You are here

இந்தியா

இந்தியப் பெண்கள் பல துறைகளில் சாதனை: பிரதமர் மோடி புகழாரம்

புதுடெல்லி: இந்தியப் பெண்கள் பல துறைகளில் சாதனை படைக்கின்றனர். அவர்களின் பங்களிப்பு உலகத்தைத் திரும்பிப் பார்க்க வைத்திருக்கிறது என்று நரேந்திர மோடி ‘மன் கி பாத்’ நிகழ்ச்சியில் இந்தியப் பெண் களைப் புகழ்ந்து பாராட்டியுள்ளார். பெண்கள் சக்தி மூலம், நாட்டிலும் சமூகத்திலும் நேர்மறையான மாற் றங்கள் வந்திருப்பதாகக் கூறி னார். ஒவ்வொரு மாதமும் வானொலி மூலமாக மக்களிடையே பிரதமர் மோடி ‘மன் கி பாத்’ எனும் நிகழ்ச்சியில் உரையாற்றுவது வழக்கம். அந்த வகையில் இந்த ஆண்டின் முதல் ‘மன் கி பாத்’ நிகழ்ச்சியில் நேற்று பிரதமர் மோடி வானொலி மூலமாக மக்களிடையே உரையாற்றினார்.

உ.பி.யின் தமிழ் ஐபிஎஸ் அதிகாரிக்கு சிறந்த காவல் பணிக்கான அரசு விருது

படம்: இந்திய ஊடகம்

உத்தரப் பிரதேச மாநிலத்தில் ஐபிஎஸ் அதிகாரியாகப் பணிபுரியும் தமிழரான ஜி.முனிராஜுக்கு சிறந்த காவல் பணிக்கான பாராட்டுப் பதக்கம் வழங்கப்பட்டுள்ளது. குடியரசு தினத்தன்று நாடு முழுவதிலும் சிறப்பாகப் பணி புரிந்த காவல் துறை அதிகாரிகளுக்கு மத்திய அரசால் விருதுகள் வழங்கப்படுன்றன. அதில் தமிழ் நாட்டைச் சேர்ந்த ஜி.முனிராஜ் என்ற ஐபிஎஸ் அதிகாரிக்கு வெள்ளிப் பதக்கம் வழங்கப்பட்டது. ஜி.முனிராஜ் உ.பி.யின் மேற்குப் பகுதியில் உள்ள புலந்த்ஷெளஹர் எனும் மாவட்டக் காவல்துறை கண்காணிப்பாளராக பணியாற்று கிறார். அங்கு வழிப்பறி, கொள்ளை, பாலியல் குற்றங்கள் அதிகமாக நடைபெறுகின்றன.

எம்ஆர்ஐ இயந்திரம் விழுங்க முயன்றதில் ஆடவர் மரணம்; மூவர் கைது

உயிரிழந்த ராஜேஷ் மாரு. படம்: ஃபேஸ்புக்

பிராணவாயு சிலிண்டருடன் வந்த ஆடவரை எம்ஆர்ஐ ஸ்கேன் இயந்திரம் உள்ளே இழுத்ததில் அவர் மாண்டார். இந்த அதிர்ச்சி சம்பவம் மும்பையிலுள்ள பிஒய்எல் நாயர் அறநிறுவன மருத்துவமனை யில் நிகழ்ந்தது.

பொதுவாக எம்ஆர்ஐ ஸ்கேன் இயந்திரம் இருக்கும் அறையில் உலோகப் பொருட்களை மருத்துவ மனைகள் அனுமதிப்பதில்லை. இந்நிலையில் ராஜேஷ் மாரு, 32, என்பவர் நேற்று முன்தினம் இரவு 8.30 மணியளவில் நாயர் மருத்துவமனையில் சிகிச்சை பெறும் தமது உறவினரின் சுவா சத்திற்காக பிராணவாயு உரு ளையைக் கொண்டு சென்றுள் ளார். மருத்துவரின் வருகைக்காக எம்ஆர்ஐ ஸ்கேன் இயந்திர அறைக்கு வெளியே உறவினர்கள் காத்திருந்தனர்.

குறைந்த செலவில் வாழத் தகுதியான நாடு இந்தியா

புதுடெல்லி: குறைந்த செலவில் வாழத்தகுதியான நாடுகளின் பட்டியலில் இந்தியா 2ஆம் இடம் பிடித்துள்ளது. ‘கோ பங்கிங் ரேட்ஸ்’ என்ற அமைப்பு 112 நாடுகளில் நடத்திய ஆய்வில் தென்ஆப்பிரிக்கா முதல் இடத்தில் உள்ளது. வீட்டு வாடகை, மக்களின் நுகர்வுத்திறன், மிண் நுகர்வு, பொழுதுபோக்கு சாதனங்கள், பள்ளிப் படிப்பு, மருத்துவச் செலவு உள்ளிட்ட அடிப்படையில் இந்த ஆய்வு மேற்கொள்ளபட்டதாக தெரிவிக்கப்பட்டுள்ளது. இந்தியாவின் அண்டை நாடுகளான பாகிஸ்தான் 14வது இடத்திலும் நேப்பாளம் 28ஆம் இடத்திலும் பங்களாதேஷ் 48வது இடத்திலும் இந்தப் பட்டியலில் இடம் பெற்றுள்ளது குறிப்பிடத்தக்கது.

