‘நான் ஒரு திருடன்’ என பச்சை குத்திய அவலம்

சைக்கிள் ஒன்றைத் திருட முயற்சி செய்த இளையரைப் பிடித்த பச்சை குத்தும் கலைஞர் ஒருவர் அவரது நண்பருடன் சேர்ந்து அந்தச் சிறுவனின் நெற்றியில் ‘நான் ஒரு திருடன், தோற்றுப்போனவன்’ என்று போர்த்துக்கீசிய மொழியில் பச்சை குத்தியுள்ளார். பிரேசில் நாட்டின் சாவ் பாலோ நகரில் நடந்த இந்தச் சம்பவம் காணொளியாக இணை­யத்தில் பரபரப்பாகப் பகிர்ந்து கொள்ளப்படுகிறது. இந்தக் காணொளி­யைப் பகிர்ந்து கொண்ட பலரும் பச்சை குத்தும் கலைஞரைத் திட்டித் தீர்த்­துள்ளனர். பதினேழு வயது சிறுவனின் நெற்றியில் கொடூரமான முறை­யில் எழுதிய பச்சை குத்தும் கலைஞரான ரோனில்டோ மொரைய்ரோ டி யசயவ்ஜோ (29) அவருக்கு உதவி­யாக இருந்த அவரது அண்டை வீட்டுக்காரர் மேகோன் வெஸ்லி கார்வல்ஹோ டோஸ் ரீஸ் (27) ஆகியோரை காவல்துறை கைது செய்துள்ளது. சிறுவனின் நெற்றியில் பச்சை குத்திய அந்த ஆடவர்கள் அதை காணொளியாகப் படம் பிடித்து இணையத்தில் பதிவேற்­றம் செய்துள்ளனர்.

இவர்களின் இந்தக் கொடூரச் செயலை துன்புறுத்தல் என காவல்துறை வகைப்படுத்தி­யுள்­ளது. அந்தச் சிறுவன் எங்கு வசிக்­கிறான் என்பது தங்களுக்குத் தெரியாது என்றும் அவனது நெற்றியில் பச்சை குத்திய பிறகு அவனை விட்டுவிட்டோம் எனவும் போலிஸ் விசாரணையில் அந்த ஆடவர்கள் தெரிவித்தனர். “சைக்கிளைத் தொட்டுப் பார்த்தேன், நான் அதைத் திருட வில்லை. நான் என்ன செய்தேன் என்று எனக்கே தெரியவில்லை என்று செய்தியாளர்களிடம் கூறி யுள்ளான் அந்த அப்பாவிச் சிறு­வன். இந்நிலையில், பிரேசில் நாட்டின் செய்தி இணையத்தளம் ஒன்று, சிறுவனின் நெற்றி­யில் குத்தப்பட்ட பச்சையை அழிப்பதற்காக நிதி வசூலிக்கத் தொடங்கியுள்ளது. கடந்த ஞாயிற்றுக்கிழமை வரை 20,000 பிரேசிலிய டாலர் (S$8,400) நிதி வசூல் ஆகியுள்­ளது.

சைக்கிள் திருட முயற்சி செய்ததாக 17 வயது சிறுவனின் நெற்றியில் “நான் ஒரு திருடன்” என்று பச்சை குத்திய பச்சை குத்தும் கலைஞன்.

இப்பகுதியில் மேலும் செய்திகள்

மீட்புப் பணியில் ஈடுபட்ட அதிகாரிகள். படம்: ஓமான நாட்டு குடிமைத் தற்காப்பு மற்றும் அவசர சிகிச்சை வாகனப் பிரிவு, காணொளி: PACDAOman

14 Nov 2019

ஆறு இந்திய ஊழியர்கள் மரணம்; ஒருவர் மதுரையைச் சேர்ந்தவர்

வெனிஸ் நகரில் வெள்ளத்தால் பாதிக்கப்பட்ட இடங்களை அந்நகரின் மேயர் லுய்கி பிரக்னாரோ பார்வையிடுகிறார். படம்: ராய்ட்டர்ஸ்

14 Nov 2019

வெனிசில் கடும் மழை; அவசரநிலையை அறிவித்தார் நகர மேயர்

சிரியாவில் ஐஎஸ் பயங்கரவாத இயக்கத்தில் இணைந்த மலேசியாவின் ‘ரோக் யுகேஸ்’ இசைக்குழுவின் கித்தார் கலைஞர் அகேல் ஸைனல். படம்: மலேசிய ஊடகம்

14 Nov 2019

ஐஎஸ் பயங்கரவாத இயக்கத்தில் இணைந்த மலேசியர் கொல்லப்பட்டதாக தகவல்