You are here

இந்தியா

மலேசிய மணலின் தரம்: உச்ச நீதிமன்றம் உத்தரவு

புதுடெல்லி: மலேசியாவில் இருந்து இறக்குமதி செய்யப்பட் டுள்ள மணலின் தரத்தை ஆய்வு செய்து மூன்று வாரங்களில் அறிக்கை அளிக்க தமிழக அர சுக்கு உத்தரவிட்டுள்ளது உச்ச நீதிமன்றம். தமிழகத்தில் தற்போது கடும் மணல்தட்டுப்பாடு நிலவுகிறது. இதனால் கட்டுமானப் பணிகள் நிலைகுத்தியுள்ளன. இந்நிலையில் மலேசியாவில் இருந்து இறக்குமதி செய்யப்பட்ட மணலை விற்பனை செய்ய அரசு அனுமதி அளிக்கவில்லை. இதை யடுத்து அம்மணல் தூத்துக்குடி துறைமுகத்தில் இருப்பு வைக்கப் பட்டுள்ளது.

பன்னீர்செல்வம் தெரிவித்த வாழ்த்து; கேள்விகளை அடுக்கும் ப.சிதம்பரம்

சென்னை: கர்நாடகாவில் பாஜகவின் தேர்தல் வெற்றியை ‘தென் மாநிலங்களில் பிரம்மாண்ட நுழைவு’ என துணை முதல் வர் பன்னீர்செல்வம் வரவேற்றிருப்பது ஏன் என்று முன்னாள் மத்திய அமைச்சர் ப.சிதம்பரம் கேள்வி எழுப்பியுள்ளார். முதல்வர் பழனிசாமியை நீக்கிவிட்டு, தன்னை முதல்வராக நியமிக்க ஓபிஎஸ் விண்ணப்பம் போடுகிறாரா என்றும் அறிக்கை ஒன்றில் நையாண்டியாக அவர் குறிப்பிட்டுள்ளார். “இந்தி திணிப்பை வரவேற்கிறாரா அல்லது காவிரி மேலாண்மை வாரியம் மறுப்பை வரவேற்கிறாரா?” என்றும் பன்னீர்செல்வத்துக்கான கேள்விகளை ப.சிதம்பரம் அடுக்கியுள்ளார்.

துன்புறுத்தும் நோக்குடன் வழக்கு: முன்பிணை கோரும் பாரதிராஜா

சென்னை: கைது நடவடிக்கையில் இருந்து தற்காத்துக் கொள் ளும் விதமாக தமக்கு முன்பிணை வழங்கக் கோரி சென்னை உயர் நீதிமன்றத்தில் இயக்குநர் பாரதிராஜா மனு தாக்கல் செய் துள்ளார். இரு பிரிவினரிடையே வன்முறையைத் தூண்டும் வகையில் பேசியதாக அவர் மீது இந்து மக்கள் முன்னணி பிரமுகர் போலிசில் புகார் அளித்துள்ளார். அதன் பேரில் வழக்குப் பதிவாகியுள்ளது. “காவிரி மேலாண்மை வாரியம் அமைக்க வலியுறுத்தி அண்மையில் நடந்த போராட்டங்களில் நானும் பங்கேற்றேன். என்னை துன்புறுத்தும் நோக்குடன் இந்த வழக்குப் பதிவு செய்யப்பட்டுள்ளது,” என பாரதிராஜாவின் பிணை கோரும் மனுவில் குறிப்பிடப்பட்டுள்ளது.

‘குதிரை பேரத்துக்கு வசதியாக 15 நாட்கள்’

பெங்களூரு: ஆட்சி அமைப்பதற் குத் தேவையான பெரும்பான்மை எம்எல்ஏக்கள் பட்டியலை நாங்கள் அளித்துள்ளோம். ஆனால் எங்கள் கூட்டணிக்குப் பதிலாக பெரும் பான்மை இல்லாத பாஜகவை ஆட்சியமைப்பதற்கு ஆளுநர் அழைப்பு விடுத்தார். பெரும்பான் மையை நிரூபிக்க எடியூரப்பாவுக்கு 3, 4 நாட்கள் அவகாசம் கொடுத் திருந்தால் கூட பரவாயில்லை. அவர்கள் குதிரை பேரம் நடத்து வதற்கு வசதியாக 15 நாட்கள் அவகாசம் தந்துள்ளார் என்று மஜத கட்சித் தலைவர் குமாரசாமி குற்றம் சாட்டியுள்ளார்.

‘கோவாவில் ஆட்சியமைக்க உரிமை கோருவோம்’

பனாஜி: கர்நாடகாவில் பெரும் பான்மை இடங்களில் வெற்றி பெறாத நிலையில், எடியூரப்பா முதல்வராக பதவியேற்றுள்ளதால் அதற்குப் பதிலடியாக கோவா காங்கிரசும் ஒரு புரட்சிகரமான முடிவை எடுத்துள்ளது. கோவாவில் காங்கிரஸ் ஒரு தனிப்பெரும் கட்சியாக இருப்ப தால் அங்கே ஆட்சியமைப்பதற்கு ஆளுநரைச் சந்தித்து கோரிக்கை விடுக்க உள்ளோம் என்று காங் கிரஸ் கட்சியினர் கூறியுள்ளனர். “கர்நாடகாவில் தனிப்பெரும் கட்சி என்று கூறி பாஜக ஆட்சி யமைக்க உரிமை கோரியது போல கோவாவில் தனிப்பெரும் கட்சியாக உள்ள காங்கிரசும் ஆட்சியமைக்க உரிமை கோர உள்ளது.

