You are here

இந்தியா

காவிரி மேலாண்மை வாரிய வழக்கு: உச்ச நீதிமன்றத்தில் விசாரணை

புதுடெல்லி: காவிரி மேலாண்மை வாரியம் அமைப்பது தொடர்பான வரைவுத் திட்டத்தை மத்திய அரசு உச்ச நீதிமன்றத்தில் தாக்கல் செய்துள்ளது. சீலிடப்பட்ட உரை ஒன்றில் வைத்து மத்திய அரசு வரைவுத் திட்டத்தை உச்ச நீதிமன்றத்திடம் அளித்தது. இந்த வரைவுத் திட்டமானது உச்ச நீதிமன்ற நீதிபதியின் பார் வைக்கு மட்டுமே வழங்கப்பட்டுள்ள தாக தகவல்கள் தெரிவிக்கின்றன. இதையடுத்து காவிரி நதிநீர் பங்கீடு தொடர்பான வழக்கு விசா ரணை நாளை நடைபெறும் என நீதிபதிகள் அறிவித்தனர்.

தலைகீழாகக் கவிழ்ந்த வேன்: 6 பேர் பலி; 16 பேர் படுகாயம்

விருதுநகர்: நெடுஞ்சாலையில் வேன் தலைகீழாகக் கவிழ்ந்த விபத்தில் 4 பெண்கள் உட்பட 6 பேர் சம்பவ இடத்திலேயே உயிரி ழந்தனர். இந்த விபத்தில் 16 பேர் படுகாயமடைந்தனர். நேற்று முன்தினம் சாத்தூர் அருகே இந்த விபத்து நிகழ்ந்தது. மா தா ங் கோ வி ல் ப ட் டி கிராமத்தைச் சேர்ந்த சிலர் ஒரு வேனில் சாத்தூர் அருகே உள்ள இருக்கன்குடி மாரியம்மன் கோவிலுக்குச் சென்றிருந்தனர். சாமி தரிசனம் செய்த பின்னர் அனைவரும் ஊர் திரும்பிக் கொண்டிருந்தனர்.

சபாநாயகர் பங்கேற்ற நிகழ்ச்சி: உள்ளே புகுந்த ஆறடி நீள பாம்பு

கரூர்: மக்களவை துணை சபாநாயகர் தம்பிதுரை பங்கேற்ற ஒரு நிகழ்ச்சியில் திடீரென ஆறு அடி நீள பாம்பு ஒன்று புகுந்தது. இதனால் நிகழ்வரங்கில் கூடியிருந்த பொது மக்கள் அலறியடித்து ஓட்டம் பிடித்தனர். நேற்று முன்தினம் கரூரில் நடைபெற்ற, பொது மக்களிடம் நேரடியாக மனுக்களைப் பெறும் நிகழ்ச்சியில் அமைச்சர் விஜயபாஸ்கருடன் கலந்து கொண்டார் தம்பிதுரை. நிகழ்ச்சி தொடங்க இருந்த போது அந்த அரங்குக்குள் திடீரென 6 அடி நீளமுள்ள பாம்பு புகுந்தது. இதையடுத்து அதிகாரிகளும் பொது மக்களும் பீதியில் ஆழ்ந்தனர். இது குறித்து தீயணைப்புத்துறைக்கு தகவல் தெரிவிக்கப்பட்டது.

விவசாயத்தை ஒழித்துவிட்டு விமானம் விடுவதா: சீமான்

நாம் தமிழர் இயக்கத்தின் தலைமை ஒருங்கிணைப்பாளர் சீமான்

சேலம்: நூறு நாள் வேலைத் திட்டம் என்ற பெயரில் விவசா யத்தை ஒழித்துவிட்டதாக நாம் தமிழர் இயக்கத்தின் தலைமை ஒருங்கிணைப்பாளர் சீமான் சாடியுள்ளார். விவசாயத்திற்கு ஆள் கிடைக்காமல் விளை நிலங்களை விற்றுவிடும் நிலை உள்ளதாக சேலத்தில் நடைபெற்ற பொதுக் கூட்டத்தில் பேசியபோது அவர் கவலை தெரிவித்தார். “விவசாயிகள் உயிரை மா ய் த் து க் கொ ள் கி றா ர் க ள் எனில், அது நாமெல்லாம் சோறு இன்றிச் சாகப்போகிறோம் என்ப தற்கான எச்சரிக்கை என்பதை உணர வேண்டும்.

உலக நன்மைக்காக ஊரே திரண்ட விழா

உலக நன்மைக்காகவும் மழைபொழிய வேண்டியும் 2 ஆயிரத்திற்கு மேற்பட்ட மக்கள் 14 கிலோ மீட்டர் மலையைச் சுற்றி தீர்த்தக்குடம் எடுத்த சுவாரசியமான விழா ஈரோட்டில் நேற்று முன்தினம் நடைபெற்றது. சென்னிமலையில் மலைமேல் உள்ள சுப்பிரமணிய சுவாமி கோயிலில் நடைபெற்ற அக்னி நட்சத்திர விழாவுக்காக சப்த நதிகள் என்று சொல்லப்படும் கங்கை, யமுனை, சரஸ்வதி, சிந்து, கிருஷ்ணா, கோதாவரி, தாமிரபரணி ஆகிய நதிகளில் இருந்து தீர்த்தம் கொண்டு வரப்பட்டது. மேலும், சுற்றுப்புறத் திலுள்ள ஐம்பதுக்கும் மேற்பட்ட கிராமக் கோயில் கிணறுகளில் இருந்தும் குடங்களில் தீர்த்தம் எடுத்து வந்தனர். படம்: தமிழக ஊடகம்

