You are here

திரைச்செய்தி

வெங்கட் பிரபுவின் ‘ஜருகண்டி’

வங்கியில் கடன் பெற்று, அதன் சுமை தாங்காமல் அவதிப்படும் இளையர் வேடத்தில் நடித்துள்ளார் ஜெய். படத்தின் பெயர் ‘ஜருகண்டி’. இது வேறொரு படத்துக்காக இயக்குநர் வெங்கட்பிரபு தேர்வு செய்து வைத்திருந்த தலைப்பாம். அவரிடம் உதவி இயக்குநராகப் பணியாற்றிய பிச்சுமணி, தனியாக ஒரு படத்தை இயக்குவது தெரிய வந்ததும், இந்தத் தலைப்பை தாமே முன்வந்து விட்டுத் தந்துள்ளார். ‘ஜருகண்டி’யை தயாரிப்பது நடிகர் நிதின் சத்யா. சொந்தப் படத்தில் தனது நண்பரையே நாயகனாக்கி உள்ளார்.

ஜூலை 13ல் வெளியாகும் ‘தொட்ரா’

மதுராஜ் இயக்கியுள்ள படம் ‘தொட்ரா’. நடிகர் பாண்டியராஜனின் மகன் பிருத்விராஜன் கதாநாயகனாக நடிக்க, கேரளாவைச் சேர்ந்த வீணா கதாநாயகியாக நடித்துள்ளார். உத்தமராஜா இசையமைக்க, செந்தில்குமார் ஒளிப்பதிவு செய்துள்ளார். “ஒரு தாயைப் போல சினிமாவை நேசித்ததால்தான் என்னால் இவ்வளவு வேகமாக, ஒரு தரமான படத்தை எடுக்க முடிந்தது. கட்டப் பஞ்சாயத்துகள் காரணமாக அதிகம் பாதிக்கப்படுவது காதலர்கள்தான் என்பதை அழுத்தமாக பதிவு செய்துள்ளோம்,” என்கிறார் மதுராஜ்.

வாழ்க்கை மாறவில்லை - பிரியா

‘கடைக்குட்டி சிங்கம்’ படத்தின் வெளி யீட்டை ஆவலுடன் எதிர்நோக்கி உள்ளார் பிரியா பவானி சங்கர். படத்தில் இவரது பெயர் பூங்குழலி செல்லம்மா. அழகான தமிழ்ப் பெயரைக் கொடுத்த இயக்குநருக்கு நன்றி தெரிவிப்பதாகக் குறிப்பிடும் பிரியாவுக்கு இதில் நாயகன் கார்த்தியின் மாமன் மகள் வேடம். படம் முழுவதும் “மாமா...மாமா...” என்று கார்த்தியை சுற்றிச் சுற்றி வருவாராம். சின்னத் திரையில் இருந்து சினிமாவில் கால் பதித்ததால் தனது வாழ்க்கை அடி யோடு மாறிவிட்டதாக நினைக்கவேண்டாம் என்று சிரித்தபடியே சொல்பவர், தொலைக் காட்சி தொடர்களில் நடித்தபோது குடி யிருந்த அதே வீட்டில்தான் இப்போதும் வசிப்பதாகச் சொல்கிறார்.

ஜோதிகா: நான் கண்டிப்பான தாய்

ஜோதிகா

தாம் ஒரு கண்டிப்பான தாயாக நடந்து கொள்வதாகக் கூறுகிறார் ஜோதிகா. அதேசமயம் குழந்தைகளைக் கவனித்துக் கொள்வதில் தம்மைவிட, கணவர் சூர்யாதான் சிறந்தவர் என்றும் பாராட்டுகிறார். “பெண்களுக்கு முக்கியத்துவ ம் தரக்கூடிய, நன்கு தாக்கத்தை ஏற்படுத்தக் கூடிய கதைகளாக இருந்தால் மட்டுமே நடிக்க வேண்டும் என்பதில் உறுதியாக இருக்கிறேன். என் குழந்தைகளை வீட்டில் விட்டுவிட்டு வந்து நடிக்கிறேன். அந்த அளவுக்கு முக்கியத்துவம் உள்ள கதையாகவும் கதாபாத்திரமாகவும் இருக்கவேண்டும் என எதிர்பார்ப்பதில் தவறில்லை. “குழந்தைகளைக் கவனிப்பதில் என் கணவரே சிறந்தவர். ஏனெனில் அவர்கள் என்ன விரும்புகிறார்களோ, அதைச் செய்ய விடுவார்.

சீனாவில் ரசிகர்களைக் கவர்ந்த இயக்குநர் ராமின் ‘பேரன்பு’

‘பேரன்பு’ திரைப்படம் 21ஆவது ஷங்காய் அனைத்துலக திரைப்பட விழாவில் ஆசியாவின் முதல் பிரத்யேக காட்சி கடந்த 16ஆம் தேதி திரையிடப்பட்டது. ஷங்காய் ஹாங்கௌ ஜின்யி சினிமா அரங்கில் நடைபெற்ற முதல் காட்சியின்போது சீன பார்வையாளர்களால் அரங்கு நிறைந்தது. திரைப்படம் முடிந்த பின் அனைத்து பார்வையாளர்களும் எழுந்து நின்று தங்கள் பாராட்டுக்களை தெரிவித்தனர்.

