You are here

உல‌க‌ம்

‘தனிப்பட்ட ஒருவரால் தாக்குதல் நடத்தப்படலாம்’

மணிலா: மராவி நகரில் பலிப்பீன்ஸ் ராணுவத்திடம் தோல்வி அடைந்த தீவிரவாதிகள், தனிநபர் தாக்குதல் அணுகுமுறையை கையாளக்கூடும் என்று பிலிப்பீன்ஸ் அதிபர் ரோட்ரிகோ டுட்டர்டே அச்சம் தெரிவித்துள்ளார். பயங்கரவாதம் ஒரு தொடர் பிரச்சினையாக இருக்கும் என்று தெரிவித்த அதிபர் டுட்டர்டே, அதை வெறும் ஐந்திலிருந்து ஏழு ஆண்டுகளில் முற்றிலும் அழித்துவிட முடியாது என்று கூறினார். “தனிநபர்களைப் பயன்படுத்தி தாக்குதல்கள் நடத்தும் உத்தியைப் பயங்கரவாதிகள் மீண்டும் கை யாளக்கூடும் என நான் அஞ்சு கிறேன். மராவியில் பெரிய அளவி லான வன்முறையில் இறங்கி அவர்கள் தோற்றுள்ளனர்.

பதவி இழந்த ஆஸ்திரேலிய துணைப் பிரதமர்

கேன்பரா: இருநாட்டுக் குடியுரிமை வைத்திருந்த காரணத்தினால் ஆஸ்திரேலிய துணைப் பிரதமர் பார்னபி ஜோய்ஸின் பதவி பறிக்கப்பட்டுள்ளது. இதன் விளைவாகத் திரு ஜோய்ஸின் தொகுதியில் வரும் டிசம்பர் 2ஆம் தேதியன்று இடைத்தேர்தல் நடத்தப்படும். ஆஸ்திரேலியா, நியூசிலாந்து ஆகிய நாடுகளின் குடியுரிமை வைத்திருந்த திரு ஜோய்ஸ், கடந்த ஆகஸ்ட் மாதத்தில் தமது நியூசிலாந்து குடியுரிமையை ரத்து செய்தார். பதவி பறிபோன நிலையில் வரும் டிசம்பர் மாதத்தில் நடைபெறும் இடைத்தேர்தலில் போட்டியிடப்போவதாக அவர் அறிவித்துள்ளார்.

கிம் ஜோங் நாம் கொலை; நால்வருக்குத் தொடர்பு

ஷா ஆலம்: வடகொரியத் தலைவர் கிம் ஜோங் உன்னின் ஒன்றுவிட்ட சகோதரரான கிம் ஜோங் நாம் கொலையில் மேலும் நால்வருக்குத் தொடர்பிருக்கலாம் என்று விசாரணையில் தெரிய வந்துள் ளது. கோலாலம்பூர் விமான நிலையத்தில் காத்திருந்த கிம் ஜோங் நாம் முகத்தின் மீது உயிரை உடனே பறிக்கும் கொடிய நச்சுகலந்த துணியை இரண்டு பெண்கள் தேய்த்தனர். அடுத்த சில நிமிடங்களில் கிம் ஜோங் நாம் இறந்தார். அந்த சம்பவத்தில் மேலும் நால்வருக்குத் தொடர்பிருக்கலாம் என்று சந்தேகிக்கப்படுகிறது. நால்வரும் தங்களுடைய உடை, தோற்றத்தை மாற்றிக் கொண்டனர் என்று நேற்று நீதி மன்றத்தில் சாட்சியம் அளித்த காவல்துறை அதிகாரி ஒருவர் தெரிவித்தார்.

நிலச்சரிவு: பினாங்கு முதல்வர் உத்தரவு

ஜார்ஜ்டவுன்: தஞ்சுங் பூங்காவில் நிகழ்ந்த நிலச்சரிவு விவகாரத்தில் வீடு வாங்கிய அனைவரையும் நேரில் சந்திக்க வேண்டும் என்று பினங்கு முதல்வர் லிம் குவான் எங் மேம்பாட்டாளருக்கு உத்தர விட்டுள்ளார். ஒரு வாரத்தில் வீடு வாங்கிய வர்களை சந்திக்கவில்லையென் றால் அரசாங்கமே நேரடியாக தலையிடும் என்றும் அவர் எச்சரித்தார். கடந்த சனிக்கிழமை கட்டு மானத் தளத்தில் நடைபெற்ற நிலச் சரிவில் 11 பேர் மாண்டனர்.

தைப்பே-பெய்ஜிங் உறவை மேம்படுத்த தைவான் அதிபர் அழைப்பு

தைப்பே: தைப்பேயும் பெய்ஜிங்கும் எதிரெதிராகச் செயல்படுவதைக் கைவிட்டு கலந்துரையாடி உறவை மேம்படுத்துவதில் ஈடுபட வேண்டும் என்று தைவான் அதிபர் சாய் கேட்டுக் கொண்டுள்ளார். கடந்த ஆண்டு ஜனநாயக முன்னேற்றக் கட்சிக்கு தலைமை வகிக்கும் சாய், அதிபர் பொறுப்பு ஏற்றதிலிருந்து சீனாவுக்கும் தைவானுக்கும் இடையிலான உறவு மோசமைடைந்தது. பெய்ஜிங் விரும்பாத தைவானின் சுதந்திரக் கோரிக் கைக்கு ஆதரவாக சாய் செயல்படு கிறார் என்று சீனா சந்தேகிக்கிறது. இந்நிலையில் அதிபர் சாய், இரு நாடுகளுக்கு இடையிலான நல்லுறவை மேம்படுத்த அழைப்பு விடுத்துள்ளார்.

