You are here

சிங்க‌ப்பூர்

விளக்குக் கம்பத்தில் மோதிய காவல்துறை வாகனம்

படம்: ஸ்ட்ரெயிட்ஸ் டைம்ஸ்

சாலைத் தடத்தைவிட்டு விலகி ஓடிய போலிஸ் கார் ஒன்று விளக்குக் கம்பத்தின் மீது மோதிய சம்பவம் டோர்செட் ரோட்டில் நிகழ்ந்தது. நேற்று முன்தினம் பிற்பகலில் நிகழ்ந்த இந்தச் சம்பவத்தில் யாரும் காயமடையவில்லை. குளோஸ்டர் ரோட்டை நோக்கிச் செல்லும் டோர்செட் சாலையில் நிகழ்ந்த இச்சம்பவம் குறித்து திங்கட்கிழமை பிற்பகல் 2.55 மணிக்குத் தகவல் கிடைத்ததாக போலிஸ் தெரிவித்தது. சம்பவ இடத்திற்கு விரைந்த போலிஸ், அங்கு போலிஸ் காரும் மற்றொரு காரும் மோதி விபத்துக் குள்ளானதை உறுதிப்படுத்தியது.

குறைந்த கார் இலக்கை எட்ட உதவும் கார் பகிர்வுச் செயலிகள்

ஸ்ட்ரெய்ட்ஸ் டைம்ஸ் கோப்புப்படம்

சிங்கப்பூரின் சாலைகளில் குறைந்த அளவில் கார்கள் இருக்க வேண்டும் என்ற இலக்கை அடைய கார் பகிர்வுச் செயலிகள் கைகொடுக்கக்கூடும் என்று தெரிவிக்கப்பட்டுள்ளது. சிங்கப்பூரில் ஓடும் பெரும்பாலான கார்களில் இரண்டுக்கும் குறைவானவர்கள் மட்டுமே பயணம் செய்வதாக நிலப் போக்குவரத்து ஆணையம் தெரிவித்துள்ளது. கார் பகிர்வுச் செயலிகள் மூலம் கார் ஓட்டுநர்கள் மற்ற பயணிகளுடன் தொடர்புகொள்ளலாம். இதன் வழி அவர்கள் பயணச் செலவினங்களைப் பகிர்ந்துகொள்ளலாம். அதுமட்டுமல்லாது, புதிய சந்திப்புகள் மூலம் நட்பு வட்டம் அதிகரிக்கும் வாய்ப்புகள் உள்ளன.

ஊழியர்களுக்கு நன்றி கூறிய அமைச்சர்கள்

சுகாதார அமைச்சர் கான் கிம் யோங்கும் அவரது துணைவியாரும்

சீனப் புத்தாண்டு முதல் நாளில் தங்கள் சீன சகாக்கள் பண்டிகைக் குதூகலத்தில் திளைத்திருக்க அவர்களின் வேலையையும் சேர்த்துக் கவனித்துக் கொள்ளும் பாணி சிங்கப்பூரில் காணப்படும் ஒரு வழக்கம். அதன் தொடர்பில் அத்தியாவசிய சேவையில் ஈடுபட்டுள்ள ஊழியர்களுக்குத் தங்கள் நன்றி யையும் வாழ்த்துகளையும் தெரிவித்துக்கொள்ள அமைச்சர்கள் சிலர் புத்தாண்டின் முதல் நாளில் சில இடங்களுக்குச் சென்றனர்.