நவாஸ் ஷெரீப்: மும்பை தாக்குதல் சம்பவத்துக்கு பாகிஸ்தானே காரணம்

முன்னாள் பிரதமர் நவாஸ் ஷெரீப்

இஸ்லாமாபாத்: மும்பையில் வெடி குண்டு தாக்குதலை நடத்தியது பாகிஸ்தானைச் சேர்ந்த பயங் கரவாதிகள்தான் என அந்நாட்டு முன்னாள் பிரதமர் நவாஸ் ஷெரீப் ஒப்புக்கொண்டுள்ளார். கடந்த 2008ஆம் ஆண்டு நவம்பர் 26ஆம் தேதி மும்பைக்குள் ஊடுருவிய 10 பயங்கரவாதிகள் கண்மூடித்தனமாக துப்பாக்கியால் சுட்டுத் தாக்குதல் நடத்தினர். இந்தத் தாக்குதலில் வெளிநாட்டுப் பயணிகள் உட்பட 166 பேர் உயிரிழந்தனர். பாகிஸ்தானைச் சேர்ந்த லஷ்கர் இ-தொய்பா பயங்கரவாத அமைப்பு தான் இந்தத் தாக்குதலுக்குக் காரணம் என்றும் இதற்கு ஜமாத் உத்-தவா தலைவர் ஹபீஸ் சயீது மூளையாகச் செயல்பட்டார் என்றும் தெரியவந்தது.

இயக்குநர் பாரதிராஜா மீது கொலை மிரட்டல் வழக்குப் பதிவு

சென்னை: திரைப்பட இயக்குநர் பாரதிராஜா, இறக்குமதி செய்யப்பட்ட கடவுள் விநாயகர் என பேசியதாக காவல் துறையில் இந்து மக்கள் முன்னணி சார்பில் புகார் அளிக்கப்பட்டுள்ளது. கடந்த ஜனவரி மாதம் 18ஆம் தேதி சென்னையில் நடைபெற்ற திரைப்பட விழாவில் பாரதிராஜா கலந்துகொண்டார். அப்போது, ஆண்டாள் குறித்து சர்ச்சைக்குரிய கருத்து தெரிவித்த கவிஞர் வைரமுத்துவிற்கு ஆதரவாக அவர் பேசியதாகவும் ஆயுதம் எடுப்போம் என குறிப்பிட்டதாகவும் இந்து முன்னணியினர் அளித்த புகாரில் கூறப்பட்டுள்ளது.

3 லட்சம் புதிய மின் இணைப்புகள்

நாமக்கல்: தமிழகத்தில் ஒரே நாளில் மின் இணைப்பு அளிக்கும் திட்டத்தின்கீழ் கடந்த 2017 ஜூலையில் தொடங்கி, இதுவரை 3 லட்சம் இணைப்புகள் வழங்கப்பட்டுள்ளதாக மின்துறை அமைச்சர் தங்கமணி தெரிவித்துள்ளார். தமிழகத்தில் இனி கோடை காலம் மட்டுமின்றி எந்தக் காலத்திலும் மின்வெட்டு இருக்காது என்று நாமக்கல்லில் செய்தியாளர்களிடம் பேசுகையில் அவர் குறிப்பிட்டார்.

கத்தி முனையில் கடத்தப்பட்ட கல்லூரி மாணவி: இருவர் கைது

சென்னை: கல்லூரி மாணவி ஒருவரை கத்தியைக் காண்பித்து மிரட்டி ஆட்டோ ஓட்டுநரும் அவ ரது நண்பரும் கடத்திச் சென்றது சென்னையில் பெரும் பரபரப்பை ஏற்படுத்தியது. திருச்சியைச் சேர்ந்த தேவரா ஜின் மகள் கீதா (20 வயது) சென்னையில் உள்ள பொறியியல் கல்லூரியில் படித்து வருகிறார். கடந்த 7ஆம் தேதி மாலை ஷேர் ஆட்டோ ஒன்றில் அவர் பயணம் செய்தார். சிறிது தூரம் சென்றதும் மற்ற பயணிகள் இறங்கிவிடவே கீதா வும் இன்னொரு இளைஞரும் மட்டுமே ஆட்டோவில் இருந்தனர். இந்நிலையில், வழக்கமான பாதையில் செல்லாமல் அந்த ஆட்டோ வேறு திசையில் சென்ற தால் கீதாவுக்கு சந்தேகம் ஏற்பட் டது.

பெற்றோரைப் பராமரிக்காத வாரிசுகளுக்கு 6 மாத சிறை

புதுடெல்லி: குழந்தைகளைப் பெற்று வளர்த்து அவர்களை ஒரு நல்ல நிலையில் அமரச் செய்யும்வரை நாங்கள் படும் பாடு சொல்லி மாளாது என்பர் பல பெற்றோர். இப்படி பாடுபட்ட பெற்றோரை வயதான காலத்தில் பராமரிக்காமல் கைவிடும் அல் லது கொடுமைப்படுத்தும் வாரிசு களுக்கு 6 மாத சிறைத் தண் டனை விதிக்க திட்டமிட்டுள்ளது மத்திய அரசு. அண்மையில், 2018ஆம் ஆண்டிற்கான பெற்றோர் நலம், மூத்த குடிமக்கள் சட்டம் குறித்த மசோதாவை மத்திய சமூக நீதி, அதிகாரமளித்தல் துறைக்கான அமைச்சு தயாரித்துள்ளது.

Pages