You are here

உல‌க‌ம்

சீனாவுக்கு கூடுதல் வரி: அதிபர் டிரம்ப் மிரட்டல்

வா‌ஷிங்டன்: அமெரிக்காவுக்கும் சீனாவுக்கும் இடையே வர்த்தகப் போர் நீடிக்கும் வேளையில் சீனாவுக்கு எதிராக கூடுதல் வரி விதிக்கப்போவதாக அமெரிக்க அதிபர் டோனல்ட் டிரம்ப் மிரட்டல் விடுத்துள்ளார். சீனாவிலிருந்து இறக்குமதி செய்யப்படும் பொருட்களுக்கு கூடுதலாக 100 பில்லியன் டாலர் வரி விதிப்பது குறித்து பரிசீலிக்கு மாறு அமெரிக்க அதிகாரிகளுக்கு திரு டிரம்ப் உத்தரவிட்டுள்ளார். சீனாவிலிருந்து இறக்குமதி செய்யப்படும் நூற்றுக்கணக்கான பொருட்களுக்கு 50 பில்லியன் டாலர் வரை வரி விதிக்க அமெரிக்கா ஏற்கெனவே உத்தே சித்துள்ளது.

தென்கொரிய முன்னாள் அதிபருக்கு 24 ஆண்டு சிறைத் தண்டனை

சோல்: ஊழல் விவகாரத்தில் சிக்கிய தென்கொரிய முன்னாள் அதிபர் பார்க் கியூன் ஹைக்கு 24 ஆண்டுகள் சிறைத் தண்டனை விதித்து நீதிமன்றம் தீர்ப்பளித் துள்ளது. அதிகாரத்தை தவறாகப் பயன் படுத்தியது, நெருங்கிய தோழியுடன் சேர்ந்து ஊழல் விவகாரத்தில் ஈடுபட்டது ஆகிய குற்றச்சாட்டுகளின் பேரில் திருமதி பார்க் குற்றவாளியென நீதிமன்றம் நேற்று தீர்ப்பளித்தது. அத்துடன் அவர் 18 பில்லியன் வோன் அபராதம் செலுத்த வேண்டும் என்றும் நீதிமன்றம் உத்தரவிட்டது. நீதிமன்றம் நேற்று தீர்ப்பை அறிவித்தபோது பார்க், நீதி மன்றத்திற்கு வர வில்லை. முன்பு நடந்த விசாரணை களையும் அவர் புறக்கணித்தார்.

தேர்தல் நெருங்கும் நேரத்தில் மலேசியாவில் பல சலுகைகள்

மலேசிய அரசாங்க ஊழியர்களுக்கு 1.46 பில்லியன் ரிங்கிட் ($494.31 மில்லியன்) மதிப்பிலான கூடுதல் சம்பள உயர்வு வழங்கப்படும் என்று பிரதமர் நஜிப் ரசாக் உறுதி தெரிவித்துள்ளார். இன்னும் சில வாரங்களில் நடைபெற இருக்கும் பொதுத் தேர்தலை மனதில் வைத்து இந்த அறிவிப்பு செய் யப்பட்டுள்ளதாக ஊடகங்கள் குறிப் பிடுகின்றன. மலேசியாவில் உள்ள 1.6 மில்லி யன் அரசாங்க சேவை ஊழியர்க ளுள் பெரும்பாலானவர்கள் மலாய் இனத்தவர். மேலும் அவர்களில் பெரும்பான் மையினர் ஆளும் தேசிய முன்ன ணியின் ஆதரவாளர்கள்.

இலங்கை பிரதமருக்கு எதிராக நம்பிக்கை இல்லாத் தீர்மானம், விவாதம், வாக்கெடுப்பு

இலங்கை பிரதமர் ரணில் விக்ரம சிங்கவுக்கு எதிராக நேற்று அந் நாட்டு நாடாளுமன்றத்தில் நம் பிக்கை இல்லாத் தீர்மானம் கொண்டு வரப்பட்டது. அந்தத் தீர்மானத்தின்மீது நேற்று உறுப்பினர்கள் விவாதித் தனர். நிதி மற்றும் ஊடகத் துறை அமைச்சர் மங்கள சமரவீர பேசுகையில் இத்தீர்மானம் எதிர்க் கட்சிகளின் சதித் திட்டம் என் றார். அடுத்தாண்டு நடைபெற உள்ள அதிபர் தேர்தலுக்குள் பிர தமர் ரணிலை பதவியில் இருந்து அகற்றிவிட எதிர்க்கட்சிகள் துடிப்பதாக அவர் நாடாளுமன்ற விவாதத்தின்போது சொன்னார்.

வலுவடைகிறது வர்த்தகப் பதற்றம்

சீன இறக்குமதிப் பொருட்களுக்கு புதிதாக வரி விதிக்கப்போவதாக அமெரிக்கா அறிவித்த சில மணி நேரங்களில் சீனா அதற்குப் பதிலடி அறிவிப்பை வெளியிட்டுள்ளது. அதனால் இரு நாடுகளுக்கு இடையிலான வர்த்தகப் பதற்றம் அதிகரித்துள்ளது. அமெரிக்காவுக்குள் இறக்குமதியாகும் சீனப் பொருட்களுக்கு வரி விதிக்கத் தீர்மானித்து அதற்கான பட்டியலை அமெரிக்கா வெளியிட்டது. கடந்த ஆண்டின் மதிப்புப்படி 50 பில்லியன் அமெரிக்க டாலர் மதிப்புள்ள 1,300 பொருட்கள் அந்தப் பட்டியலில் இடம்பெற்றன. தொலைக்காட்சிப் பெட்டிகள், மிதிவண்டிகள் உள்ளிட்ட பொருட்கள் அவற்றுள் அடங்கும்.