உதயநிதி ஸ்டாலின்: இனி என்னை திமுக மேடைகளில் பார்க்கலாம்

உதயநிதி ஸ்டாலின்

சென்னை: பேருந்துக் கட்டண உயர்வுக்கு எதிராக தாம்பரத் தில் திமுக நடத்திய ஆர்ப்பாட்டத்தில் நடிகர் உதயநிதி ஸ்டாலின் பங்கேற்று கண்டன முழக்கமிட்டார். கூட்டத்தில் அவர் பேசும்போது, “இனி என்னை அடிக்கடி மேடையில் திமுக தொண்டர்கள் பார்க்கலாம். மேடையில் இருப்பதைவிட மக்களுடன் இருக்கவே விரும்புகிறேன்,” என அவர் கூறினார்.

‘தலித்’ இளையராஜாவுக்கு விருது: மன்னிப்பு கேட்டது நாளிதழ்

சென்னை: ‘தலித்’ என்பதற் காக இசையமைப்பாளர் இளைய ராஜாவுக்கு விருது வழங்கப் பட்டதாக செய்தி வெளியிட்ட தற்கு ‘தி நியூ இந்தியன் எக்ஸ்பிரஸ்’ ஆங்கில நாளிதழ் மன்னிப்பு கேட்டுள்ளது. இந்திய குடியரசு தினத்தை யொட்டி இளையராஜாவிற்கு பத்மவிபூஷண் விருதை இந்திய அரசு அறிவித்தது. அது குறித்து நாளிதழ்கள் மற்றும் தொலைக்காட்சிகளில் செய்திகள் வெளியாகின.

மு.க.ஸ்டாலின்: களவாணிப் பசங்களா உங்களுக்கு திராணியைக்கொடுத்தது இந்த திராவிட மண்

கடலூர்: திமுக சார்பில் கடலூரில் மொழிப்போர் தியாகிகள் வீர வணக்க நாள் பொதுக்கூட்டம் நடைபெற்றது. இதில் கலந்து கொண்டு உரையாற்றிய திமுக செயல் தலைவர் மு.க. ஸ்டாலின் திராவிட மண் குறித்து பாஜக தலைவர்கள் தொடர்ந்து எழுப்பி வரும் கேலிப் பேச்சுகளுக்கு முதல் முறையாக ஆவேசமாகப் பதிலளித் தார்.

ரயில் பெட்டி மீது ஏறி நடனம் ஆடியவர் மீது மின்சாரம் பாய்ந்தது

ஜோலார்பேட்டை: திரிபுரா மாநிலத்தைச் சேர்ந்த மகேந்திர சிங், 35, என்பவர் திருப்பதியிலிருந்து பெங்களூரு செல்லும் ரயிலில் பயணம் செய்தார். அந்த ரயில் நேற்று முன்தினம் காலை 10 மணிக்கு ஜோலார்பேட்டை ரயில் நிலையத்துக்கு வந்தது. அப்போது மகேந்திர சிங் ரயில் பெட்டி மீது ஏறி நின்று மதுவைக் குடித்தவாறு நடனமாடினார்.

போலிசார் அவரை கீழே இறக்க முயன்றனர். ஆனால் ‘அருகில் வந்தால் மது பாட்டிலால் குத்திவிடுவேன்’ என அவர் மிரட்டி னார். அப்போது அங்கிருந்த மின்சாரக் கம்பி அவர் மீது பட்டதில் துக்கிவீசப்பட்டார். படுகாயமடைந்த மகேந்திர சிங் தர்மபுரி அரசு மருத்துவமனையில் அனுமதிக்கப்பட்டுள்ளார்.

சென்னை போலிஸை கைது செய்த திருச்சி போலிஸ்

திருச்சி: திருச்சி மத்திய பேருந்து நிலையம் அருகேயுள்ள ஓட்டல் ஒன்றில் கள்ளத் துப்பாக்கி மற்றும் தோட்டாக்களுடன் சென்னை போலிஸ்காரர் ஒருவரை திருச்சி போலிசார் கைது செய்துள்ளனர். அவர்கள் அளித்த தகவலின் பேரில் மற்றொரு ஓட்டலில் தங்கியிருந்த மேலும் இருவரை அவர்கள் கைது செய்தனர். பிடிபட்ட மூவரையும் போலிசார் இரவோடு இரவாக சென்னை கொண்டு சென்று விசாரணை நடத்தி வருகின் றனர். கைது செய்யப்பட்ட போலிஸ்காரர் சென்னை பேசின் பிரிட்ஜ் காவல் நிலையத்தில் பணிபுரியும் பரமேஸ்வரன் எனக் கூறப்படுகிறது.

அரசுப் பேருந்து பயணம்: 25 லட்சம் பேர் புறக்கணிப்பு

சென்னை: தமிழக அரசின் பேருந்துக் கட்டண உயர்வைத் தொடர்ந்து சுமார் 25 லட்சம் பேர் அரசுப் பேருந்துகளைப் புறக்கணித் துள்ள விவரம் வெளியாகியுள்ளது. ரயில்கள் மற்றும் தனியார் பேருந்து களில் கூட்டம் அலைமோதுவதால் எதிர்பார்த்த வசூல் இல்லை என்று அரசுப் போக்குவரத்து அதிகாரி கள் குழப்பம் அடைந்துள்ளனர். தமிழக அரசுப் பேருந்துகளின் பயணக் கட்டணம் 60 விழுக்காடு வரை உயர்த்தப்பட்டு உள்ளது. இம்மாதம் 20ஆம் தேதி அந்தக் கட்டண உயர்வு அமலுக்கு வந் தது.

Pages