You are here

இந்தியா

காந்தி ஆசிரமத்தில் ராட்டையில் நூல் நூற்ற இஸ்ரேல் பிரதமர்

அஹமதாபாத்: இஸ்ரேல் பிரதமர் பெஞ்சமின் நெட்டன்யாகுவும் இந்தியப் பிரதமர் மோடியும் அகம தாபாத்தில் உள்ள டியோ தோலரா கிராமத்தில் ‘ஐகிரியேட்’ சென்டர் என்ற மையத்தைத் தொடக்கிவைத்த பின், சபர்மதியில் உள்ள மகாத்மா காந்தி ஆசிரமத்திற்குச் சென்ற னர். அங்கு மகாத்மா காந்திக்கு அஞ்சலி செலுத்திய நெட்டன்யாகு வும் அவரது மனைவியும் ராட்டை யில் நூல் நூற்றனர்.

இந்தியத் தலைநகர் புதுடெல்லி எனத் தெரியாத 36% மாணவர்கள்

புதுடெல்லி: அண்மையில் நடத்தப்பட்ட புதிய ஆய்வு ஒன்றில் கலந்து கொண்டவர்களில் 36 விழுக்காட்டினருக்கு இந்தியா வின் தலைநகர் புதுடெல்லி என் பது தெரியவில்லை எனத் தெரிய வந்துள்ளது. 2017ஆம் ஆண்டு இந்திய கல்வி அறிக்கை அறிக்கை (ASER) வெளியிடப்பட்டு உள்ளது. நாட்டில் மாணவர்களிடம் கல்வி, பொது அறிவு நிலை எந்த அளவுக்கு இருக்கிறது என்பதை அறிய வருடாந்திர கல்வி நிலைத் தகவல் என்ற பெயரில் ஆய்வு நடத்தப்பட்டது.

‘ஏர் இந்தியா’ நான்காகப் பிரித்து விற்பனை

புதுடெல்லி: பெருங்கடனில் மூழ்கி தத்தளிக்கும் ஏர் இந்தியா விமான நிறுவனத்தை நான்காகப் பிரித்து விற்பனை செய்ய மத்திய அரசு முடிவு செய்துள்ளது. இது குறித்து விளக்கம் அளித்த மத்திய இணை அமைச்சர் ஜெயந்த் சின்ஹா, நான்கு தனித் தனி நிறுவனங்களாகப் பிரித்து பங்குகள் விற்கப்படும் என்று குறிப்பிட்டார். ஒவ்வொரு நிறுவனத்திலும் குறைந்தது 51 விழுக்காடு பங்குகள் விற்கப்படும் என்று ‘த எக்கானமிக் டைம்ஸ்’ வெளியிட்ட தகவல் தெரிவித்தது. ஏர் இந்தியா மற்றும் மலிவு கட்டண விமான நிறுவனமான ‘ஏர் இந்தியா எக்ஸ்பிரஸ்’ ஆகிய இரண்டும் ஒரே நிறுவனமாக பங்குகள் விற்பனை செய்யப்படும்.

களைகட்டிய காணும் பொங்கல்: பொதுமக்கள் உற்சாகம்

சென்னை: காணும் பொங்கல் தமிழகம் முழுவதும் சிறப்பாகக் கொண்டாடப்பட்டது. நேற்று தமிழகம் முழுவதிலும் உள்ள பொழுதுபோக்கு மற்றும் சுற்றுலாத் தலங்களில் மக்கள் கூட்டம் அலை மோதியது. தமிழகத்தில் காணும் பொங்கல் தினத்தன்று வெளியே சென்று கொண்டாடுவது வழக்கமாக உள் ளது. அந்த வகையில் இந்த ஆண்டும் கொண்டாட்டங்கள் களைகட்டின. நேற்று காலை முதலே சென்னை கடற்கரை உட்பட தமிழகம் முழுவ தும் உள்ள கடலோரப் பகுதிகளில் ஏராளமானோர் கூடினர். இதே போல் வண்டலூர் உயிரியல் பூங்கா, அடையாறு பாம்புப் பண்ணை உள்ளிட்ட இடங்களில் கூட்டம் அதிகமாக இருந்தது.

தங்க தமிழ்ச்செல்வன்: நாங்கள் வெளியிலிருந்தபடி தினகரனை ஆதரிப்போம்

புதுவை: தனிக்கட்சி துவங்குவது குறித்து தன் முடிவை இன்று அறிவிக்க இருப்பதாக டிடிவி தினகரன் தெரிவித்துள்ளார். இத னால் தமிழக அரசியல் களத்தில் பரபரப்பு நிலவுகிறது. புதுக்கட்சி தொடங்கும் விஷ யத்தில் அவரது ஆதரவாளர்கள் மத்தியில் சற்றே அதிருப்தி நிலவுவதாகவும் தகவல்கள் தெரிவிக்கின்றன. அதிமுக தற்போது தனது கட்டுப்பாட்டில் இல்லை என்பதை தினகரன் உணர்ந்துள்ளார். மேலும் இரட்டை இலை சின்னமும் கைநழுவிப் போய்விட்டது. எனி னும், ஆர்கே நகர் இடைத்தேர்தல் வெற்றி அவரது தரப்பை சற்றே ஆறுதல்படுத்தி உள்ளது.

