குலவழிச் சங்கங்களுக்கு பிரதமர் வலியுறுத்து

குலவழிச் சங்கங்கள் தொழில்நுட் பத்தைப் பயன்படுத்திக்கொண்டு அதிக இளையர்களை எட்டி அவர்களுக்கு கலாசாரங்களைப் போதித்து அவற்றைப் பரம்பரை பரம்பரையாகக் காக்கவேண்டும் என்று பிரதமர் லீ சியன் லூங் வலியுறுத்திக் கூறியிருக்கிறார். அத்தகைய சங்கங்கள், சமூக ஊடகத்தைப் பயன்படுத்திக் கொண்டு தங்களுடைய நடவடிக் கைகளை அதிக இளையர்களுக் குத் தெரியப்படுத்தலாம் என்றார் அவர். கிராமியப் பாடல்களையும் தாலாட்டுப் பாடல்களையும் வர லாற்றுச் சிறப்புமிக்க புகைப்படங் களையும் தொகுத்து அடுத்தடுத்த தலைமுறையினருக்கான சொத் தாக அந்தச் சங்கங்கள் பாது காத்து வைக்கலாம்.

சிங்கப்பூர் குவாங்துங் குல வழிச் சங்கத்தின் 80வது ஆண்டைக் குறிக்கும் வகையில் நடந்த விருந்து நிகழ்ச்சியில் திரு லீ நேற்று கலந்துகொண்டார். சீனாவிலிருந்து சிங்கப் பூருக்கு 1937ல் வந்த கேண்டனிஸ், டியோசியூ, ஹாக்கா, ஹைனானிஸ் பிரிவினர்களுக்கு உதவுவதற்காக அதே ஆண்டில் இந்தக் குலவழிச் சங்கங்கள் தொடங்கப்பட்டன. சிங்கப்பூரின் தொடக்க காலத்தில் சீன சமூகத்தில் இச்சங்கங்கள் முக்கிய பணியாற்றியதாக மாண்டரினில் பேசிய திரு லீ குறிப்பிட்டார். புதிதாக சிங்கப்பூருக்கு வந்த சீனர்களுக்கு உதவி, வேலை வாங்கிக் கொடுத்து, வீடு கொடுத்து, மருத்துவ வசதி செய்துகொடுத்து இந்தச் சங்கங் கள் உதவியதாக திரு லீ கூறி னார்.

இன்றும் குலவழிச் சங்கங் கள் சமூகத்தில் பலருக்கும் உதவி வருவதாகவும் அறப்பணிகளைச் செய்து வருவதாகவும் பிரதமர் குறிப்பிட்டார். குலவழிச் சங்கங்கள் இனி மேல் தேவைப்படாமல் போய்விடக் கூடும் என்று சிலர் நினைக்கக் கூடும். அந்தச் சங்கங்கள் முதி யோர்கள் சாதாரணமாகக் கூடிப் பேசுவதற்கான ஓர் இடமாகத்தான் இருக்கும் என்று அவர்கள் நினைக்கிறார்கள். ஆனால் குலவழிச் சங்கங்கள் காலத்திற்குப் பின்தங்கிவிடாமல் மேம்பட்டு வர முடியும் என்பதை மெய்ப்பித்துக் காட்டி இருப்பதாக திரு லீ தெரிவித்தார்.

இப்பகுதியில் மேலும் செய்திகள்

பலர் இணையப்பக்கம் வழியாக விசா பெறுவதற்கு கூடுதல் கட்டணம் செலுத்துகின்றனர்; சிலர் கட்டணம் செலுத்திய பிறகு அவர்களுக்கு விசா கிடைப்பதில்லை. விசாரித்தால் அவர்களது விண்ணப்பம் நிராகரிக்கப்பட்டதாகக் கூறப்படும். சிங்கப்பூரிலும் இதுபோன்ற மோசடிகள் நடைபெறுகின்றன.

15 Oct 2019

விசா எடுக்க வேண்டுமா? ஏமாறாமல் இருக்க எச்சரிக்கை அவசியம்

கிட்டத்தட்ட 44,000க்கும் மேற்பட்ட உறுப்பினர்களைக் கொண்ட உரையாடல் குழுவில் செயலிமூலம் ஆபாசப் படங்களும் பெண்களின் பாவாடைக்குள் எடுக்கப்பட்ட காணொளிகளும் பகிரப்பட்டன. படம்: சிங்கப்பூர் போலிஸ் படை

15 Oct 2019

செயலிமூலம் ஆபாசத் தகவல்களைப் பகிர்ந்த நால்வரில் இருவர் பதின்ம வயதினர்

சிங்கப்பூரர்கள் திருமணம் செய்து கொள்ளவும் குழந்தைகள் பெற்றுக்கொள்ளவும் ஊக்குவிக்கும் பரந்த தொகுப்பின் ஒரு பகுதியாக இந்நடவடிக்கை அறிவிக்கப்பட்டது. படம்: கோப்புப்படம்

15 Oct 2019

இவ்வாண்டு பிறந்த குழந்தைகளுக்கும் முதல் கடப்பிதழ் இலவசம்