பயிற்றுவிப்பாளர் மீது மானபங்கக் குற்றச்சாட்டுகள்

சிங்கப்பூரின் அனுபவமிக்க தடகள பயிற்றுவிப்பாளரான லோ சான் நியூ என்பவர் மீது நேற்று நீதிமன்றத்தில் 5 மான பங் கக் குற்றங்கள் சாட்டப்பட்டன. 72 வயதான லோ, சிங்கப்பூர் தடகள போட்டிகளுக் கான ஏற்பாட்டுக் குழுவில் துணைத் தலைவராக உள்ளார். இந்தக் குற்றங்களை கடந்த 2011ஆம் ஆண்டு இறுதி யிலிருந்து 2013 மார்ச் வரை இவர் செய்துள்ளதாக நீதிமன்றத் தகவல்கள் மூலம் தெரியவந் துள் ளது. லோ வலுக்கட்டாயமாக பெண் களின் அந்தரங்கப் பகுதிகளைத் தொட்டதாகக் கூறப்படுகிறது. சம்பவம் நடந்த போது பாதிக்கப்பட்ட பெண்க ளின் வயது 16 மற்றும் 18. பாதுகாப்புக் காரணங்களுக்காக அந்தப் பெண்களின் விவரங்கள் தெரிவிக்கப்படவில்லை. இந்தப் பயிற்றுவிப்பாளர் முன் னாள் தேசிய குறுந்தொலைவு ஓட்ட வீரர். இவர் 1973ஆம் ஆண்டில் தென்கிழக்காசிய தீபகற்ப விளையாட்டுப் போட்டி களில் கலந்துகொண்டு வெள் ளிப் பதக்கம் பெற்றார். இவர் சிங்கப்பூர் சிறைச்சாலையின் முன்னாள் துணைக் கண்காணிப்பாளராகவும் பதவி வகித்தவர்.