இணையம் வழி மோசடி: கம்போடியாவில் 200 பேர் கைது

நோம்பென்: இணையம் மூலம் மிரட்டிப் பணம் பறிக்கும் நடவடிக்கையில் ஈடுபட்டவர்கள் என்ற சந்தேகத்தின் பேரில் சீனாவைச் சேர்ந்த 200 பேரை கம்போடியப் போலிசார் கைது செய்துள்ளனர். அத்தகைய ஏமாற்றுக் கும்பலிடம் பெண்களே அதிகம் ஏமாந்ததாகக் கூறப்பட்டது. அக்கும்பல் பேர்வழிகள் பெண்களை அணுகி அவர்கள் சம்பந்தப்பட்ட ஆபாசப் படங்களை இணையத்தில் அனுப்பப்போவதாக மிரட்டி பணம் பறித்து வந்ததாகக் கூறப்பட்டது. சீன அதிகாரிகள் கொடுத்த தகவலின் பேரில் அந்த சந்தேக நபர்கள் பிடிபட்டதாக கம்போடிய உயர் அதிகாரி ஒருவர் கூறினார்.