You are here

விளையாட்டு

ஹேரி கேன்: தொடர்ந்து சிறப்பாக விளையாடுவேன்

ஓர் ஆண்டில் அதிக கோல்களை போட்ட காற்பந்து வீரர் என்ற பெருமையைப் பெற்ற டோட்டன்ஹம் வீரர் ஹேரி கேன் (படம்) இனி வரும் நாட்களில் மேலும் சிறப்பாக விளையாடுவேன் என்று கூறியுள் ளார். சௌத்ஹேம்டன் குழுவிற்கு எதிராக டோட்டன்ஹம் 5=2 என்ற கோல் கணக்கில் வெற்றி பெற்றது. அவற்றில் மூன்று கோல்களுக்கு சொந்தக்காரர் ஹேரி கேன். இதன் மூலம் ஓர் ஆண்டு, பிரிமியர் லீக் போட்டிகளில் 39 கோல்களைப் போட்ட இவர், ஆலன் ‌ஷியரரின் சாதனையை முறியடித்துள்ளார்

லிவர்பூல் கோல் மழை

லிவர்பூல்: சுவான்சி குழுவை வீழ்த்திய லிவர்பூல் இங்கிலிஷ் பிரிமியர் லீக் காற்பந்துப் பட்டி யலில் நான்காவது இடத்தைத் தக்கவைத்துக் கொண்டுள்ளது. சாலா உதைத்த பந்தை கோல் வலைக்குள் போட்டு லிவர்பூலின் கோல் கணக்கை 6வது நிமிடத் தில் துவக்கி வைத்தார் பிலிப் கொட்டின்யோ. அதன் பிறகு சுவான்சி குழு வின் ஆதிக்கத்தால் லிவர்பூல் வீரர்களால் முதல் பாதி ஆட்டம் முழுவதும் கோல் எதுவும் போட முடியவில்லை. ஃபெர்மினோ உதைத்த பந்து கோல் கம்பத்தை இருமுறை உரசிச் சென்றதே தவிர, கோல் வலைக்குள் செல்லவில்லை. ஆனால் பிற்பாதி ஆட்டத்தின் தொடக்கத்திலேயே அதைச் சரிக் கட்டிவிட்டார் ஃபெர்மினோ.

வார்னர் சதம்; ஆஸ்திரேலியா நிதானம்

மெல்பர்ன்: ஆஷஸ் டெஸ்ட் கிரிக் கெட் தொடரின் நான்காவது போட்டியில் டேவிட் வார்னர் விளாசிய சதத்தால் ஆஸ்திரேலியா நல்ல நிலையில் உள்ளது. ஏற்கெனவே 3=0 எனத் தொடரை வென்று முன்னிலையில் உள்ள ஆஸ்திரேலியா நான்காவது போட்டியில் நிதான ஆட்டத்தை வெளிப்படுத்தி வருகிறது. பூவா தலையா வென்ற ஆஸ் திரேலிய அணித் தலைவர் ஸ்மித் பந்தடிப்பைத் தேர்வு செய்தார். ஆஸ்திரேலிய அணியில் ஸ்டார்க்கிற்குப் பதிலாக ஜாக்சன் பேர்டும் இங்கிலாந்து அணியில் ஓவர்ட்டனுக்குப் பதிலாக டாம் குர்ரனும் இடம்பிடித்தனர். ஆஸ்திரேலிய அணியின் பேன்கிராஃப்ட், டேவிட் வார்னர் ஆகியோர் தொடக்க வீரர்களாக களம் இறங்கினார்கள்.

சிட்டியிடமிருந்து தப்ப முயலும் நியூகாசல்

நியூகாசல்: இங்கிலிஷ் பிரிமியர் லீக் காற்பந்துப் பட்டியலில் முத லிடத்தில் இருக்கும் மான்செஸ்டர் சிட்டி குழுவும் ‘ரெலிகேஷன்’ நிலைக்குத் தள்ளப்படும் ஆபத்தில் உள்ள நியூகாசலும் இன்று மோது கின்றன. நடப்பு பருவத்தில் முன்னணி குழுக்களிடம் தோற்ற நியூகாசல், கடைசியாக தனது சொந்த மண் ணில் வெஸ்ட் ஹேம் குழுவை 3=2 என்ற கோல் கணக்கில் வீழ்த்தி வெற்றி பெற்றது. மாறாக, 17 போட்டிகளாக தொடர்ந்து வெற்றி பெற்று சாதனை படைத்துவரும் சிட்டி, கடைசியாக சாம்பியன்ஸ் லீக்கில் ஷக்தர் டோனட்ஸ்க் குழுவிடம் 1-2 எனத் தோற்றது.

டெல்டா லீக் காற்பந்து நிறைவு

படம்: சிங்கப்பூர் போலிஸ்

சிங்கப்பூர் போலிசும் தேசிய குற்றச்செயல் தடுப்பு மன்றமும் நேற்று முன்தினம் தேதி ஜாலான் புசார் விளையாட்டு அரங்கில் 14வது டெல்டா லீக் இறுதி காற்பந்துப் போட்டியை நடத்தின. உள்துறை, சுகாதார அமைச்சுக்கான நாடாளுமன்றச் செயலாளர் அம்ரின் அமின் சிறப்பு விருந்தினராகக் கலந்துகொண்டார். காற்பந்து விளையாட்டைப் பயன்படுத்தி இளையர்களை நல்ல வழியில் ஈடுபடுத்துவது இதன் இலக்கு. இதில் பல்வேறு வயதுப் பிரிவைச் சேர்ந்த 118 குழுக்கள் போட்டியிட்டன. அவற்றில் மொத்தம் 2,000க்கும் அதிக விளையாட்டாளர்கள் கலந்துகொண்டனர். டெல்டா லீக் சமூக தினம் சென்ற வெள்ளிக்கிழமை கொண்டாடப்பட்டது.

