You are here

விளையாட்டு

முன்னேறி வரும் லிவர்பூல்

படம்: ராய்ட்டர்ஸ்

போர்ன்மத்: ஆர்சனலைப் பின் னுக்குத் தள்ளிய லிவர்பூல் காற் பந்துக் குழு நிலையான ஆட் டத்தை வெளிப்படுத்தவேண்டும் என்று அதன் நிர்வாகி யர்கன் கிளோப் வலியுறுத்தியுள்ளார். இங்கிலிஷ் பிரிமியர் லீக் ஆட்ட மொன்றில் போர்ன்மத் குழுவை 0=4 என வீழ்த்திய லிவர்பூல், பட்டியலில் நான்காவது இடத்திற்கு முன்னேறியது. ‘ஃபிரீ கிக்’ வாய்ப்பைப் பயன் படுத்தி லிவர்பூலின் கோல் கணக்கைத் தொடங்கி வைத்தார் ஃபிலிப் கொட்டீனியோ. அவரைத் தொடர்ந்து டெயான் லோவ்ரன், முகம்மது சாலா, ரொபர்ட்டோ ஃபிர்மினோ ஆகியோரும் லிவர் பூலுக்கான அடுத்தடுத்த கோல் களைப் போட்டனர்.

ஆஷஸ் தொடரைக் கைப்பற்றியது ஆஸ்திரேலியா

படம்: ராய்ட்டர்ஸ்

பெர்த்: இங்கிலாந்து கிரிக்கெட் அணியை வீழ்த்தி ஆஷஸ் கிண் ணத்தைக் கைப்பற்றியது ஆஸ்தி ரேலியா. மூன்றாவது டெஸ்ட் போட்டி யில் இன்னிங்ஸ் மற்றும் 41 ஓட் டங்கள் வித்தியாசத்தில் வெற்றி பெற்றது ஆஸ்திரேலியா. ஏற்கெனவே முதல் இரண்டு போட்டிகளையும் ஆஸ்திரேலியா வென்றிருந்த நிலையில், இந்த வெற்றியையும் தொடர்ந்து ஆஷஸ் தொடரை அது கைப்பற்றியது. மூன்றாவது டெஸ்ட் போட்டி யின் முதல் இன்னிங்சில் இங்கி லாந்து 403 ஓட்டங்கள் குவித்தது. ஆஸ்திரேலியா 662 ஓட்டங்கள் குவித்து ஆட்டத்தை முடித்துக் கொண்டது. ஸ்மித்தின் இரட்டை சதம் ஆஸ்திரேலிய அணிக்கு வலுவாக அமைந்தது.

எஸ் லீக்: முக்கிய மாற்றங்கள்

சிங்கப்பூர் காற்பந்தில் இளையர் களை ஊக்குவிக்கும் வகையில் அடுத்த எஸ் லீக் பருவத்தில் முக்கிய மாற்றங்களை சிங்கப்பூர் காற்பந்துச் சங்கம் அறிவித்துள்ளது. யங் லயன்ஸ் குழுவைத் தவிர, இதர எஸ் லீக் குழுக் களில் 23 வயதுக்குட்பட்ட உள்ளூர் விளையாட்டாளர்கள் குறைந்தது ஆறு பேராவது இருக்கவேண்டும் என்ற கட்டுப்பாடு விதிக்கப்பட்டு உள்ளது. இதனால், காற்பந்தில் இளையர்களை ஊக்குவிக்க முடியும் என்றார் சிங்கப்பூர் காற்பந்து சங்கத் தலைவர் லிம் கியா தோங். மேலும் போட்டியின்போது அவர்களில் மூன்று பேராவது களம் காணவேண்டும். அதுபோல் வெளிநாட்டு வீரர்களின் எண்ணிக்கையும் நான்கில் இருந்து இரண்டாகக் குறைக்கப்பட்டுள்ளது.