இஸ்தானாவில் சீனப் புத்தாண்டு குதூகலம்

இஸ்தானாவில் பொது வரவேற்புத் தினம். படம்: சாவ்பாவ்

சீனப் புத்தாண்டின் இரண்டாவது நாளை முன்னிட்டு நேற்று இஸ்தானாவில் பொது வரவேற்புத் தினம் நடத்தப்பட்டது. சூசோ கலைநிகழ்ச்சிக் குழுவின் சீன சாகசங்களையும் ஷான் லோங் குழுவின் கடல்நாக, சிங்க நடனங்களையும் பொதுமக்கள் கண்டு களித்தனர். பொது வரவேற்பு தினத்தில் அதிபர் டோனி டான் கெங் யாமும் அவரது துணைவியார் மேரி டானும் கலந்துகொண்டு சிறப்பித்தனர். படம்: சாவ்பாவ்

பிரதமரின் துணைவியாருக்கு முழங்கையில் காயம்

 பிரதமர் லீ சியன் லூங்கின் துணைவியார் திருவாட்டி ஹோ சிங்

ஹோவர்போர்ட் விபத்து காரணமாகத் தமது இடது முழங்கையில் காயம் ஏற்பட்டுள்ளதாகப் பிரதமர் லீ சியன் லூங்கின் துணைவியார் திருவாட்டி ஹோ சிங் (படம்) அவரது ஃபேஸ்புக் பக்கத்தில் தெரிவித்து உள்ளார். இந்த விபத்து மூன்று வாரங்களுக்கு முன்பு நிகழ்ந்ததாக அவர் கூறி னார். தமது கைக்குக் கட்டு போடப்பட்டிருப்ப தாகவும் தாம் குணம் அடைந்து வருவதாகவும் அவர் கூறினார். முழங்கையில் வீக்கம் இருந்ததால் முதல் வாரத் தில் பாதியளவு திறந் திருக்கும் கட்டு போடப் பட்டிருந்ததாகவும் இரண் டாவது வாரத்தில் முழங்கை மூட்டு சீராவதற்கு முழுமையாக மூடப்பட்டிருந்த கட்டு போடப் பட்டிருந்ததாகவும் அவர் தெரி வித்தார்.

சிறிய, நடுத்தர நிறுவனங்களுக்கு அரசாங்கம் ஆதரவு வழங்கும்

சிறிய, நடுத்தர நிறுவனங்களுக்கு அரசாங்கம் ஆதரவு வழங்கும்

தற்போதைய பொருளியல் சூழ் நிலையில் சிங்கப்பூரின் சிறிய, நடுத்தர நிறுவனங்கள் எதிர் கொள்ளும் சவால்களை அரசாங்க அமைப்புகள் புரிந்துகொண்டு அவற்றுக்குத் தொடர்ந்து ஆதரவு வழங்கும் என்று வர்த்தக, தொழில் அமைச்சர் (தொழில்) எஸ். ஈஸ்வரன் தெரிவித்துள்ளார். வர்த்தகங்களுக்கு அரசாங்கம் கூடுதல் உதவி வழங்க வேண்டும் என்று அழைப்புகள் விடுக்கப் பட்டுள்ளபோதிலும் சிங்கப்பூரின் பொருளியலை மிரட்டிய 2008ஆம் ஆண்டில் ஏற்பட்ட உலகளாவிய நிதி நெருக்கடியுடன் தற்போதைய சூழ்நிலையை ஒப்பிட முடியாது என்று திரு ஈஸ்வரன் குறிப்பிட்டார்.

உரிம முறைகேடுகளால் துப்பாக்கிகள் பறிமுதல்

தேசிய துப்பாக்கி சுடும் மையம். ஸ்ட்ரெயிட்ஸ் டைம்ஸ் கோப்புப்படம்

துப்பாகிகளின் உரிமம் தொடர்பான பிரச்சினைகளால் சிங்கப்பூர் ‘கன் கிளப்’, சிங்கப்பூர் ‘ரைஃபிள் அசோசியேஷன்’ ஆகிய இரு அமைப்புகளிடமிருந்து சிங்கப்பூர் போலிஸ் படை பல துப்பாக்கிகளைப் பறிமுதல் செய்துள்ளது. அவ்விரு அமைப்புகளின் ஆயுதக் கிடங்குகளில் சிங்கப்பூர் போலிஸ் படையின் போலிஸ் உரிம, சட்டப் பிரிவு நடத்திய கணக்குத் தணிக்கையில் துப்பாக்கிகளின் உரிமங்கள் தொடர்பான முறைகேடுகள் கண் டறியப்பட்டன. சிங்கப்பூர் போலிஸ் படை வெளியிட்ட அறிக்கையில் இந்த விவரங்கள் தெரிவிக்கப்பட்டன.

