You are here

சிங்க‌ப்பூர்

வலுவான ஒருங்கிணைந்த தலைமைத்துவம் அவசியம்

ஆசியானின் வளர்ச்சி அடுத்த நிலையை அடைவதற்கு வலுவான தலைவர்கள் குழு தேவை என்று பேங்காக்கில் நேற்று நடந்த கலந்துரையாடல் நிகழ்ச்சியில் கௌரவ மூத்த அமைச்சர் திரு கோ சோக் டோங் கூறியுள்ளார். “50 வயதில் மனிதர்கள் தாங்கள் வயதான பருவத்தை அடைந்த உணர்வை பெறுவார்கள். ஆனால், ஓர் அமைப்பாக ஆசியான் அப்படி இருக்கக் கூடாது,” என்று பேங்காக் போஸ்ட் செய்தி நிறுவனம் ஏற்பாடு செய்த ‘ஆசியான்@50: ஒரு மீள்பார்வை’ என்ற கலந்துரையாடலில் திரு கோ கூறினார்.

ஃபெர்னாண்டஸ்: எதிர்கால மாதிரி வடிவமாக சாங்கியின் முனையம் 4

மலிவு கட்டண விமான சேவைகளுக்கான விமான நிலையத்தின் எதிர்கால மாதிரி வடிவமாக சாங்கி விமான நிலையத்தின் நான்காவது முனையம் திகழ்வதாக ஏர் ஏ‌ஷியா விமான நிறுவனத்தின் தலைமை நிர்வாகி டோனி ஃபெர்னாண்டஸ் கூறியுள்ளார். இம்மாதம் 7ஆம் தேதி முதல் புதிய முனையத்தில் சேவையைத் தொடங்கிய ஏர் ஏ‌ஷியா விமான சேவை, நான்காவது முனையத்தில் அதன் அனுபவத்தை வைத்து அச்சேவை இயங்கும் மற்ற விமான நிலையங்களில் இத்தகைய செயல்முறைகளை அமல்படுத்த முயற்சி எடுக்கும் என்றும் நேற்று சிங்கப்பூரில் செய்தியாளர்களுக்கு அளித்த பேட்டியில் திரு ஃபெர்னாண்டஸ் கூறியுள்ளார்.

ரசாயனக் கசிவை சமாளிக்க இருநாட்டு தயார்நிலை

படம்: ஸ்ட்ரெய்ட்ஸ் டைம்ஸ்

துவாஸ் இரண்டாம் இணைப்புப் பாலத்தில் பிரபலமான வர்த்தகர் ஒருவரையும் மூன்று பயணி களையும் ஏற்றிக் கொண்டு ஒரு காரும் ‘ஹைட்ரோகுளோரிக்’ அமி லம் உள்ள 20 பீப்பாய்களை ஏந்திய கனரக லாரியும் பயணம் செய்து கொண்டிருந்தன. அப்போது இரு வாகனங்களும் மோதிக் கொண்டதில், மூவர் கடு மையாகவும் இருவர் இலேசாகவும் காயமடைந்தனர். லாரியில் உள்ள பீப்பாய்களில் ஐந்து, சாலையில் விழுந்ததால், அதிலிருந்து ரசாய னம் கசியத் தொடங்கியது. அப் போது ரசாயனத்திலிருந்து அமிலப் புகையும் அந்தப் பகுதியைச் சூழ்ந்துகொண்டது. மற்றொரு ரசாயனப் பீப்பாய் பாலத்தின் கீழ் உள்ள கடலில் விழுந்தது.