‘வாய்ப்பைத் தவறவிட்டதற்கு கிடைத்த தண்டனை’

படம்: ஏஎஃப்பி

லண்டன்: லெஸ்டர் குழுவிற்கு எதிரான பிரிமியர் லீக் காற்பந்து ஆட்டத்தில் வெல்ல முடியாமல் போனது மான்செஸ்டர் யுனைடெட் டிற்கு கிடைத்த தண்டனை என்று கூறியுள்ளார் அதன் நிர்வாகி மொரின்யோ. லெஸ்டரின் முதல் கோலுக்கு பதிலாக இரண்டு கோல்களைப் போட்டார் மேன்யூவின் மாட்டா. 40வது, 60வது நிமிடத்தில் அவர் அந்த கோல்களைப் போட்டார். இதனால் 2=1 என்ற கணக்கில் மேன்யூ முன்னிலையில் இருந்தது. ஆனால், ஆண்டனி மார்சி யலும் ஜெசி லிங்கார்டும் மேன்யூ வின் முன்னிலையை வலுப்படுத் தக்கூடிய கோல் போடும் இரண்டு வாய்ப்புகளைத் தவறவிட்டது தான் பெரும் பிழையாகிவிட்டது.

ஆஷஸ் கிரிக்கெட்: ஸ்டார்க் விலகல்

மெல்பர்ன்: ஆஷஸ் கிரிக்கெட் தொடரின் 4வது டெஸ்ட் நாளை தொடங்குகிறது. இதில் காயம் காரணமாக ஆஸ்திரேலிய வீரர் ஸ்டார்க் விளையாட மாட்டார் என்று பிபிசி செய்தி தெரிவிக்கிறது. அவருக்குப் பதிலாக ஜாக்சன் பர்ட் அணியில் சேர்க்கப்பட்டுள்ளார். ஏற்கெனவே தொடரை கைப்பற்றிய ஆஸ்திரேலிய அணிக்கு இத்தொடரில் 19 விக்கெட்டுகளைக் கைப்பற்றிய ஸ்டார்க் இல்லாதது பின்னடைவாக இருக்கும்.

பின்தங்கியது ரியால் மட்ரிட்

மட்ரிட்: பார்சிலோனா காற்பந்துக் குழுவிடம் தோற்றதால் ஸ்பானிய லா லீகா பட்டம் வெல்லும் வாய்ப்பை இழந்தது ரியால் மட்ரிட். முதல் பாதி ஆட்டத்தில் கரிம் பென்சிமா உதைத்த பந்து கோல் வலைக்குள் செல்லாமல் கம்பத்தை உரசிச் சென்றது. இதுதவிர கோல் போடும் இரண்டு பொன் னான வாய்ப்புகளை ரொனால்டோ தவறவிட்டுவிட்டார். இரு குழுக்களுமே முதல் பாதி ஆட்டத்தில் கோல் எதுவும் போடாத நிலையில், பிற்பாதி ஆட் டத்தின் 54வது நிமிடத்தில் சுவாரெஸ் முதல் கோலைப் போட 64வது நிமிடத்தில் கிடைத்த பெனால்டி வாய்ப்பை கோலாக் கினார் மெஸ்ஸி.

அதிர வைத்த ஆர்சனலுக்கு பதிலடி கொடுத்த லிவர்பூல்

லண்டன்: பிரிமியர் லீக் காற்பந்துப் போட்டியில் கோல் மழை பொழிந்து அதிர வைத்த ஆர்சனலுக்கு எதி ரான ஆட்டத்தைச் சமன் செய்து பதிலடி கொடுத்தது லிவர்பூல். நேற்று அதிகாலை நடந்த ஆட் டத்தில் லிவர்பூல் குழு தற்காப்பில் கவனக்குறைவாக இருந்த நேரத்தைப் பயன்படுத்தி ஐந்து நிமிடங்களில் மூன்று கோல்களைப் போட்டு அரங்கை அதிர வைத்தது ஆர்சனல். ஆட்டம் தொடங்கிய 26வது நிமிடத்தில் கொட்டின்யோவின் கோலால் லிவர்பூல் முன்னிலை பெற்றது.

அட்லெட்டிகோவின் பயணத்தைத் தடுத்து நிறுத்தியது எஸ்பென்யால்

மட்ரிட்: லா லீகா காற்பந்துத் தொடரில் கடந்த 20 ஆட்டங்களாக தோல்வியே காணாது வீறுநடை போட்டு வந்த அட்லெட்டிகோ மட்ரிட் குழுவின் பயணத்திற்கு எஸ்பென்யால் குழு முட்டுக்கட்டை போட்டது. அட்லெட்டிகோவிற்கு எதிராக நேற்று முன்தினம் நடந்த ஆட்டத்தில் மாற்று ஆட்டக்காரர் கொடுத்த பந்தை செர்ஜியோ கிரேசியா கோல் வலைக்குள் புகுத்தியதால் 1-0 என எஸ்பென்யால் வெற்றி பெற்றது. ஆட்டம் முடிய இரு நிமிடங்களே இருந்தபோது விழுந்த இந்தக் கோல் அட்லெட்டிகோ குழுவிற்குப் பெரும் அதிர்ச்சியை அளித்தது.

Pages