பொது வாடகை வீடுகளில் வசிப்போர் வீடு வாங்க கூடுதல் உதவிகள்

பொது வாடகைக் குடி­யி­ருப்­பு­களில் வசித்த 500க்கும் மேற்­பட்­டோர் கடந்த ஆண்டு முதல்முறையாக வீடு வாங்­கி­ய­தாக வீடமைப்பு வாரியம் தெரி­வித்­துள்­ளது. கடந்த ஆண்டு நவம்பர் மாதத்­தில் 12,411 வீடுகள் விற்­பனைக்கு விடப்­பட்­டன. அதற்­குப் பிறகு வீடு வாங்கிய அத்­தகை­யோ­ரின் எண்­ணிக்கை பற்றிய விவரம் இன்னும் வெளி­யா­க­வில்லை. 2014ஆம் ஆண்டில் 750 பேர் இந்தப் பிரிவில் வீடு வாங்கி இருந்த­னர். 2011ஆம் ஆண்டு முதல் 3,000க்கும் அதி­க­மா­னோர் விருப்­பத்­திற்­கேற்ப கட்­டித்­த­ரப்­படும் வீடுகள் அல்லது எஞ்­சி­யுள்ள அடுக்­கு­மா­டிக் குடி­யி­ருப்­பு­களின் விற்பனை ஆகி­ய­வற்­றின் கீழ் வீடுகளை வாங்­கி­னர்.

பெரிய வகை கார்களில் வாடிக்கையாளர்கள் நாட்டம்

பிசினஸ் டைம்ஸ் கோப்புப்படம்

வாகன உரிமைச் சான்­றி­தழ் கட்­ட­ணங்கள் வீழ்ச்­சி­ய­டந்­துள்­ளதை அடுத்து கார்­களின் விற்பனை அதி­க­ரித்­தி­ருப்­ப­தாக வாகன விற்­பனை­யா­ளர்­கள் தெரி­வித்­துள்­ள­னர். ‘பி’ பிரிவு பெரிய வகைக் கார்­களுக்­கான ‘சிஓஇ’ கட்­ட­ணம் ஆறு ஆண்­டு­களில் இல்லாத அள­வுக்­குக் குறைந்­தி­ருப்­ப­தால் சிலர் அவ்­வகைக் கார்­களுக்கு பதிவு செய்­துள்­ள­தா­க­வும் அவர்­கள் கூறியுள்­ள­னர். சீனப் புத்­தாண்­டுக் கொண் டாட்­டங்களை முன்­னிட்டு காட்சிக் கூடத்தை மூடத் திட்­ட­மிட்­டி­ருந்த போர்னியோ மோட்­டார்ஸ் நிறு­வ­னம், வாடிக்கை­ யா­ளர்­களின் வலுவான தேவை யைக் கருத்­தில் கொண்டு நேற்றும் செயல்­பட்­டது.

சிங்கப்பூரின் வேவு விமானத்தை நிறுவத் தாமதம்

சிங்கப்பூருக்கு எதிரான அச்சுறுத்தல்களை அவை வெகு தொலைவில் இருக்கும்போதே அறிந்துகொள்ள உதவும் வேவு விமானத்தில் பாதுகாப்புச் சோதனைகள் மேற்க்கொள்ளப் படுவதால் அதனைப் பயன்படுத்தும் திட்டம் தாமதப்படுத்தப்பட்டுள்ளது. 55 மீ. நீளமுள்ள, ஹீலியம் வாயு நிரப்பப்பட்ட அந்த விமானத்தில் (படம்) ராடார் கருவி பொருட்தப்பட்டுள்ளது. படம்: தற்காப்பு அமைச்சு (கோப்புப் படம்)

Pages