எட்ட முடியாத தூரத்தில் மான்செஸ்டர் சிட்டி

மான்செஸ்டர்: இங்கிலிஷ் பிரிமியர் லீக் காற்பந்துப் பட்டியலில் யாரா லும் எளிதில் எட்ட முடியாத புள்ளி கள் வித்தியாசத்தில் முன்னிலை யில் உள்ளது மான்செஸ்டர் சிட்டி. நேற்று அதிகாலை நடந்த ஆட் டத்தில் டோட்டன்ஹம் ஹாட்ஸ்பர் குழுவை 3 கோல்கள் வித்தியாசத் தில் வீழ்த்திய சிட்டி 14 புள்ளிகள் முன்னிலையில் உள்ளது. கடந்த திங்கட்கிழமை சிட்டி யிடம் தோல்வி அடைந்துவிடக் கூடாது என்று எச்சரிக்கையுடன் யுனைடெட் விளையாடினாலும் சில்வாவின் கோல் சிட்டியை வெற்றி பெறச் செய்தது.

ரியாலின் வெற்றிப் பட்டியலில் ‘கிளப் உலகக் கிண்ணம்’

மட்ரிட்: ரியால் மட்ரிட் குழுவின் வெற்றிப் பட்டியலில் கிளப் உலகக் கிண்ணத்தையும் சேர்த்துள்ளார் அக்குழுவின் நட்சத்திர வீரர் ரொனால்டோ (படம்). அபுதாபியில் நடைபெற்ற இக் கிண்ணத்திற்கான இறுதிப் போட்டியில் கிரெமியோ குழுவை 1-0 என்ற கோல்கணக்கில் வென் றது ரியால் மட்ரிட். இந்த வெற்றியின் மூலம் மூன்றாவது முறையாக இக்கிண் ணத்தை வென்று பார்சிலோனா வின் சாதனையை சமன் செய் துள்ளது ரியால். ஆனால் இந்த வெற்றிக்காக ரியால் குழுவைக் கடுமையாகப் போராட செய்தது கிரெமியோ. எதிரணியின் தற்காப்பு அரணை உடைத்து கோல் போட முடியாமல் திணறியது ரியால்.

தோல்வியின் பிடியில் இங்கிலாந்து

பெர்த்: ஆஷஸ் கிரிக்கெட் தொட ரில் பெர்த் நகரில் நடைபெற்று வரும் மூன்றாவது போட்டியிலும் இங்கிலாந்து தோல்வியின் பிடி யில் சிக்கித் தவிக்கிறது. கடந்த 14ஆம் தேதி தொடங்கிய இந்த மூன்றாவது போட்டியில் இங்கிலாந்து பந் தடிப்பைத் தேர்வு செய்தது. முதல் இன்னிங்சில் 403 ஓட்டங்கள் சேர்த்து ஆட்டமிழந் தது இங்கிலாந்து. மிட்செல் ஸ்டார்க் அதிகபட்சமாக 4 விக் கெட்டுகளையும் ஹசில்வுட் 3 விக்கெட்டுகளையும் வீழ்த்தினார் கள். பின்னர் ஆஸ்திரேலியா முதல் இன்னிங்சை தொடங்கியது. ஸ்மித் இரட்டை சதமும் மிட்செல் மார்ஷ் 150 ஓட்டங்களும் அடித் தனர்.

