அதிபர் தேர்தலில் போட்டியிட மேலும் ஒருவர் விருப்பம்

செப்டம்பர் மாதம் நடைபெறவிருக் கும் அதிபர் தேர்தலில் போட்டியிட விரும்புவதாக ‘போர்போன் ஆஃப் ஷோர் ஆசியா பசிபிக்’ என்னும் கடற்துறை சேவை நிறுவனத்தின் தலைவர் ஃபாரிட் கான் கைம் கான், 62, அறிவித்துள்ளார். இது தொடர்பாக நேற்று அவர் வில்லேஜ் ஹோட்டல் சாங்கியில் செய்தியாளர்களிடம் பேசினார். சிறுபான்மை சமூகத்தைப் பிரதி நிதிப்பதை உறுதி செய்வதற்காக அதிபர் தேர்ந்தெடுப்பு முறையில் மாற்றம் கொண்டு வரப்பட்டது.

மலாய் சமூகத்திற்காக அதிபர் பதவி ஒதுக்கப்பட்டதாக அறிவிக்கப்பட்ட பின்னர் அதில் போட்டியிடப் போவதாக அறிவித் திருக்கும் இரண்டாவது நபர் திரு ஃபாரிட் என்பது குறிப்பிடத்தக்கது. இதற்கு முன், செகண்ட் சான்ஸ் பிராப்பர்ட்டீஸ் நிறுவனத் தின் தலைமை நிர்வாக அதிகாரி முகமது சாலே மரிக்கான் அதிபர் தேர்தலில் போட்டியிட விருப்பம் தெரிவித்திருந்தார். இவர்கள் தவிர, நாடாளுமன்ற நாயகர் ஹலிமா யாக்கோப் அதிபர் தேர்தலில் போட்டியிடக்கூடும் என்று பரவலாக எதிர்பார்க்கப்படு கிறது. இருப்பினும் அது தொடர் பான தமது முடிவை அவர் இன் னும் அறிவிக்கவில்லை.

ஃபாரிட் கான் கைம் கான். படம்: ஸ்ட்ரெய்ட்ஸ் டைம்ஸ்