என் கனவு நனவானது - பிரசன்னா

தனது 15 ஆண்டு கால கனவு நனவாகி இருப்பதாகச் சொல்கிறார் நடிகர் பிரசன்னா. ஹைதராபாத்தில் நடந்த ஃபிலிம் பேர் விருது வழங்கும் நிகழ்வில் இவருக்குச் சிறந்த துணை நடிகருக்கான விருது கிடைத்துள்ளது. இதனால் மிகுந்த மகிழ்ச்சியில் இருப்பதாகச் சொல்கிறார் பிரசன்னா. இந்த விருது நிகழ்வில் மனைவி சினேகாவுடன் அவர் கலந்து கொண்டார். தனக்கு விருது கிடைத்ததை இன்னும்கூட நம்பமுடியவில்லை என்று பிரசன்னா கூறுவதைக் கேட்கும்போது அவரது உற்சாக மனநிலையை நம்மால் புரிந்து கொள்ள முடிகிறது.

ரஜினிக்கு ஈடாக விஜய்: வியூகம் வகுக்கிறது திமுக

தமிழ்நாட்டு அரசியலில் பரபரப் பான திருப்பங்கள் ஏற்பட்டு வரும் சூழலில் முக்கிய எதிர்க்கட்சி யான திமுக மாநிலத்தில் செல் வாக்குமிக்க நடிகர் யாரையாவது தன் பக்கம் ஈர்க்கவேண்டும் என்ற கட்டாயத்திற்கு ஆளாகியிருப்ப தாகத் தெரிகிறது. பிரபல நடிகர்களான கமல் ஹாசன், ரஜினிகாந்த் இருவரும் அரசியல் பக்கம் தங்கள் பார்வை யைத் திருப்பியிருக்கும் நிலையில், இவர்களின் தாக்கத்தைச் சமாளிக் கும் முயற்சியாக நடிகர் விஜய்யை தன் பக்கம் இழுக்க திமுக வியூ கம் வகுப்பதாக அந்தக் கட்சி யினர் தெரிவிக்கிறார்கள்.

‘டிக் டிக் டிக்’

ஜெயம் ரவி நடிப்பில் அடுத்து வெளியாக இருக்கிறது ‘டிக் டிக் டிக்’. இதில் அவரது ஜோடியாக நிவேதா பெத்துராஜ் நடித்துள்ளார். இது முழுக்க முழுக்க விண்வெளியை மையப்படுத்தி உருவாகியுள்ள படம். சிங்கப்பூரைச் சேர்ந்த ஆரோன் ஆசிஸ் வில்லனாக நடிக்க, ஜெயபிரகாஷ், ரமேஷ் திலக், வின்சன்ட் அசோகன், ஜெயம் ரவியின் மகன் ஆரவ் உள்ளிட்டோர் முக்கிய கதாபாத்திரங்களை ஏற்றுள்ளனர். எதிர்வரும் 22ஆம் தேதி வெளியாகவுள்ள இப்படத்தை சக்தி சவுந்தரராஜன் இயக்கியுள்ளார். இது இசையமைப்பாளர் இமான் இசையில் வெளியாகும் 100வது படமாம். இதில் யுவன் சங்கர் ராஜா ஒரு பாடலைப் பாடியுள்ளார்.

அனிருத்: நான் வைபவ், வெங்கட் பிரபு, சிவாவின் விசிறி

வைபவ், சானா அல்தாப்.

‘மேயாத மான்’ படத்தைப் பத்து முறைக்கு மேல் பார்த்துவிட்டாராம் இசையமைப்பாளர் அனிருத். அந்தப் படத்தில் நாயகன் வைபவ் நடிப்பு தம்மை வெகுவாகக் கவர்ந்தி ருப்பதாகக் கூறியுள்ளார். வெங்கட் பிரபு தயாரிப்பில் உருவாகி உள்ளது ‘ஆர்.கே. நகர்’. இப்படத்தின் முன்னோட்ட வெளியீட்டு விழாவில் தான் மேற்கண்டவாறு குறிப்பிட்டார் அனிருத். இதில் வைபவ், சானா அல்தாப் ஜோடி சேர்ந்து நடித்துள்ளனர். வில்ல னாக சம்பத் நடிக்க, பிரேம்ஜி இசை யமைத்துள்ளார்.

சிம்பு இசைக்காக காத்திருக்கும் ஓவியா

 ஓவியா

‘ஓவியா நடித்துள்ள படங்களுக்கு விநியோகஸ்தர்கள் மத்தியில் நல்ல வரவேற்பு கிடைத்து வருகிறது. இந்நிலையில் அவர் முக்கிய கதாபாத்திரத்தில் நடிக்கும் ‘90 எம்.எல்.’ ரசிகர்களிடம் எதிர்பார்ப்பை ஏற்படுத்தி உள்ளது. இப்படத்தை அனிதா உத்தீப் இயக்கி உள்ளார். நகைச்சுவைக்கு முக்கியத்துவம் அளித்து உருவாகியுள்ள இப்படத்தின் படப்பிடிப்பு இறுதிக்கட்டத்தை எட்டியுள்ளதாம். சிம்பு இசையமைக்கிறார். ‘சக்கபோடு போடு ராஜா’வுக்குப் பிறகு அவர் இசையமைக்கும் படம் இது. விரைவில் பின்னணி இசைப்பணிகளைத் துவங்க உள்ளாராம்.

Pages