You are here

திரைச்செய்தி

விஜய் சேதுபதி மீது தயாரிப்பாளர்கள் கோபம்

தமிழ்த் திரையுலகத்தில் கடந்த இரண்டு வாரங்களாக யாரும் படப்பிடிப்பு, அதன் தொடர்பான எந்தப் பணிகளையும் நடத்தக் கூடாதென தயாரிப்பாளர் சங்கம் தெரிவித்திருந்தது. ஆனால் அதையும் மீறி விஜய் சேதுபதி நாயகனாக நடிக்கும் ‘ஜுங்கா’ படத்தின் படப்பிடிப்பை நடத்த படக்குழுவினர் வெளிநாடு சென்றார்கள். அவர்கள் வெளிநாடு சென்ற தற்கு மற்றத் தயாரிப்பாளர்கள் எதிர்ப்பைத் தெரிவித்தார்கள். அவர்கள் மீது தயாரிப்பாளர் சங்கம் கடும் நடவடிக்கை எடுக்கவேண்டும் என்றும் கோரிக்கை வைத்தது. ஆனால் தயாரிப்பாளர் சங்கம் அதுபற்றி இதுவரை எந்த நடவடிக்கையும் எடுக்கவில்லை.

ஆர்யாவின் படப்பிடிப்பிற்கு எதிர்ப்பு

நடிகர் ஆர்யா தனது திருமணத்துக்காக தொலைக்காட்சி மூலம் மணப்பெண்ணைத் தேர்வு செய்யும் முயற்சியில் ஈடுபட்டு உள்ளார். நூற்றுக்கணக்கான பெண்களிடம் இருந்து ஆர்யாவை மணக்க விண்ணப்பங்கள் வந்தன. அவர்களில் 16 பேரைத் தேர்வு செய்து பழகி ஒருவரை மணப்பெண்ணாகத் தேர்வு செய்ய இருக்கிறார். இந்த நிகழ்ச்சி தொலைக்காட்சியில் ஒளிபரப்பப்பட்டு வருகிறது. இது கலாசாரத்துக்கு எதிராக இருப்பதாக பெ ண் க ள் அ மை ப் பி ன ர் கண்டித்துள்ளனர்.

‘மக்கள் அன்பன்’

உதயநிதி ஸ்டாலினுக்கு ‘மக்கள் அன்பன்’ என்ற பட்டத்தைக் கொடுத்துள்ளார் இயக்குநர் சீனு ராமசாமி. உதயநிதி ஸ்டாலின் நடிப்பில் உருவாகிவரும் படம் ‘கண்ணே கலைமானே’. சீனு ராமசாமி இயக்கியுள்ள இந்தப் படத்தில் தமன்னா கதாநாயகியாக நடித்துள்ளார். மதுரை, வாடிப்பட்டியைப் பின்னணியாகக்கொண்டு இந்தப் படம் எடுக்கப்பட்டுள்ளது. வைரமுத்து பாடல்கள் எழுத, யுவன் சங்கர் ராஜா இசையமைத்துள்ளார்.

காத்துக்கிடப்பதாகச் சொல்லும் ரகுல்

தனது நீண்ட நாள் கனவு நிறைவேறிய பூரிப்பில் இருக்கிறார் ரகுல் பிரீத் சிங். வேறொன்றுமில்லை... ஏ.ஆர்.ரகுமான் இசையமைக்கும் படத்தில் நடிக்க வேண்டும் என்பது தான் அந்தக் கனவாம். தமிழிலும் தெலுங்கிலும் முன்னிலை நடிகையாக வலம் வருகிறார் ரகுல். தற்போது சூர்யா, கார்த்தி, சிவகார்த்திகேயனுடன் நடித்துக் கொண்டிருக்கிறார். இந்நிலையில் புதுப் படம் ஒன்றில் சிவகார்த்திகேயனுடன் ஜோடி சேர்ந்துள்ளார் அம்மணி. இப்படத்துக்கு ரகுமான் இசையமைக்கிறார். “ரகுமான் சார் இசையை எப்போதும் ரசித்துக் கேட்பேன். அவர் இசையமைக்கிறார் என்றால் எந்தப் படத்திலும் நடிக்க நான் தயார்.

சிவாவுக்கு ஜோடியாகும் சாய் பல்லவி

சிவகார்த்திகேயனின் அடுத்த படத்தில் கதாநாயகியாக நடிக்கக் கேட்டு படக்குழுவினர் சாய் பல்லவியை அணுகி உள்ளதாகத் தகவல். தற்போது தமிழில் ஏ.எல்.விஜய் இயக்கத்தில் ‘கரு’ படத்தில் நடித்து முடித்துள்ளார் சாய் பல்லவி. தமிழில் அடுத்து செல்வராகவன் இயக்கும் ‘என்.பி.கே.’ படத்தில் சூர்யாவுக்கு ஜோடியாகி உள்ளார். இந்நிலையில் சிவகார்த்தி கேயனை வைத்து எம்.ராஜேஷ் இயக்கும் புதுப் படத்துக்கான முதற்கட்டப் பணிகள் முழு வீச்சில் நடைபெற்று வருகின்றன. இதில் சாய் பல்லவி நாயகியாக நடித்தால் பொருத்தமாக இருக்கும் என ராஜேஷ் கருத, சிவாவும் பச்சைக்கொடி காட்டிவிட்டாராம்.

