You are here

சிங்க‌ப்பூர்

வீட்டுக் கடன்; வட்டி விகிதம் மீண்டும் உயர்வு

வீட்டு அடமானக் கடன் வட்டி விகிதங்களை வங்கிகள் 2.05 விழுக்காடு வரை உயர்த்தி இருக் கின்றன. இரண்டு மாதங்களில் இது இரண்டாவது உயர்வு. பரபரப்பான சொத்துச் சந்தையில் நிலவிவரும் ஆர்வத்தை வட்டி உயர்வு மட்டுப்படுத்தக்கூடும். அதோடு, முதலீட்டுச் சொத்து களின் வாடகை குறைந்து வரு வதாலும் வாடகைக்கு ஆள் கிடைக்காமல் காலியாக இருக்கும் வீடுகளின் எண்ணிக்கை அதி கரித்து வருவதாலும் கடன் எடுத்தவர்களால் செலவுகளைச் சமாளிக்க இயலாமல் போகக்கூடும் என வங்கியாளர் ஒருவர் எச்சரித்தார்.

2017ல் அதிக தனியார், எக்சிகியூட்டிவ் கூட்டுரிமை வீடுகள் விற்பனை

படம்: ஸ்ட்ரெயிட்ஸ் டைம்ஸ்

நில மேம்பாட்டாளர்கள் 2017ல் மொத்தம் 14,707 தனியார் வீடு களையும் எக்சிகியூட்டிவ் கூட்டு ரிமை வீடுகளையும் விற்பனை செய்தனர். இது, 2016ல் விற் பனையான 11,971 வீடுகளைவிட 23 விழுக்காடு அதிகம் என நகர சீரமைப்பு வாரியம் திங்கட்கிழமை வெளியிட்ட முன்னோட்டக் கணிப்புக் காட்டுகிறது. சென்ற ஆண்டு விற் பனையான வீடுகளில் 10,682 தனியார் வீடுகள் உள்ளடங்கும். இது 2016ல் விற்பனையான 7,972 வீடுகளைவிட அதிகம்.

எஸ்பிஎச்-ஸ்டார்ஹப் ஒத்துழைப்பு மேலும் விரிவடைகிறது

சிங்கப்பூர் பிரஸ் ஹோல்டிங்ஸ்-ஸ்டார்ஹப் இடையே புரிந்துணர்வு ஒப்பந்தம் மேலும் இரண்டு ஆண்டுகளுக்குப் புதுப்பிக்கப்பட்ட நிகழ்ச்சியில் எஸ்பிஎச் தலைமை நிர்வாக அதிகாரி இங் யாட் சுங் (வலமிருந்து 2வது), ஸ்டார்ஹப் தலைமை நிர்வாகி டான் டோங் ஹாய் (இடமிருந்து 2வது). உடன் எஸ்பிஎச் துணை தலைமை நிர்வாகி ஆண்டனி டான் (வலம்), ஸ்டார்ஹப் தலைமை உத்திபூர்வ பங்காளித்துவ அதிகாரி ஜீன்னி ஓங்(இடம்). படம்: ஸ்ட்ரெயிட்ஸ் டைம்ஸ்

ஆணையம்: மின்னிலக்க நாணயம் வெளியிடுவதில் சிங்கப்பூர் எச்சரிக்கை

சிங்கப்பூர் நாணய ஆணையம் பொதுமக்களுக்கு மின்னிலக்க நாணயத்தை வெளியிடுவதைத் தவிர்த்து வருகிறது. இவ்வாறு செய்வதில் இடர்பாடுகள் இருப்ப தாக ஆணையத்தின் நிர்வாக இயக்குநர் ரவி மேனன் கூறினார். “இது நல்ல யோசனை என்று எனக்கு உறுதியாகத் தெரிய வில்லை. இதை நான் நிராக ரிக்கவில்லை, ஆனால் இதைச் செய்வதற்குக் காரணம் இல்லை. ஏனெனில், வங்கிகளின் இடை நிலைப் பொறுப்பு முற்றிலும் தகர்க்கப்பட்டுவிடும்,” என்று திரு மேனன் நேற்று கூறினார்.

மூத்த குடிமக்களுடன் இணைந்து பொங்கல் கொண்டாட்டம்

இவ்வாண்டு பொங்கல் கொண்டாட்டத்தில் ‘பொங்கல் பகிர்வு 2018’ என்ற புது முயற்சியை முன்னெடுத்தது லிட்டில் இந்தியா வர்த்தகர்கள், மரபுடைமைச் சங்கம் (லிஷா). நாராயண மிஷன் முதியோர் இல்லத்தில் இருந்து முப்பது மூத்த குடிமக்களை அழைத்து வந்து அவர்களையும் பொங்கல் கொண்டாட்டத்தில் ஈடுபடுத்தி மகிழச் செய்தனர். தஞ்சோங் பகார் குழுத் தொகுதி நாடாளுமன்ற உறுப்பினரான மெல்வின் யோங் நிகழ்ச்சியில் சிறப்பு விருந்தினராகக் கலந்துகொண்டு, மூத்த குடிமக்களுக்கு அன்பளிப்புப் பைகளை வழங்கினார். படம்: ஸ்ட்ரெய்ட்ஸ் டைம்ஸ்