டிரம்ப்: மீண்டும் அகதிகளுக்கு அனுமதி

வா‌ஷிங்டன்: அமெரிக்காவுக்குள் மீண்டும் அகதிகள் நுழைவதற்கான அனுமதியை அமெரிக்க அதிபர் டோனல்ட் டிரம்ப் வழங்கியுள்ளார். ஜனவரி மாதம் பதவி ஏற்றவுடன் டிரம்ப் புதிய அகதிகள் அமெரிக்காவுக்குள் வருவதற்கு தடை பிறப்பித்திருந்தார். அந்தத் தடையை இப்போது தகர்த்தாலும் குறிப்பிடப்படாத 11 நாடுகள் 90 நாட்கள் பரிசீலனைக்கு உட்படுத்தப்படும். இனி வரும் அகதிகள் நாட்டின் பாதுகாப்புக்கு அச்சுறுத்தலாக இருக்கக்கூடாது என்பதற்காக பலத்த பாதுகாப்பு முறைகள் செயல்பாட்டில் இருக்கும் என்றும் தெரிவிக்கப்பட்டுள்ளது.

ஜிஎஸ்டியை நீக்கும் புதிய பட்ஜெட்: மலேசிய எதிர்க்கட்சி

கோலாலம்பூர்: மலேசியாவில் பொருள் சேவை வரியை முடிவுக்குக் கொண்டு வரும் வகையில் 258,52 பில்லியன் ரிங்கிட்டுக்கான புதிய வரவுசெலவுத் திட்டம் ஒன்றை அடுத்த ஆண்டுக்கு அந்நாட்டின் முக்கிய எதிர்க் கட்சியான பக்கத்தான் ஹரப்பான் கூட்டணிக் கட்சி பரிந்துரைத் துள்ளது. முன்னைய வரவு செலவுத் திட்டத்தைக் காட்டிலும் நாட்டின் மேம்பாட்டுக்கு இந்த வரவு செலவுத் திட்டத்தில் சற்றுக் கூடுதலாக நிதி ஒதுக்கப்பட்டுள்ளது. இந்தப் பட்ஜெட் ஏற்றுக்கொள்ளப்பட்டால் பொருள் சேவை வரியை முடிவுக்குக் கொண்டு வருவதோடு விரைவுச் சாலைக் கான தீர்வைக் கட்டணம் போன்றவற்றையும் முடிவுக்குக் கொண்டு வரலாம்.

பினாங்கு பஸ் விபத்து: 8 பேர் மரணம்; 42 பேர் காயம்

பட்டர்வொர்த்: மலேசியாவின் பினாங்கில் நேற்று முன்தினம் காலை இரண்டு பேருந்துகள் மோதிக்கொண்ட விபத்தில் எட்டு பேர் மாண்டனர், 42 பேர் படுகாயம் அடைந்தனர். நால்வர் தீவிர சிகிச்சைப் பிரிவில் அனுமதிக்கப்பட் டுள்ளனர். பேருந்துகளின் ஓட்டுநர் கள் காயமின்றி உயிர் தப்பி னர். ஜூரு என்னுமிடத்தின் அருகே வடக்கு-தெற்கு விரைவுச்சாலையில் இந்த விபத்து நிகழ்ந்தது. மாண்ட எட்டுப் பேரும் பெண்கள். அவர்களில் ஏழு பேர் இந்தோனீசியாவைச் சேர்ந்தவர்கள், ஒருவர் மலே சியாவைச் சேர்ந்தவர் என்று தெரிவிக்கப்பட்டுள்ளது.

ஐஎஸ் இயக்கத்தை சேர்ந்த 9 பேர் இந்தோனீசியாவில் கைது

ஜகார்த்தா: ஐஎஸ் இயக்கத்தின் ஆதரவு அமைப்போடு தொடர்புள்ள ஒன்பது ஆடவர்களை இந்தோ னீசிய அதிகாரிகள் கைது செய் துள்ளனர். போலிஸ் நிலையங் களில் தாக்குதல் நடத்த அவர்கள் திட்டமிட்டிருந்ததாகத் தெரிவிக்கப் பட்டிருந்தது. ஐஎஸ் இயக்கத்தின் ஆதிக்கத் தால் முஸ்லிம் பெரும்பான்மையினர் இருக்கும் இந்தோனீசியாவில் அண்மையில் அதிக எண்ணிக்கை யில் மக்கள் பயங்கரவாதிகளாக மாறிவருகின்றனர் என்றும் அத னால் போலிசார் அந்தப் பிரச்சி னையை எதிர்நோக்க முயற்சி எடுத்துவருகின்றனர் என்றும் தெரிவிக்கப்பட்டுள்ளது.

சிங்கப்பூர்-அமெரிக்கா ஆலோசனை அமெரிக்க தேசிய பாதுகாப்புத் துறை

ஆலோசகர் ஹெச்.ஆர். மெக்மாஸ்டர் சிங்கப்பூர் பிரதமர் லீ சியன் லூங்கைச் சந்தித்தார். பயங்கரவாத மிரட்டல்கள், வடகொரியா வின் அணுவாயுதத் திட்டம் ஆகியன குறித்து அவர்கள் விவாதித்தனர். “இவ்வட்டாரத்தின் பயங்கரவாத மிரட் டல் குறித்து இருவரும் தங்களது கருத்து களைப் பகிர்ந்துகொண்டதோடு சட்ட விரோத அணுவாயுதச் சோதனை, கண்டம்விட்டு கண்டம் பாயும் ஏவுகணை ஆகிய திட்டங்களை வடகொரியா தொடர்ந்து மேம்படுத்துவது தொடர்பாக தங்களது அக்கறைகளை வெளிப்படுத் தினர்,” என்று பிரதமர் அலுவலகம் தெரி வித்தது.

Pages