தெம்பனிஸ் வீட்டில் தீ; மருத்துவமனையில் மூவர்

படம்: வான் பாவ்

தெம்பனிஸ் வட்டாரத்தில் உள்ள வீடமைப்பு வளர்ச்சிக் கழக அடுக்குமாடி வீட்டில் நேற்றுக் காலை நிகழ்ந்த தீ விபத்தில் அந்த வீட்டில் வசித்த மூவர் காயமடைந்ததால் அவர்கள் மருத்துவமனையில் அனுமதிக்கப் பட்டுள்ளனர். தெம்பனிஸ் ஸ்திரீட் 21ல் உள்ள புளோக் 240ல் நேற்றுக் காலை 6.35 மணிக்கு நடந்த இந்தத் தீச்சம்பவத்தை குறும்புச் செயலாக போலிசார் வகைப் படுத்தியுள்ளனர். சம்பவ இடத்திற்கு விரைந்த சிங்கப்பூர் குடிமைத் தற்காப்புப் படையினர் நீரைப் பாய்ச்சி தீயைக் கட்டுக்குள் கொண்டு வந்தனர்.

சிங்கப்பூரில் கருக்கலைப்பு எண்ணிக்கை குறைந்தது

சிங்கப்பூரில் கருக்கலைப்புகளின் எண்ணிக்கை சென்ற ஆண்டு 7,217ஆகக் குறைந்தது. கடந்த பத்தாண்டுகளில் இதுவே ஆகக் குறைவான எண்ணிக்கை. அதோடு, 2007ன் 11,933 கருக் கலைப்புகளைவிட இது 40% குறைவு. சமுதாயக் காரணங்கள் மாறி வருவதால் வேண்டாத குழந்தை களின் எண்ணிக்கை குறைந்திருப் பதாக ஆலோசகர்கள் கூறுகின்ற னர். சுகாதார அமைச்சு வெளியிட்ட கடந்த பத்தாண்டுகளின் புள்ளி விவரப்படி, மற்ற வளர்ச்சியடைந்த நாடுகளைப் போலவே, சிங்கப் பூரிலும் கருக்கலைப்புகளின் எண் ணிக்கை படிப்படியாகக் குறைந் துள்ளது.

பலதுறை மருந்தகத்தில் எப்போதும் மருந்துகள் பெறலாம்

‘ஹார்ட்பீட் @ பிடோக்’ சமூக மையத்தில் புதுப்பிக்கப்பட்ட பிடோக் பலதுறை மருந்தகத்தில் மருந்தாளரைப் பார்க்காமலேயே நோயாளிகள் தங்கள் மருந்து களைப் பெற்றுக்கொள்ளலாம். ‘பில்பாக்ஸ்’ எனப்படும் புதிய சேவையின் வழி நோயாளிகள் வெகுநேரம் காத்திருக்காமல் தங் கள் மருந்துகளைப் பெறமுடியும். ‘சிங்ஹெல்த்’தின் கீழ் வரும் பிடோக் மலதுறை மருந்துகத்தில் உருவாக்கப்பட்டுள்ள ‘பில்பாக்ஸ்’ சேவையால் மருந்துக் கூடத்தில் நோயாளிகள் மருந்துகளுக்காகக் காத்திருக்கும் நேரம் சுமார் 40% குறைந்துள்ளதாக அந்தப் பலதுறை மருந்தகத்தின் இயக்கு நர் டாக்டர் ஜூலியானா பஹாடின் நேற்று செய்தியாளர்களிடம் தெரி வித்தார்.

மரம் ஒன்று வேரோடு சாய்ந்ததில் போக்குவரத்து நெரிசல்

காலை நேரத்தில் பெய்த கனமழை யால் மரம் ஒன்று வேரோடு சாய்ந் ததில் கேலாங் பலதுறை மருந் தகம் அருகே நேற்று போக்குவரத்து நெரிசல் ஏற்பட்டது. மரத் தோடு சேர்ந்து விளக்குக் கம்பமும் கீழே விழுந்துவிட்டதாக ‘ஸ்ட் ரெய்ட்ஸ் டைம்ஸ்’ தெரிவித்தது. சிம்ஸ் அவென்யூவை நோக்கிய சாலையின் குறுக்கே மரம் விழுந்து கிடந்ததால் ஆகக் கடைசி வலத் தடத்தில் மட்டுமே கார்கள் செல்ல முடிந்தது. பெரிய வாகனங்கள் செல்ல வழி இல்லாததால் கிட்டத் தட்ட 300 மீட்டர் தூரத்துக்கு வாகனங்கள் தேங்கி நின்றன.

