி யுறுத்தும் அரசியல் சாசனப் பிரி வின்கீழ் ஒருவர் தகுதிநீக்கம் செய்யப்பட்டால் அவர் வாழ்நாள் முழுவதும் அரசாங்கப் பொறுப்பு வகிக்கத் தடைவிதிக்கப்பட்டவர் என எடுத்துக்கொள்ளவேண்டும் என்று ஐவர் அடங்கிய உச்ச நீதி மன்ற நீதிபதிகள் குழு தெரிவித் திருக்கிறது.

ஜோகூர் இளவரசரின் பரிசு மழை; மகிழ்ச்சியில் திளைத்த மக்கள்

ஜோகூர்பாரு: ஜோகூர் மாநிலத் தில் உள்ள தெப்ராவ் 'AEON' பேரங்காடிக்கு புதன்கிழமை மாலை சுமார் 6.45 மணிக்கு பொருட்கள் வாங்க வந்திருந்தவர்களுக்கு அதிர்ஷ்டம் காத்திருந்தது. அந்த நேரத்தில் எதிர்பாராத விதமாக அங்கு திடீர் வருகை புரிந்த ஜோகூர் பட்டத்து இளவரசர் துங்கு இஸ்மாயில் சுல்தான் இப்ராகிம், அங்கே கூடியிருந்த மக்களிடம் “ நீங்கள் ஒவ்வொரு வரும் 3,000 ரிங்கிட் வரையிலான தேவையான பொருட்களை எடுத்துக் கொள்ளுங்கள். உங்கள் அனைவருக்கும் நானே பணம் செலுத்தப் போகிறேன்,” என்று அறிவித்த போது அங்கு மகிழ்ச்சி ஆரவாரம் வெடித்தது. அங்கிருந்த மக்கள் பரபரப்புடன் தங்களுக்குத் தேவையான பொருட்களை எடுத்துக் கொண்டனர்.

ரஷ்யத் தூதரக உதவியை மறுத்த யூலியா ஸ்கிரிபால்

வா‌ஷிங்டன்: நச்சு ரசாயனப் பொருளால் தாக்கப்பட்டு மருத்துவமனையில் சிகிச்சை பெற்று வந்த ரஷ்ய முன்னாள் உளவாளியின் மகளான யூலியா ஸ்கிரிபால் உடல் நிலை தேறிய பின்னர் திங்கட் கிழமை மருத்துவமனையை விட்டுச் சென்றார். ரசாயனத் தாக்குதலுக்கு இலக்கான தன் தந்தை இன்னமும் ஆபத்தான நிலை யில் இருப்பதாக 33 வயது யூலியா கூறினார். தற்சமயம் ரஷ்யத் தூதரக உதவி தேவை யில்லை என்று கூறிய யூலியா, தனக்காகவும் தன் தந்தைக்காக வும் ஆதரவாக யாரும் பேசவில்லை என்று தெரிவித்துள்ளார்.

ஜோகூரில் பரவிய பொய் செய்தி

பெட்டாலிங் ஜெயா: ஜோகூர் இளவரசர் துங்கு இஸ்மாயில், பொந்தியான் பேரங்காடிக்கு நேற்று வருகையளிக்க விருப்பதாக செய்தி பரவியதும் அங்கு பொருட்களை இலவசமாக வாங்கலாம் என்ற எண்ணத்தில் அந்தப் பேரங்காடிக்கு பலர் விரைந்து சென்றனர். அது பொய் செய்தி என்று பல அறிவிப்பு கள் வந்தபோதிலும் நேற்று காலை அந்தப் பேரங்காடியில் திரண்ட சுமார் 1,000 பேர் பொருட்களை வாங்கிக் குவித்ததாகக் கூறப்பட்டது. நேற்று முன்தினம் தெப்ராவ் பேரங்காடியில் பலர் வாங்கிய பொருட்களுக்கு இளவரசர் பணம் செலுத்தினார்.

டிரம்ப்- கிம் சந்திப்புக்கு ஆயத்தமாக அதிகாரிகள் பேச்சு

சோல்: அமெரிக்க அதிபர் டோனல்ட் டிரம்ப்பும் வடகொரியத் தலைவர் கிம் ஜோங் உன்னும் வரும் மே மாதக் கடைசியில் அல்லது ஜூன் மாதத் தொடக் கத்தில் சந்தித்துப் பேசவுள்ளனர். திட்டமிடப்பட்ட அந்தப் பேச்சு வார்த்தையின் விவரங்கள் குறித்து அமெரிக்காவும் வடகொரியாவும் நேர்மையான முறையில் பேச்சு நடத்தி வருவதாக தென்கொரிய அதிபர் மூன் ஜே இன் தெரிவித்துள்ளார். திரு டிரம்ப்பும் திரு கிம்மும் சந்தித்துப் பேசும் இடம் மற்றும் அந்த சந்திப்புக்கான ஆயத்தப் பணிகள் குறித்து இரு தரப்பும் பேச்சு நடத்தி வருவதாகவும் திரு மூன் கூறினார்.

சிரியாவை நெருங்கும் அமெரிக்க, பிரிட்டிஷ் நீர்மூழ்கிக் கப்பல்கள்

வா‌ஷிங்டன்: சிரியா அரசாங்கம் அந்நாட்டு மக்கள் மீது நடத்தி யதாகக் கூறப்படும் ரசாயனத் தாக்குதலுக்குப் பதிலடியாக அந் நாட்டுக்கு எதிராக ராணுவ நடவடிக்கை எடுப்பது குறித்து அமெரிக்காவும் அதன் நட்பு நாடுகளும் தீவிரமாக ஆராய்ந்து வருகின்றன. இந்நிலையில் அமெரிக்காவின் இரு கடற்படை நாசகாரி கப்பல் கள் டொமாஹாக் ஏவுகணை களுடன் சிரியா மீது தாக்குதல் நடத்துவதற்கு ஏதுவாக கடல் பகுதியில் தயார் நிலையில் உள்ளன. அத்துடன் அமெரிக்கா வின் நீர்மூழ்கிக் கப்பல்கள் மற்றும் விமானங்களும் அமெரிக்க அதிபர் டோனல்ட் டிரம்ப்பின் உத் தரவுக்காக காத்திருப்பதாகவும் அமெரிக்க அதிகாரிகள் தெரிவித் துள்ளனர்.

ஜப்பான் நிலச்சரிவில் பல வீடுகள் நாசம்

படம்: ஏஎஃப்பி

தோக்கியோ: ஜப்பானில் நேற்று ஏற்பட்ட மிகப் பெரிய நிலச்சரிவில் பல வீடுகள் மண்ணில் புதைந்த தாக அதிகாரிகள் கூறினர். நிலச்சரிவில் சிக்கி ஒருவர் உயிரிழந்ததாகவும் மீட்புப் பணிகள் தொடர்ந்து நடந்து வருவதாகவும் மீட்புக் குழுவைச் சேர்ந்த ஒருவர் கூறினார். நிலச்சரிவு ஏற்பட்ட பகுதி மலைப்பகுதி என்பதால் மீட்புப் பணிகளை மேற்கொள்வது சிரமமாக உள்ளது என்றும் மீட்புக் குழுவினர் தெரிவித்தனர். மண்ணையும் சகதியையும் அகற்றும் பணியில் மீட்புக் குழு வினர் தொடர்ந்து ஈடுபட்டுள்ளனர். நிலச்சரிவில் பல வீடுகள் நாசமானதாகக் கூறப்பட்டது.

Pages