நடுக்கடலில் பரபரப்பு: தமிழக மீனவர்கள் மீது இலங்கை கடற்கொள்ளையர்கள் திடீர் தாக்குதல்

நாகை: தமிழக மீனவர்கள் மீது நடுக்கடலில் இலங்கை கடற் கொள்ளையர்கள் நடத்திய தாக்குதல் பெரும் பரபரப்பை ஏற்படுத்தி உள்ளது. நேற்று முன்தினம் நாகை மாவட்டம் வேதாரண்யத்தில் இருந்து கடலுக்கு மீன்பிடிக்கச் சென்ற மீனவர்கள் மீது இத்தாக்குதல் நடந்துள்ளது. இந்திய எல்லைக்குட்பட்ட கடற்பகுதியில் தமிழக மீனவர்கள் மீன் பிடித்துக் கொண்டிருந்தனர். அப்போது அங்கு வந்த இலங்கை கடற்கொள்ளையர்கள், மீனவர்கள் சற்றும் எதிர்பார்க்காத நேரத்தில் தாக்குதல் நடத்தினர்.

ஜல்லிக்கட்டை வேடிக்கை பார்த்த இளையர் காளை முட்டி பலியானார்

மதுரை: ஜல்லிக்கட்டு போட்டியை வேடிக்கை பார்த்துக்கொண் டிருந்த 19 வயது இளையர் மாடு முட்டி பலியானார். திண்டுக்கல் மாவட்டம், சாணார்பட்டியைச் சேர்ந்த காளி முத்து என்ற அந்த இளையர் நேற்று மதுரை, பாலமேட்டில் நடைபெற்ற ஜல்லிக்கட்டை பார்க்க நண்பர்களுடன் சென்றிருந்தார். காளைகள் அவிழ்த்து விடப் படும் பகுதியின் அருகே நண்பர் களோடு நின்று காளிமுத்து வேடிக்கை பார்த்துக்கொண்டி ருந்த போது, நான்கு காளைகள் ஒருசேர வெளியே வந்துள்ளன. அதில் ஒரு காளை காளி முத்துவை குறிவைத்து முன்னேறி அவரது வயிற்றில் பலமாக தாக்கியது.

கார், பேருந்து மோதல்: 6 பேர் பலி

ஓசூர்: அரசு பேருந்து மீது கார் மோதிய விபத்தில் பள்ளி மாணவர்கள் உட்பட ஆறு பேர் பலியான சம்பவம் ஓசூர் பகுதியில் சோகத்தை ஏற்படுத்தி உள்ளது. நேற்று முன்தினம் பெங்களூருவில் இருந்து வேலூர் நோக்கி அரசுப் பேருந்து ஒன்று வந்து கொண்டிருந்தது. சூளகிரி அருகே அப்பேருந்தின் மீது எதிரே வந்த கார் ஒன்று சாலைத் தடுப்புகளைக் கடந்து வந்து மோதியது. இதில் இரு வாகனங்களும் கவிழ்ந்தன. இந்த விபத்தில் காரில் பயணம் செய்த பள்ளி மாணவர்கள் நால்வர் உட்பட ஆறு பேர் சம்பவ இடத்திலேயே பலியாகினர். மேலும் பேருந்து பயணிகள் 30 பேருக்கு காயம் ஏற்பட்டதாக தகவல்கள் தெரிவிக்கின்றன.

பழைய ரூபாய் நோட்டுகள் பறிமுதல்

திருச்சி: துறையூர் அருகே நடைபெற்ற வாகனச் சோதனையின் போது ஒரு கோடி ரூபாய் மதிப்புள்ள பழைய ரூபாய் நோட்டு கள் சிக்கியது. நேற்று முன்தினம் காலை போலிசார் உப்பிலியபுரத்தில் வாகனச் சோதனையில் ஈடுபட்டிருந்தனர். அப்போது அவ்வழியே வந்த கார் ஒன்றை நிறுத்தி சோதனையிட்டனர். இதில் காரின் பின்பகுதியில் ரூ.77.50 லட்சம் மதிப்பிலான பழைய 1,000 ரூபாய் நோட்டுகளும் ரூ.22.50 லட்சம் மதிப்பிலான பழைய 500 ரூபாய் நோட்டுகளும் இருப்பது தெரியவந்தது. இதையடுத்து அவை பறிமுதல் செய்யப் பட்டு, காரில் வந்த நால்வரும் விசாரிக்கப்பட்டு வருகின்றனர்.

ஆண்டாளை உயர்த்திப் பேசுவதே எனது கட்டுரையின் நோக்கம்: வைரமுத்து விளக்கம்

சென்னை: ஆண்டாளை உயர்த்திப் பேசுவதே தமது கட்டுரையின் நோக்கம் என்று கவிஞர் வைரமுத்து தெரிவித்துள்ளார். தம்மை உயர்த்திய தமிழ்ச் சமூகத்தை தம்மால் எப்படி புண்ப டுத்த முடியும்? என டுவிட்டர் பதிவு ஒன்றில் அவர் குறிப்பிட் டுள்ளார். அண்மையில் ஆண்டாள் குறித்து வைரமுத்து தெரிவித்த கருத்துகள் பெரும் சர்ச்சையை ஏற்படுத்தி உள்ளன. அவர் இதற் காக மன்னிப்பு கோர வேண்டும் என பாஜக, அதிமுக உள்ளிட்ட பல்வேறு தரப்புகள் வலியுறுத்தின.

Pages