பன்னீர்செல்வம்: ஒதுங்கியவர்கள் இணைந்தால் வெற்றி உறுதி

சென்னை: சசிகலா குடும்பத்தால் பாதிக்கப் பட்டு, தற்போது வெவ்வேறு வகையில் ஒதுங்கி இருக்கும் மூத்த நிர்வாகி கள் தங்களுடன் இணைய வேண்டும் என ஓ.பன்னீர் செல்வம் அழைப்பு விடுத்துள்ளார். அவ்வாறு பலர் இணைந்தால், சசிகலா குடும்பத்திற்கு எதிரான தர்ம யுத்தம் வெற்றி பெறும் என்று இடைத்தேர்தல் பிரசாரத்தின்போது அவர் கூறினார். "உண்மையான விசுவாசி என ஜெயலலிதாவால் அழைக்கப்பட்ட மதுசூத னனை வேட்பாளராக நிறுத்தி உள்ளோம். அவருக்கு மக்கள் ஆதரவு உள்ளது. ஆர்.கே.நகர் தொகுதி முழுவதும் மக்கள் ஆதரவு அலை நமக்குச் சாதகமாக வீசுகிறது. "சசிகலா குடும்பத்திடம் இருந்து, கட்சியையும் ஆட்சியையும் மீட்பது நம் கடமை. இதற்கான வாய்ப்பு ஆர்.கே.நகரில் நமக்கு கிடைத்துள்ளது. இந்த தர்ம யுத்தத்தில் வெற்றி பெற வேண்டும்," என்றார் பன்னீர்செல்வம்.