‘நரகாசூரன்’ படத்துக்கு முளைத்த புதுச்சிக்கல்

‘நரகாசூரன்’ படத்தில் அரவிந்த்சாமி, ஸ்ரேயா.

இளம் இயக்குநர் கார்த்திக் நரேன் இயக்கத்தில் உருவாகி உள்ள ‘நரகாசூரன்’ திரைப்படம் குறித்த நேரத்தில் சிக்கலின்றி வெளியாகுமா எனும் சந்தேகம் எழுந்துள்ளது. இப்படத்தை இயக்குநர் கௌதம் மேனன் தயாரித்துள்ளார். இந்நிலையில் இருவருக்கும் இடையே கருத்து வேறுபாடு ஏற்பட்டிருப்பதாகத் தெரிகிறது.

ஸ்ரீதேவியை நினைத்து வருந்தும் ராணி

இந்தி நடிகை ராணி முகர்ஜி

நடிகை ஸ்ரீதேவியின் மறைவு தனக்கு தனிப்பட்ட வகையில் பெரும் இழப்பு என இந்தி நடிகை ராணி முகர்ஜி தெரிவித்துள்ளார். ஸ்ரீதேவியுடன் மிக நெருக்கமாகப் பழகும் வாய்ப்பு கிடைத்தது தமது அதிர்ஷ்டம் என்றும் பேட்டி ஒன்றில் அவர் குறிப்பிட்டுள்ளார். “ஸ்ரீதேவி எனக்கு மிகவும் நெருக்கமானவர். அவர் நடித்த ‘சாந்தினி’, ‘லம்ஹே’ படங்களைப் பார்த்து வளர்ந்தேன்.

‘காதலுக்கு மொழி தேவையில்லை’

ஹரிஷ், ரைசா.

‘பிக்பாஸ்’ நிகழ்ச்சியில் வெற்றி பெறாவிட்டாலும் அதில் பங்கேற்ற வகையில் பலரும் ஆதாயம் அடைந்துள்ளனர். அவர்களில் ஹரிஷ் கல்யாண், ரைசா கூடுதல் அதிர்ஷ்டம் உள்ளவர்கள். அந்நிகழ்ச்சி முடிந்தவுடனேயே சூட்டோடு சூடாக இருவரும் ஒரு திரைப்படத்தில் ஜோடியாக நடிக்க ஒப்பந்தமாகினர். ‘பியார் பிரேமா காதல்’ என்ற அப்படம் பல்வேறு எதிர்பார்ப்புகளை ஏற்படுத்தி உள்ளது. இளையர்களைக் கவரும் வகையில் இப்படத்தை உருவாக்கி இருக்கிறாராம் இயக்குநர் இலன்.

புதுப் படத்துக்காக விவசாய நுணுக்கங்களைக் கற்கும் கார்த்தி

பாண்டியராஜ் இயக்கத்தில் ‘கடைக்குட்டி சிங்கம்’ படத்தில் நடிக்க இருக்கிறார் கார்த்தி. இதில் விவசாயி வேடத்தில் நடிப்பதாகத் தகவல். இதையடுத்து விவசாய முறைகளை அறிந்துகொள்வதில் ஆர்வம் காட் டும் கார்த்தி, சில விவசாயிகளை நேரில் சந்தித்து அவர்களது வாழ்க்கை அனுபவங்களை விசாரித்து அறிவதுடன், விவசாயம் செய்வதற்கான நுணுக்கங்களைத் தெரிந்துகொண்டு, நேரடிப் பயிற்சியும் பெற்று வருகிறாராம். இப்படத்தில் கார்த்தியின் ஜோடியாக சாயிஷாவும் அவரது தந்தையாக சத்யராஜும் நடிக் கின்றனர். டி.இமான் இசையமைக்க, மற்றொரு நாயகியாக பிரியா பவானி சங்கர் ஒப்பந்தமாகியுள்ளார்.

அரசியல் ஆசையை நிறைவேற்ற பாடுபடும் கதாநாயகன்

அறிமுக இயக்குநர் எஸ்.பி.மோசஸ் முத்துப்பாண்டியின் இயக்கத்தில் முழு நீள நகைச்சுவை சரவெடியாக உரு வாகியுள்ளது ‘பதுங்கி பாயணும் தல’. அண்மையில் இதன் பாடல் வெளியீட்டு விழாவைத் தடபுடலாக நடத்திய மகிழ்ச்சியில் உள்ளார் இயக்குநர். நகைச்சுவைதான் இப்படத்தின் அடிநாதமாம். ‘வருத்தப்படாத வாலிபர் சங்கம்’, ‘ரஜினி முருகன்’ போன்று படம் முழுவதும் கலகலப்பான காட்சி களுக்குப் பஞ்சமிருக்காதாம். வேல. ராமமூர்த்தி முக்கிய கதாபாத்திரத்தில் தோன்றுகிறார்.

Pages