ஆப்கானிஸ்தானிடம் வெஸ்ட் இண்டீஸ் அதிர்ச்சி தோல்வி

செயிண்ட் லூசியா: ஆப்கானிஸ்தான் கிரிக்கெட் அணியிடம் வெஸ்ட் இண்டீஸ் அணி அதிர்ச்சி தோல்வி அடைந்துள்ளது. வெஸ்ட் இண்டீசில் சுற்றுப் பயணம் செய்து மூன்று போட்டிகள் கொண்ட ஒருநாள் தொடரில் ஆப்கானிஸ்தான் விளையாடு கிறது. இதில் முதல் போட்டி நேற்று முன்தினம் செயிண்ட் லூசியாவில் நடைபெற்றது. பூவா தலையாவில் வென்ற ஆப்கானிஸ்தான் முதலில் பந்தடித்தது. அவ்வணி 50 ஓவர்களில் 6 விக்கெட்டுகளுக்கு 212 ஓட்டங்கள் எடுத்தது. ஜாவித் ஆட்டி 81 ஓட்டங்கள் எடுத்தார். அதனைத் தொடர்ந்து பந்தடித்த வெஸ்ட் இண்டீஸ் அணி விக்கெட்டுகளை இழந்து திணறியது.

ஆப்கானிய சுழற்பந்து வீச்சாளர் ர‌ஷித் கானின் அபாரப் பந்துவீச்சில் வெஸ்ட் இண்டீஸ் அணி திக்குமுக்காடியது. வெஸ்ட் இண்டீஸ் அணி 44.4 ஓவர்களில் 149 ஓட்டங்களுக்கு அனைத்து விக்கெட்டுகளையும் இழந்தது. ர‌ஷித் கான் 8.4 ஓவர்களில் 18 ஓட்டங்கள் கொடுத்து 7 விக்கெட்டுகளை வீழ்த்தினார். ஆப்கானிஸ்தான் 63 ஓட்டடங்கள் வித்தியாசத்தில் அபார வெற்றி பெற்றது. இதன் மூலம் அந்த அணி 1-0 என்ற கணக்கில் முன்னிலையில் உள்ளது. வெஸ்ட் இண்டீஸ் அணியின் விக்கெட்டைக் கைப்பற்றிய மகிழ்ச்சியில் ஆப்கானிஸ்தான் வீரர் ர‌ஷீத் கான் (நடுவில்). படம்: ஏஎஃப்பி

இப்பகுதியில் மேலும் செய்திகள்

இந்திய அணிக்கு எதிரான டெஸ்ட் போட்டியை முன்னிட்டு பயிற்சியில் ஈடுபடும் பங்ளாதேஷ் அணி வீரர்கள். படம்: ஏஎஃப்பி

13 Nov 2019

இளஞ்சிவப்பு பந்தில் பயிற்சி செய்யும் இந்திய அணி வீரர்கள்

சுவிட்சர்லாந்தில் நேற்று முன்தினம் நடைபெற்ற காற்பந்துப் பயிற்றுவிப்பாளர்களுக்கான கருத்தரங்கிற்கு பிறகு செய்தியாளர்களிடம் பேசிய யர்கன் கிளோப். படம்: இபிஏ

13 Nov 2019

யர்கன்: எனக்கு நெருக்கடி இல்லை

பங்ளாதேஷ் அணிக்கு எதிரான 3வது டி20 ஆட்டம் முடிவடைந்த பிறகு இந்திய அணி பயிற்றுவிப்பாளர் ரவி சாஸ்திரியுடன் கைகுலுக்கும் ரோகித் சர்மா (இடது). படம்: ஏஎஃப்பி

13 Nov 2019

ரோகித்: எல்லா புகழும் பந்து வீச்சாளர்களுக்கே