மனு அளிக்க வந்த விவசாயிகள் கைது

பல்வேறு கோரிக்கைகளை நிறை வேற்ற வலியுறுத்தி மாவட்ட ஆட் சியர் அலுவலகத்தில் மனு அளிக்க நாகை விவசாயிகள் நேற்று முன்தினம் சென்றனர். மேலும், கடலில் மூழ்கி உயிரை மாய்த்துக் கொள்ளும் போராட்டத் தில் ஈடுபடப் போவதாகவும் அறிவித்தனர். இதையடுத்து ஆட்சியர் அலுவலகத்தில் பாது காப்புப் பணியில் ஈடுபட்டிருந்த போலிசார் விவசாயிகளைக் கைது செய்ய முயன்ற போது, இரு தரப்புக்கும் இடையே கடும் வாக்குவாதமும் தள்ளுமுள்ளும் ஏற்பட்டது. இதையடுத்து 275 பேர் கைது செய்யப்பட்டனர். படம்: தமிழக தகவல் ஊடகம்

குமாரசாமி: எம்எல்ஏக்களை விலைக்கு வாங்க பாஜக முயற்சி

படம்: ஏஎன்ஐ

பெங்களூரு: கர்நாடக மாநிலத்தில் ஆட்சி அமைக்க வேண்டும் என்ற நோக்கில், ஜேடிஎஸ் சட்டமன்ற உறுப்பினர்களை தங்கள் வசம் இழுப்பதற்கு தலைக்கு நூறு கோடி ரூபாயும் அமைச்சர் பதவியும் தருவதாக ஆசை வார்த்தை கூறி பாஜக வலைவிரிக்கிறது என்று மதச்சார்பற்ற ஜனதா தளக் கட்சித் தலைவர் குமாரசாமி குற்றம் சாட்டியுள்ளார். சட்டமன்றத் தேர் தலில் 104 இடங்களில் வென்ற பாஜக ஆட்சி அமைக்க இன்னும் 8 எம்எல்ஏக்கள் இருந்தால் போது மானது.

கோவை விமான நிலையத்தில் 5 கிலோ கடத்தல் தங்கம் பறிமுதல்

கோவை: இரு வேறு விமானங்களில் வந்த பயணிகளிடமி ருந்து 5 கிலோ கடத்தல் தங்கம் பறிமுதல் செய்யப்பட்டதால் கோவை விமான நிலையத்தில் பரபரப்பு நிலவியது. நேற்று முன்தினம் சார்ஜாவில் இருந்து வந்த விமானத்தில் பயணம் செய்த உனைஸ் என்ற இளையரின் உடைமைகளைச் சோதனை யிட்டபோது, சுமார் 3 கிலோ எடையுள்ள 52 தங்கக் கட்டிகளை அவர் மறைத்து எடுத்து வந்தது கண்டுபிடிக்கப்பட்டது. இதே போல் இலங்கையிலிருந்து கோவை வந்த விமானத்தில் பய ணம் மேற்கொண்ட 7 பயணிகளிடமிருந்து 2040 கிராம் தங்கக் கட்டிகளை அதிகாரிகள் பறிமுதல் செய்தனர். பறிமுதல் செய்யப்பட்ட தங்கக் கட்டிகளின் மதிப்பு ரூ.1.5 கோடியாகும்.

‘மேலாண்மை வாரிய வரைவுத் திட்டத்தில் மாற்றங்கள் செய்க’

புதுடெல்லி: காவிரி நதிநீர் பங்கீட்டு அமைப்புக்கு காவிரி மேலாண்மை வாரியம் எனப் பெயர் வைக்க மத்திய அரசு ஒப்புக் கொண்டுள்ளது. நேற்று காவிரி வழக்கை விசாரித்த உச்ச நீதிமன்றம், மேலாண்மை வாரியத்தின் தலை மையகம் டெல்லியில் தான் இருக்க வேண்டும் என உத்தர விட்டுள்ளது. காவிரி மேலாண்மை வாரியம் அமைப்பது தொடர்பாக மத்திய அரசு தாக்கல் செய்த வரைவுத் திட்டத்தின் நகல் தமிழகம், கர்நாடகா, புதுவை அரசுகளுக்கு வழங்கப்பட்டது. வரைவுத்திட்ட அறிக்கையில் நதி நீர் பங்கீடு தொடர்பாக முடிவு எடுப்பதற்கு ஒரு குழு அமைக்கப் படும் என குறிப்பிடப்பட்டுள்ளது.

உச்சநீதிமன்றம் செல்ல காங்கிரஸ் திட்டம்

பெங்களூர்: பாஜகவை ஆட்சி அமைக்க ஆளுநர் அழைப்பு விடுத்தால் அதனை எதிர்த்து உச்ச நீதிமன்றம் செல்ல கங்கிரஸ் முடிவு செய்துள்ளது. அதோடு, ஆளுநர் மாளிகை முன்பு போராட்டத்தில் ஈடுபட காங்கிரஸ் மற்றும் மஜத கட்சிகளைச் சேர்ந்த சட்டமன்ற, நாடாளுமன்ற உறுப்பினர்கள் முடிவு செய்துள்ளனர். தேர்தல் வாக்கு எண்ணப்பட்டு முடிவுகள் வெளியான நேரத்தில் இருந்த பரபரப்பைக் காட்டிலும் இப்போது அதிக பரபரப்பாக உள்ளதாக கூறப்படுகிறது.

Pages