மாணவர் முரசு
இ-பேப்பர்
ஜெருசலம்: இஸ்ரேலில் ஹைஃபா பகுதியில் பற்றி எரியும் காட்டுத் தீயை அணைக்க தீயணைப் பாளர்கள் போராடி வரும் வேளை யில் அப்பகுதியிலிருந்து சுமார் 80,000 பேர் வெளியேற்றப் பட்டுள்ளதாக அதிகாரிகள் கூறினர். இஸ்ரேலின் மிகப் பெரிய நகரங்களில் ஒன்றான ஹைஃபா ஜெருசலம் அருகே மேற்குக் கரையில் உள்ளது. கடந்த 2 மாதங்களாக இங்கு கடும் வறட்சி நிலவுகிறது. அதைத் தொடர்ந்து ஹைஃபா நகரை ஒட்டி யுள்ள வனப்பகுதியில் காட்டுத் தீ கொழுந்துவிட்டு எரிகிறது.
காற்று வேகமாக வீசியதால் தீ வேகமாகப் பரவி நகரப் பகுதிக்குள்ளும் பரவியது. இதனால் அப்பகுதியில் கடும் புகை மூட்டமும் ஏற்பட்டது. அதைத் தொடர்ந்து ஹைஃபா நகரில் வனப்பகுதியை ஒட்டிய பகுதியில் வசிக்கும் ஆயிரக் கணக்கான மக்களை அங்கிருந்து வெளியேறுமாறு அதிகாரிகள் கேட்டுக்கொண்டனர். இதற் கிடையே அங்கு பெரும்பாலான வீடுகளில் மின்சார விநியோகம் தடைபட்டது.
இஸ்ரேலில் ஹைஃபா பகுதியில் காட்டுத் தீ கொழுந்துவிட்டு எரிவதால் அப்பகுதியிலிருந்து மக்கள் வெளியேற்றப்பட்டுள்ளனர். படம்: ஏஎஃப்பி
