உலகக் கிண்ண வாள்வீச்சு: தமிழக வீராங்கனைக்குத் தங்கம்

ரெஜாவிக்: ஐஸ்லாந்து நாட்டில் நடைபெற்ற சேட்லைட் உலகக் கிண்ண வாள்வீச்சில் இந்தியாவைப் பிரதிநிதித்த தமிழக வீராங்கனை பவானி தேவி தங்கம் வென்றுள்ளார். போட்டியின் ‘சேபர்’ பிரிவில் பங்கேற்ற தமிழக வீராங்கனை சி. ஏ. பவானி தேவி சிறப்பாகச் செயல்பட்டு தங்கம் வென்றார். இறுதிப் போட்டியில் 15-13 என்ற கணக்கில் இங்கிலாந்து வீராங்கனை சாரா ஹம்சனை அவர் வீழ்த்தினார். உலக அளவில் வாள்வீச்சில் இந்தியாவுக்கு தங்கம் வென்ற முதல் வீராங்கனை என்ற பெருமையை பவானி தேவி பெற்றார். இதற்கு முன்பு அவர் ஆசிய சேட்லைட் போட்டியில் வெள்ளிப்பதக்கம் வென்று இருந்தார்.