You are here

இந்தியா

சென்னை வெள்ளம்: 12 பேர் மரணம், 50க்கு மேற்பட்ட விமானங்கள் தாமதம்

தொடர் மழையால் ஏற்பட்ட வெள்ளத்தில் சிக்கித் தவிக்கிறது சென்னை. கடந்த எட்டு நாட்களில் மழை, வெள்ளத்திற்கு 12 பேர் வரை பலியாகிவிட்டனர். நேற்று முன்தினம் மட்டும் சென்னையின் வெவ்வேறு பகுதிகளில் ஏழு பேர் மரணமடைந்தனர். இதற்கிடையே, கடும் மழையால் சாலைகளில் தண்ணீர் தேங்கி சென்னை முழுவதும் போக்கு வரத்து நெரிசல் ஏற்பட்டு வரு கிறது. அதன் காரணமாக விமானப் பயணிகளும் விமான ஊழியர்களும் நேரத்திற்கு விமான நிலையம் சென்று சேர இயல வில்லை.

சச்சின் பைலட்: இமாசலப்பிரதேசத்தில் மோடி ஜாலம் எடுபடாது

சிம்லா: இமாசலப்பிரதேச மாநிலத் தில் பாரதிய ஜனதா கட்சியும் காங்கிரஸ் கட்சியும் தீவிர பிர சாரத்தில் ஈடுபட்டு வருகின்றன. இந்த மாநிலத்தில் இம்மாதம் 9ஆம் தேதி தேர்தல் நடைபெறு கிறது. பாரதிய ஜனதா கட்சி சார்பில் பிரதமர் மோடி, தேசிய தலைவர் அமித்ஷா உட்பட மாநிலத் தலை வர்கள் தேர்தல் களத்தில் வாக்கு களைக் கைப்பற்றும் நடவடிக் கையில் ஈடுபட்டு வருகின்றனர். இதேபோல காங்கிரஸ் கட்சியின் துணைத் தலைவர் ராகுல் காந்தியும் அக்கட்சியைச் சேர்ந்தவர்களும் தீவிர பிரசாரத் தில் ஈடுபட்டு வருகின்றனர்.

தங்க நகைகளுக்கு ‘ஹால்மார்க்’ முத்திரை கட்டாயமாகும்

புதுடெல்லி: கடைகளில் விற்கப் படும் தங்க நகைகளின் தரத்தை உறுதிப்படுத்துவதற்காக ‘ஹால் மார்க்’ முத்திரை இடம்பெறுவது விரைவில் கட்டாயமாக்கப்படவுள் ளது. இது குறித்து இந்திய அரசு அறிவிப்பை வெளியிடும் என்று எதிர்பார்க்கப்படுகிறது. லோக் ஜனசக்தியைச் சேர்ந்த மத்திய உணவு, நுகர்வோர் விவ காரத் துறை அமைச்சர் ராம் விலாஸ் பஸ்வான், “மக்கள் வாங்கும் தங்கத்தின் தரத்தை உறுதி செய்வது குறித்து அரசு ஆலோசித்து வருகிறது,” என்றார். “நகைக் கடைகளில் விற்கப் படும் தங்க நகைகளின் தரம் குறித்து வாடிக்கையாளர்கள் அறிந்துகொள்வது அவசியம்.

தேங்கிய நீரில் நாற்று நட்டுப் போராடிய பெண்கள்

விருத்தாசலம்: கடலூர் மாவட்டம் விருத்தாசலம் அருகே வண்ணான் குடிகாடு என்ற கிராமத்தில் புதிய காலனி பகுதியில் வசித்து வரும் மக்கள், தேங்கிய நீரில் நாற்று நட்டு தங்களுடைய கோபத்தை வெளிப்படுத்தியுள்ளனர். கடந்த சில நாட்களாக விருத் தாசலம், அதனைச் சுற்றியுள்ள பகுதிகளில் பெய்த மழையில் அங்குள்ள வீடுகள் முன்பும் குடி யிருப்புப் பகுதிகள் முன்பும் மழைநீர் குளம் போல் தேங்கியது. இதனால் வீட்டிலிருந்து வெளி யே வர முடியாத மக்கள் பெரும் அவதிக்கு உள்ளாயினர். இதே பகுதியில் தண்ணீர் தேங்கியதால் கொசு உற்பத்தியாகி நோய் பரவும் அபாயமும் ஏற்பட்டுள்ளது.

கடலில் கலந்ததால் மழை நீர் வீணானது

சென்னை: சென்னையில் தண்ணீர் பற்றாக்குறை நிலவும் வேளையில் இரண்டு நாட்களாக பெய்த மழை நீரும் கடலில் கலந்து வீணானது. கூவம், அடையாறு ஆறுகள் ஆகியவற்றின் வழியாக கடந்த இரண்டு தினங்களில் 3.75 டிஎம்சி அளவுக்குக் கடலில் மழை நீர் கலந்து வீணாகியது. அதே சமயத்தில் சென்னைக்குக் குடிநீர் வழங்கும் ஏரிகளில் 20 விழுக்காடு கூடத் தண்ணீர் நிரம்ப வில்லை. இதற்கு தமிழக அரசு போதிய அடிப்படை வசதிகள் செய்யாததே காரணம் என்று கூறப்படுகிறது. கடந்த 26ஆம் தேதி தமிழகத் தில் வடகிழக்குப் பருவமழை துவங்கியது.