ஆசியான்-கிழக்காசிய உறவை வலுப்படுத்துவோம்: பிரதமர் லீ

ஆசியான் நாடுகள், மூன்று கிழக்காசிய நாடுகளின் தலை வர்கள் மத்தியில் பேசிய சிங்கப்பூர் பிரதமர் லீ சியன் லூங் (படம்) அதிக நிதி, பொருளியல் ஒருங்கி ணைப்புக்குக் குரல் கொடுத்தார். 20வது ‘ஆசியான் பிளஸ் த்ரீ’ நினைவு உச்சநிலைக் கூட்டம் நேற்றுக் காலை மணிலாவில் நடை பெற்றது. பத்து ஆசியான் நாடு களும் சீனா, ஜப்பான், தென் கொரியா ஆகிய மூன்று நாடுகளும் பங்கேற்ற இக்கூட்டத்தில் தலை வர்கள் உரை நிகழ்த்தினர். பிரதமர் லீ பேசுகையில் மூன்று நாடுகளுடன் வளர்ந்து வரும் ஆசியானின் உறவை மேலும் வலுப்படுத்துவதற்கு 2018ஆம் ஆண்டின் ஆசியான் தலைவர் என்ற முறையில் சிங்கப்பூர் சிறப் பாகப் பணியாற்றும் என்றார்.

மூவரில் ஒருவருக்கு உயர் ரத்த அழுத்த பாதிப்பு

உயர் ரத்த அழுத்தத்திற்கான அளவீடு 130/80 என்னும் அமெரிக்க இதயநலச் சங்கத் தின் புதிய வழிகாட்டி முறையை சிங்கப்பூர் பின்பற்றினால் கிட்டத் தட்ட மூவரில் ஒருவருக்கு உயர் ரத்த அழுத்தம் இருப்பதாக வகைப்படுத்தப்படும். அந்த விகி தம் தற்போதைய நான்கில் ஒரு வர் என்பதிலிருந்து உயரும். இருப்பினும் இந்த வகையில் உயர் ரத்த அழுத்தம் இருப்ப தாகப் புதிதாகக் கண்டுபிடிக்கப் படுவோர் உயர் ரத்த அழுத்தம் கட்டம்-1 என்று வகைப்படுத்தப் படுவர்.

சாலை விபத்துகளில் கூடுதல் சிறார் காயம்

சிங்கப்பூரில் இந்த ஆண்டின் முதல் பாதியில் நிகழ்ந்த சாலை விபத்துகளில் 12 மற்றும் அதற்கு குறைந்த வயதுள்ள மொத்தம் 132 சிறார் காயம் அடைந்து இருக் கிறார்கள். இந்த எண்ணிக்கை சென்ற ஆண்டு இதே கால கட்டத்தில் 128ஆக இருந்தது. சாலைகளில் இத்தகைய தேவையற்ற விபத்துகளைத் தவிர்த்துக்கொள்ள முடியும். சிறாருக்குச் சாலை பாதுகாப்பு பழக்கவழக்கங்களைப் போதிக்க மேலும் பல நடவடிக்கைகளை நாம் மேற்கொள்ளலாம் என்று கல்வி அமைச்சுக்கான மூத்த நாடாளு மன்ற செயலாளர் இணைப் பேராசிரியர் முகம்மது ஃபைசால் இப்ராஹிம் கூறினார். வருடாந்திர 37வது ஷெல் போக்குவரத்து விளையாட்டின் நிறைவு நிகழ்ச்சியில் அவர் பேசி னார்.

Pages