மரம் விழுந்து கார்கள் சேதம்

படம்: லியான்ஹ சாவ்பாவ்

மார்கரெட் டிரைவில் நேற்றுக் காலை எட்டு மீட்டர் உயரமுள்ள மரம் ஒன்று வேரோடு பெயர்ந்து விழுந்ததில் இரண்டு கார்களும் ஒரு விளக்குக் கம்பமும் சேதம் அடைந்தன. சிறப்புத் தேவையுடைய பிள்ளை களுக்கான ரெயின்போ சென்டர் பள்ளிக்கு அருகிலுள்ள கார் நிறுத்தப் பூங்காவில் நிகழ்ந்த இந்தச் சம்பவத்தில் எவரும் காயம் அடையவில்லை. மரம் விழுந்ததில் வெள்ளை நிற பிஎம்டபிள்யூ காரின் முன்புறக் கண்ணாடியும் வெள்ளி நிற நிசான் காரின் கூரைப்பகுதியும் சேதமடைந்திருந்ததைப் படங்கள் காட்டின.

வருடாந்திர ஒன்றுகூடல்: நஜிப் இன்று சிங்கப்பூர் வருகை

ஸ்ட்ரெய்ட்ஸ் டைம்ஸ் கோப்புப்படம்

எட்டாவது முறையாக நடைபெறும் சிங்கப்பூர்=மலேசியத் தலைவர் களின் வருடாந்திர ஒன்றுகூடல் நிகழ்ச்சியில் கலந்துகொண்டு பிரதமர் லீ சியன் லூங்கை சந்திப்பதற்காக மலேசிய பிரதமர் நஜிப் ரசாக் இன்று சிங்கப்பூர் வருகிறார். இரு நாட்டுத் தலைவர்களும் நாளை சந்தித்து பேச்சுவார்த்தை நடத்துவர் என்றும் அவர்கள் முன்னிலையில் ஜோகூர் பாரு= சிங்கப்பூர் அதிவேக போக்கு வரத்து இணைப்பு (ஆர்டிஎஸ்) தொடர்பான இருதரப்பு ஒப்பந்தம் கையெழுத்தாகும் என்றும் வெளி யுறவு அமைச்சு நேற்று வெளி யிட்ட அறிக்கை தெரிவிக்கிறது.

முதியோருக்காகப் புதிய சாலைப் பாதுகாப்பு ஏற்பாடுகள்

அக்கம்பக்கக் குடியிருப்பு வட்டாரச் சாலைகளை முதியோருக்குப் பாது காப்பானவையாக்க புதிய வழிகள் ஆராயப்படுகின்றன. சாலைகளின் சில பகுதிகளைச் சமூகப் பரப்பாக மாற்றுவதும், இரு வழிச் சாலை களை ஒருவழிச் சாலையாக மாற்றுவதும் அவற்றுள் அடங்கும். நிலப் போக்குவரத்து ஆணை யம் இவ்விவரங்களை ஸ்ட்ரெ யிட்ஸ் டைம்ஸ் செய்தித்தாளுடன் அண்மையில் பகிர்ந்து கொண்டது. சென்ற 2014ஆம் ஆண்டு தொடங்கப்பட்ட “முதியோர் பகுதி” திட்டம், முதியோருக்காகச் சாலைப் பாதுகாப்பை மேம்படுத்தும் நோக்கத்துடன் 15 இடங்களில் அமலாக்கப்பட்டுள்ளது.

பொங்கல் பண்டிகை உணர்வை வசதி குறைந்த ஐம்பது குடும்பங்களுக்குக் கொண்டுவந்த ஆலயம்

பொங்கல் உணர்வை அக்கம்பக்க இல்லங்களுடன் பகிர்ந்து கொள்ளும் புதியதொரு முயற்சியில் இறங்கியது டெப்போ சாலை யில் அமைந்துள்ள ஸ்ரீ ருத்ர காளி யம்மன் ஆலயம். கோயிலுக்கு அருகிலிருக்கும் சமூக மன்ற இந்தியர் நற்பணிச் செயற்குழுக்களின் உதவியுடன் 50 வசதி குறைந்த குடும்பங்களை அடையாளம் கண்டு, அவர்கள் வீட்டில் பொங்கல் வைப்பதற்கு தேவையான பொருட்களை நேரடி யாக வழங்கும் முயற்சியில் அது நேற்று முன்தினம் ஈடுபட்டது.

சிங்கப்பூரின் வெப்பநிலை 21.2 டிகிரி செல்சியசுக்கு சரிந்தது

சிங்கப்பூரின் வடக்கு மற்றும் மேற்குப் பகுதிகளில் வசிக்கும் குடியிருப்பாளர்கள் நேற்று குளிரைத் தடுக்க மேலும் இறுக்க மான உடைகளை அணிய வேண்டியதாயிருந்திருக்கும். காரணம் நேற்று ஜூரோங் வெஸ்ட், அட்மிரல்டி உட்பட சில வட்டாரங்களில் காலை 5 மணி முதல் காலை 6 மணி வரை வெப்பநிலை 21.2 டிகிரி செல்சியஸ் வரை இறங்கியது என்று வானிலை ஆய்வு நிலையம் நேற்று தனது இணையப் பக்கத்தில் தெரிவித்திருந்தது.

Pages