அரசுக்கு நீதிமன்றம் கண்டனம்

சென்னை: அரசு நிர்வாகத்தை உயர் நீதிமன்றம் ஏற்று நடத்த முடியாது என்று தலைமை நீதிபதி இந்திரா பானர்ஜி வழக்கு ஒன்றில் கோபத்துடன் கூறியுள்ளார். மழை வெள்ள பாதிப்புகளைத் தடுக்க அரசு எடுத்துள்ள நட வடிக்கைகள் போதாது என்ற அவர், நீர் நிலைகளில் உள்ள ஆக்கிரமிப்புகளை அகற்றவும் தமிழக அரசுக்கு உத்தரவிட்டுள் ளார். “வெள்ள பாதிப்புகளைத் தடுக்கக் குறுகிய மற்றும் நீண்ட காலத் திட்டங்களை முறையாக வகுத்து செயல்படுத்த அவர் அறி வுறுத்தியுள்ளார். சென்னையில் பல இடங்கள் நீரில் மூழ்கியுள்ளதையும் தலைமை நீதிபதி சுட்டிக்காட்டினார்.

ஈவிகேஎஸ்: மோடியின் காலில் விழுந்தால் இரட்டை இலை

பழநி: தமிழக காங்கிரசின் முன்னாள் தலைவர் ஈவிகேஎஸ் “பிரதமர் மோடியின் காலில் யார் அதிக நேரம் விழுந்து கிடக்கிறார்களோ அவர்களுக்குத்தான் இரட்டை இலைச் சின்னம் கிடைக்கும்,” என்று தெரிவித்துள்ளார். பழநியில் செய்தியாளர்களிடம் பேசிய அவர், தமிழக அமைச்சர்கள் பேசுவது ஒன்றுக்கு ஒன்று சம்பந்தம் இல்லாமல் உள்ளது. திண்டுக்கல் சீனிவாசன் கொசுவை ஒழிக்க டெல்லியில் இருந்து மருத்துவர்களை அழைத்துள் ளதாகக் கூறுகிறார். கொசுவை ஒழிப்பது டாக்டர் வேலை இல்லை. ஒருநாள் மழைக்கே சென்னை மிதக்கிறது.

திருவரங்கக் கோயிலுக்கு யுனெஸ்கோ விருது

திருவரங்கம்

திருவரங்கம்: திருவரங்கம் ஸ்ரீ ரெங்கநாதர் கோயிலுக்கு (படம்) யுனெஸ்கோ விருது அறி விக்கப்பட்டுள்ளதை ஒட்டி திருவரங்கம் கோயில் ஊழியர் களும் பொதுமக்களும் நேற்று மாலை கோயில் வாசலில் பட்டாசு வெடித்தும் இனிப்பு வழங்கியும் கொண்டாடினர். பூலோக வைகுண்டம் என்ற சிறப்பு பெற்றதும் 108 வைணவ திருத்தலங்களில் முதன்மை யானதுமான ரெங்கநாதர் கோயில், ஆன்மீகம், சுற்றுலா, புராதன முக்கியத்துவம் வாய்ந்தது. 7 பிரகாரங்கள், 21 கோபுரங்கள், 54 சன்னதிகள் கொண்ட பிரம்மாண்டமான இக்கோயில் பல ஏக்கர் பரப்பளவில் அமைந்துள்ளது.

26 பேர் மரணம்; பலர் காயம்

உத்திரப் பிரதேசத்தின் ரேப ரேலி நகரில் உள்ள அனல்மின் ஆலையில் கொதிகலன் ஒன்று வெடித்ததில் குறைந்தது 26 பேர் உடல் கருகி உயிரிழந்தனர். நேற்று முன்தினம் நடை பெற்ற இந்தச் சம்பவத்தில் 60க்கும் மேற்பட்டோர் படுகாய முற்றனர். இந்த அனல்மின் ஆலை இந்தியாவின் தேசிய அனல்மின் கழகத்துக்குச் சொந்தமானது. வெடித்த கொள்கலன் ஆறு மாதங்களுக்கு முன்புதான் ஆலையில் பொருத்தப்பட்ட தாகத் தகவல்கள் வெளியாகி உள்ளன. கொள்கலன் வெடித்தபோது அதன் அருகில் இருந்த ஊழியர்கள் பல கிலோ மீட்டர் உயரத்துக்குத் தூக்கி அடிக்கப் பட்டதாக ‘தி இந்தியன் எக்ஸ்பிரஸ்’ நாளிதழ் குறிப் பிட்டது.

வடகிழக்கு பருவமழை தீவிரம், ஐவர் மரணம்; தமிழ்நாட்டில் 2015 திரும்புமோ என அச்சம்

தமிழ்நாட்டில் வடகிழக்குப் பருவமழை தொடர்கிறது. பள்ளிக்கூடங்கள் பல மாவட் டங்களில் நேற்றும் மூடியிருந் தன. அடுத்த 48 மணி நேரத் திற்கு பேய்மழை தொடரும் என்று வானிலை மையம் செவ்வாய்க்கிழமை அறிவிப்பு விடுத்ததையடுத்து மாநில மக் களிடையே, குறிப்பாக தலை நகர் சென்னை மக்களிடையே பெரும் அச்சம் நிலவுகிறது. கடந்த 2015ஆம் ஆண்டு ஏற்பட்ட வெள்ளத்தைப் போன்ற நிலைமை சென்னைக்கு வந்து விடக்கூடும் என்று பலரும் கவலையோடு இருப்பதைக் காண முடிந்தது. சென்னையை மூழ்கடித்த 2015 வெள்ளத்தில் மாநிலத்தில் மொத்தம் 150 பேர் மரணமடைந்தனர்.

Pages