ஸ்மித் இரட்டைச் சதம்

பெர்த்: ஆஷஸ் தொடரின் மூன்றாவது டெஸ்ட் மூன்றாம் நாள் ஆட்டத்தில் ஆஸ்திரேலியாவின் அபார பந்தடிப்பு இங்கிலாந்தைத் திக்கமுக்காட வைத்தது. முதல் இன்னிங்சில் இங்கிலாந்து 403 ஓட்டங்கள் குவித்து அனைத்து விக்கெட்டுகளையும் இழந்தது. அதனைத் தொடர்ந்து, முதல் இன்னிங்சைத் தொடங்கிய ஆஸ்தி ரேலியா நேற்று முன்தினம் நடைபெற்ற இரண்டாவது நாள் ஆட்ட முடிவில் 3 விக்கெட்டுகள் இழப்பிற்கு 203 ஓட்டங்கள் எடுத்திருந்தது. அணித் தலைவர் ஸ்டீவன் ஸ்மித் (படம்) 92 ஓட்டங்களுடனும் ஷேன் மார்ஷ் 7 ஓட்டங்களுடனும் களத்தில் இருந்தனர். நேற்று நடைபெற்ற மூன்றாவது நாள் ஆட்டம் தொடங்கிய சிறிது நேரத்தில் ஸ்மித் சதம் அடித்தார்.

வெற்றிக்குப் போராடும் இந்தியா, இலங்கை

விசாகப்பட்டினம்: இலங்கை கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகளுக்கு இடையி லான மூன்று போட்டிகள் கொண்ட டெஸ்ட் தொடரை இந்தியா 1=0 என்ற கணக்கில் வென்றது. மூன்று போட்டிகள் கொண்ட ஒருநாள் தொடரில் தர்மசாலாவில் நடந்த முதல் ஆட்டத்தில் 7 விக்கெட்டுகள் வித்தியாசத்தில் இலங்கை வெற்றி பெற்றது. மொகாலியில் நடைபெற்ற இரண்டாவது ஒருநாள் போட்டியில் இந்தியா 141 ஓட்டங்கள் வித்தியா சத்தில் அபார வெற்றி பெற்றது.

ஒரே ஓவரில் 7 சிக்சர்கள் அடித்து இளம் இலங்கை வீரர் சாதனை

கொழும்பு: இலங்கையில் நடைபெற்ற 15 வயதுக்குட்பட் டோருக்கான முரளி குட்னஸ் கிண்ண கிரிக்கெட் போட்டியின் இறுதி ஆட்டத்தில் நவீந்து பக்சரா ஒரே ஓவரில் 7 சிக்சர்கள் அடித்து சாதனை படைத்துள்ளார். இறுதி ஆட்டத்தில் ஃபோக் அகாதமி அணியும் தர்மபாலா கொட்டாவா அணியும் மோதின. முதலில் பந்தடித்த ஃபோக் அகாதமி நிர்ணயிக்கப்பட்ட 36 ஓவர்களில் 7 விக்கெட்டுகள் இழப்பிற்கு 283 ஓட்டங்கள் குவித்தது. அந்த அணியின் நவீந்து பக்சரா ஒரே ஓவரில் 7 சிக்சர்கள் அடித்தார். இந்த ஓவரில் ஒரு நோ பால் வீசப்பட்டதால் அந்தப் பந்தையும் இவர் சிக்சர் அடித்து ஒரே ஓவரில் 7 சிக்சர் அடித்த வீரர் என்ற சாதனையைப் படைத்தார்.

இந்திய வீரர்கள் சம்பளம் இருமடங்காகிறது

புதுடெல்லி: இந்திய கிரிக்கெட் வீரர்களுக்குப் பெரிய அளவில் சம்பள உயர்வு கிடைக்க இருக் கிறது. நட்சத்திர வீரர்கள், உள்ளூர் லீக் போட்டிகளில் விளையாடும் வீரர்கள் ஆகியோரின் சம்பளம் இரண்டு மடங்கு உயர இருக் கிறது. இதுகுறித்து இந்திய உச்ச நீதிமன்றம் நியமித்துள்ள நிர்வாகக் குழு பரிசீலனை செய்து வருகிறது. இந்திய கிரிக்கெட் வீரர்களின் சம்பளத்தை உயர்த்தவேண்டும் என்று இந்திய அணித் தலைவர் விராத் கோஹ்லியும் பயிற்று விப்பாளர் ரவி சாஸ்திரியும் அண்மையில் கோரிக்கை விடுத் திருந்தனர்.

Pages