‘சிங்ஹெல்த்’ தாதியருக்கு புதிய வெண்ணிறச் சீருடை

‘சிங்ஹெல்த்’ சுகாதாரக் கழகம் தனது தாதியருக்கு புதிய சீருடைகளை அறிமுகப்படுத்தி உள்ளது. கடந்த 10 ஆண்டுகளில் முதன் முறையாக இந்த மாற்றத்தை அது செய்துள்ளது. சிங்கப்பூர் பொது மருத்துவ மனை, கேகே மகளிர் மற்றும் சிறார் மருத்துவமனை, சிறப்பு சிகிச்சை நிலையங்கள் போன்ற 11 சுகாதாரச் சேவைக் கழகங்களில் இந்த மாற்றம் அறிமுகமாகிறது. ‘சிங்ஹெல்த்’ நிறுவனம் இவ்வாண்டு தாதியர் தினக் கொண்டாட்டங்களை முன்னிட்டு இந்தப் புதிய சீருடைகளை நேற்று அறிமுகம் செய்தது. சுகாதார மூத்த துணை அமைச்சர் லாம் பின் மின் இந்த நிகழ்ச்சியின் சிறப்பு விருந்தினராகக் கலந்து கொண்டார். தாதியராகப் பணிபுரியும் கழ கம், தாதியரின் பதவிநிலை ஆகியவற்றுக்கு ஏற்ப 2007ஆம் ஆண்டு முதல் ‘சிங்ஹெல்த்’ தாதியர் வெவ்வேறு நிறங்களில் சீருடைகள் அணிந்து வந்தனர். மாறுபட்ட நிறங்கள் அந்தந்த சுகாதாரக் கழகத்தின் அடையாள மாக இருந்தது. மருத்துவமனைகள், சிறப்பு சிகிச்சை நிலையங்கள் என பல்வேறு பராமரிப்பு அமைப்புகளில் பணிபுரியும் ‘சிங்ஹெல்த்’தின் 12,000 தாதியருக்கு அடுத்த ஆண்டு இந்தப் புதிய சீருடைகள் வழங்கப்படும். நேற்றைய நிகழ்ச்சியில் 47 தாதியருக்கு விருதுகளை வழங் கிச் சிறப்பித்தது ‘சிங்ஹெல்த்’.

‘சிங்ஹெல்த்’ சுகாதாரக் கழகத் தாதியருக்கான புதிய சீருடைகள் அனைத்தும் வெள்ளை நிறத்தில் இருக்கும். சீருடையில் இருக்கும் பட்டைகளில் உள்ள வெவ்வேறு நிறங்களைக்கொண்டு தாதியரின் பதவிநிலைகளை அறிந்துகொள்ளலாம். படம்: சிங்ஹெல்த்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon