முதல்வர் ஜெயலலிதாவுக்கு எழுந்து நிற்க தொடர் பயிற்சி

சென்னை: மருத்துவமனையில் தொடர் சிகிச்சை பெற்று வரும் முதல்வர் ஜெயலலிதாவின் உடல்நிலையில் தொடர்ந்து முன்னேற்றம் காணப்படுவதாகத் தகவல்கள் தெரிவிக்கின்றன. அவருக்குத் தற்போது படுக்கையில் இருந்து எழுந்து நிற்க பயிற்சி அளிக்கப் படுவதாகக் கூறப்படுகிறது. சிங்கப்பூரைச் சேர்ந்த பிசியோதெரபி நிபுணர் ஜெயலலிதாவுக்கு சிகிச்சை அளிப்பதாகவும், மேலும் சில தினங்கள் இச்சிகிச்சையும் பயிற்சியும் நீடிக்கும் என்றும் அதிமுக வட்டாரங்கள் கூறுகின்றன. இதற்கிடையே முதல்வர் ஜெயலலிதா பூரண நலம் பெற்று விரைவில் வீடு திரும்ப வேண்டி மருத்துவமனை முன்பு தினமும் சிறப்பு பூசைகள் நடத்தப்பட்டு வருகின்றன.