மலேசிய ‘ரெண்டாங்’; ஒன்றுபட்ட நஜிப், மகாதீர்

அரசியல் களத்தில் எதிரிகளாக இருந்தாலும் மலேசிய ‘ரெண்டாங்’ விவகாரத்தில் பிரதமர் நஜிப்பும் எதிர்க்கட்சித் தலைவர் டாக்டர் மகாதீரும் ஒற்றுமையுடன் குரல் கொடுத்துள்ளனர். ‘மலேசிய ரெண்டாங்” விளை யாட்டல்ல என்பதுபோல் அவர்க ளுடைய எச்சரிக்கை வெளியாகி யுள்ளது. தொலைக்காட்சி நேரடி நிகழ்ச்சி ஒன்றில் மலேசிய சமையல் நிபுணர் ஸாலேஹா காதிர் உல்ஃபின் தயாரித்த ‘நாசி லெமா கோழி ரெண்டாங்’ உண வில் கோழி மொருமொருவென இல்லை எனக் கூறி அவரைப் போட்டியிலிருந்து நடுவர் விலக்கி விட்டார்.

பிரான்சில் ரயில்வே ஊழியர்கள் வேலை நிறுத்தம்

பாரிஸ்: பிரான்ஸ் நாட்டின் ரயில்வே துறை ஊழியர்கள் மூன்று மாத கால தொடர் வேலை நிறுத்தப் போராட்டத்தை நேற்று தொடங்கினர். பிரெஞ்சு அதிபர் இம்மானுவெல் மெக்ரோன் அறிவித்துள்ள ரயில்வே ஊழியர்களுக்கான சீர்திருத்தத் திட்டங்களுக்கு எதிர்ப்புத் தெரிவித்து அவர்கள் இந்தப் போராட்டத்தைத் தொடங்கி யுள்ளனர். நேற்று தொடங்கி, ஐந்து நாட்களுக்கு ஒரு முறை இரண்டு நாட்கள் என்ற ரீதியில் ஜூன் மாதம் வரை போராட்டத்தில் ஈடுபடப்போவதாக ஊழியர்கள் தெரிவித்துள்ளனர். ஊழியர்களின் வேலை நிறுத்தத்தால் ரயில் சேவைகள் பெரிதும் பாதிக்கப்படும் என்று பிரெஞ்சு ரயில்வே நிர்வாகம் கூறியுள்ளது.

தாய்லாந்தில் 700 கிலோ போதைப்பொருள் பறிமுதல்

பேங்காக்: தாய்லாந்துப் போலிசார் 700 கிலோ போதைப்பொருளை பறிமுதல் செய்துள்ளனர். மொத்தம் 700 மில்லின் பாட் (S$29.3 மில்லியன்) மதிப்புள்ள ஐஸ் போதைப் பொருளை போலி சார் மார்ச் 28ஆம் தேதி பறிமுதல் செய்தனர். தாய்லாந்தின் தெற்குப் பகுதியில் உள்ள ஒரு மாநிலத்தில் அந்த போதைப்பொருள் கைப்பற்றப் பட்டதாக போலிசார் கூறினர். தாய்லாந்து, மியன்மார், லாவோஸ் ஆகிய மூன்று நாடுகளின் எல்லைகள் சந்திக்கும் முக்கோணப் பகுதியில் அந்த போதைப்பொருள் உற்பத்தி செய்யப்பட்டதாகக் கூறப்படுகிறது. அந்த போதைப்பொருள் தொடர்பில் தாய்லாந்து நாட்டவர்கள் இருவர் மற்றும் இரு மலேசியர்கள் கைது செய்யப்பட்டுள்ளதாக போலிசார் கூறினர்.

யுடியூப் தலைமை அலுவலகத்தில் துப்பாக்கிச் சூடு

சான் டியகோ: கலிபோர்னியாவில் உள்ள யுடியூப் தலைமை அலுவ லகத்தில் நுழைந்து துப்பாக்கியால் சுட்ட பெண் சந்தேக நபருக்கு காணொளிப் பதிவுகளில் கிடைக்க வேண்டிய வருமானம் குறைந்ததால் ஆத்திரமடைந்ததாகக் கூறப்படு கிறது. சந்தேக நபர், 39 வயது நசிம் அக்டாம் என்றும் அவரது நோக்கம் குறித்து இன்னமும் விசாரிக்கப் பட்டு வருகிறது என்றும் போலிசார் தெரிவித்தனர். யுடியூப் இணையத்தளத்தில் பல காணொளிப் படங்களை அவர் பதிவேற்றியிருந்தார்.

ஏராளமான ரஷ்யத் தொடர்பு கணக்குகளை நீக்கிய ஃபேஸ்புக்

சான் டியகோ: ஃபேஸ்புக்கின் தகவல்கள் முறைகேடாகப் பயன் படுத்தப்பட்ட விவகாரத்தில் அந் நிறுவனம் நேற்று அதிரடியாக பல கணக்கு களை நீக்கியது. அதன்படி ரஷ்யாவின் ‘டிரோல் ஃபேக்டிரி’ உடன் தொடர்புடைய நூற்றுக்கணக்கான ஃபேஸ்புக் கணக்குகள் முடக்கப்பட்டுள்ள தாக அது தெரிவித்தது. 2016ஆம் ஆண்டு அமெரிக்க அதிபர் தேர்தல் பிரசாரத்தின்போது போலி சமூக அமைப்பான ‘டிரோல் ஃபேக்டிரி’தான் தேர்தல் முடிவு களை மாற்றக்கூடிய அரசியல் கருத்துகளை வெளியிட்டிருந்தது என்று அமெரிக்க அரசு வழக் கறிஞர்கள் குற்றம் சாட்டியிருந் தனர்.

Pages