மாணவர் முரசு
இ-பேப்பர்
ஆரோக்கியமான உணவு செய் முறைகளின் தொகுப்பு ஒன்றை வெளியிட்டு நீரிழிவுக்கு எதிரான போராட்டத்தில் பெண்களின் பங்களிப்புக்கும் வகை செய்யப் பட்டுள்ளது. மக்கள் கழகத்தின் பெண்கள் ஒருங்கிணைப்பு கட்டமைப்பு மன்றம், பெண்கள் செயற்குழு ஆகியவை இணைந்து நீரிழிவுக்கு எதிரான போராட்டத்துக்கு ஆதரவு அளிக்கும் விதத்தில் தெம்பனிஸ் ஹப்பில் நேற்று ஏற்பாடு செய்த நிகழ்ச்சியில் இந்தத் தொகுப்பு வெளியிடப்பட்டது. மக்கள் கழகத்தின் பெண்கள் ஒருங்கிணைப்பு கட்டமைப்பு மன்றத் தலைவர் ஜோவன்னா போர்ட்டில்லா, தெம்பனிஸ் குழுத் தொகுதியின் நாடாளுமன்ற உறுப்பினர் செங் லி ஹுய், சுகாதாரத் துறையின் மூத்த துணை அமைச்சர் டாக்டர் ஏமி கோர், சுற்றுப்புற, நீர்வள அமைச்சர் மசகோஸ் ஸுல்கிஃப்லி, நீ சூன் குழுத்தொகுதியின் நாடாளுமன்ற உறுப்பினர் லீ பீ வா, ஃபெங்ஷான் தனித்தொகுதியின் நாடாளுமன்ற உறுப்பினர் செரைல் சான், அல்ஜுனிட் குழுத்தொகுதி அடித் தள அமைப்பின் ஆலோசகர் சான் ஹுய் யஹ் ஆகியோர் நிகழ்ச்சியில் சிறப்பு விருந்தினர்களாகக் கலந்து கொண்டனர்.
நீரிழிவுக்கு எதிரான போராட்டத்துக்கு ஆதரவு அளிக்கும் விதத்தில் தெம்பனிஸ் ஹப்பில் சமையல் குறிப்புத் தொகுப்பு வெளியிடப் பட்டது. சுற்றுப்புற, நீர்வள அமைச்சர் மசகோஸ் ஸுல்கிஃப்லி (நடுவில்) சிறப்பு விருந்தினர்களுடன் சேர்ந்து ஆரோக்கியமான உணவுப் பழக்கத்தை வலியுறுத்தும் நடவடிக்கைகளில் பங்கேற்றார். படம்: ஸ்ட்ரெய்ட்ஸ் டைம்ஸ்
