மேத்யூஸ்: ‘கேட்சு’களைத் தவறவிட்டதால் தோற்றோம்

கார்டிஃப்: சாம்பியன்ஸ் கிண்ண கிரிக்கெட் போட்டியில் இலங்கை அணியைத் தோற்கடித்து பாகிஸ் தான் அணி அரையிறுதிக்குள் நுழைந்துள்ளது. இலங்கை அணியை 3 விக்கெட்டுகள் வித்தியாசத்தில் வீழ்த்தியது. கார்டிஃப் சோபியா கார்டன்ஸ் மைதானத்தில் நடைபெற்ற இந்த ஆட்டத்தில் பூவா தலையாவில் வென்ற பாகிஸ்தான் அணி முதலில் பந்துவீசியது. முதலில் பந்தடித்த இலங்கை அணி 49.2 ஓவர்களில் அனைத்து விக்கெட்டுகளையும் இழந்து 236 ஓட்டங்களை எடுத்தது. இலங்கை அணியில் அதிக பட்சமாக தொடக்க வீரர் டிக் வெல்லா 73 ஓட்டங்களும் மேத் யூஸ் 39 ஓட்டங்களும் எடுத்தனர்.

பாகிஸ்தான் சார்பில் ஜுனைத் கான், ஹாசன் அலி தலா 3 விக்கெட்டுகளை வீழ்த்தினர். 237 ஓட்டங்களை இலக்காகக் கொண்டு பாகிஸ்தான் அணியின் தொடக்க வீரர்களாக அஸார் அலி = பகார் சமான் களமிறங் கினர். முதல் விக்கெட்டுக்கு 74 ஓட்டங்களைச் சேர்த்திருந்தபோது பகார் 50 ஓட்டங்கள் எடுத்து ஆட்டமிழந்தார். அஸார் அலி 34 ஓட்டங்கள் எடுத்து வெளியேறினார். மற்ற வீரர்கள் அனைவரும் சொற்ப ஓட்டங்களில் ஆட்டமிழக்க அணியின் ஓட்ட எண்ணிக்கை வேகம் குறையத் தொடங்கியது. இந்நிலையில், இலங்கையின் மலிங்கா வீசிய பந்தில் சர்ஃபராஸ் பந்தடித்தபோது இலங்கைக்கு இருமுறை கேட்ச் வாய்ப்பு கிடைத்தது. ஆனால் அந்த இரு கேட்சுகளையும் இலங்கை அணி வீரர்கள் கோட்டைவிட்டனர். அந்த அதிர்ஷ்டம் ஒரு பக்கம் இருக்க, பொறுப்புடன் விளை யாடிய அணித் தலைவர் சர்ஃபராஸ் அகமது பாகிஸ்தான் அணியை வெற்றிப் பாதைக்கு கொண்டு சென்றார். கடைசி வரை ஆட்டமிழக்காமல் இருந்த சர்ஃபராஸ் 61 ஓட்டங்களும் அமீர் 28 ஓட்டங்களும் எடுத்தனர்.

இப்பகுதியில் மேலும் செய்திகள்

எதேச்சை பாணி 53 கிலோ உடல் எடைப்பிரிவில் வெண்கலப் பதக்கம் வென்றார் இந்திய வீராங்கனை வினேஷ் போகத். படம்: வினே‌ஷ் டுவிட்டர்

21 Sep 2019

வினேஷ் போகத் தங்கம் வெல்ல முனைப்பு

மெர்செடிஸ் அணியின் ஓட்டுநருமான லுவிஸ் ஹேமில்டன். படம்: ஊடகம்

21 Sep 2019

‘ஹாட்ரிக்’ வெற்றிக்கு ஹேமில்டன் குறி

ஆட்டம் முடிய 17 நிமிடங்கள் எஞ்சியிருந்தபோது யுனைடெட்டின் வெற்றி கோலைப் போட்ட பதின்மவயது வீரர் மேசன் கிரீன்வுட் (நடுவில்).
அஸ்தானாவின் தற்காப்பு ஆட்டக்காரர்களும் கோல்காப்பாளரும் தம்மை நெருங்குவதற்குள் பந்தை வலைக்குள் இவர் அனுப்பினார். இதன்மூலம் யூரோப்பா லீக் காற்பந்துப் போட்டியை வெற்றியுடன் தொடங்கியுள்ளது மான்செஸ்டர் யுனைடெட். படம்: ராய்ட்டர்ஸ்

21 Sep 2019

அஸ்தானாவின் பிடிவாதத்தை தகர்த்தெறிந்த கிரீன்வுட் கோல்