சாலை விபத்தில் கார் மீது வேன் ஏறியது

நேற்று காலை 2.10 மணிக்கு பெகோனியா சாலையில் நிகழ்ந்த சாலை விபத்தில் கார் மீது வேன் ஏறியது. இயோ சூ காங் சாலையருகில் இருக்கும் பெகோனியா சாலையில் சென்றுகொண்டிருந்த கார் ஒன்று சாலையோரம் நின்றுகொண்டிருந்த கருப்பு நிற வேன் ஒன்றை இடித்ததாக நம்பப்படுகிறது. இடித்த வேகத்தில் வேன், பின்னால் நின்றுகொண்டிருந்த கார் மீது ஏறியது. படத்தில் கார் மீது ஏறிய வேன். அந்த வட்டாரத்தில் வசிக்கும் வீட்டுப் பணிப்பெண் கிரேஸ் அன்டலெஸ், 54, நள்ளிரவுக்குப் பின் பெரும் சத்தம் கேட்டதாக கூறினார். ஆனால், வீட்டில் தனியாக இருந்ததால் வெளியே வந்து பார்க்கவில்லை என்றும் காலையில் எழுந்த பின்னரே நடந்தது பற்றி தெரியவந்ததாகவும் கூறினார். இச்சம்பவத்தில் யாருக்கும் காயம் இல்லை. படம்: ஸ்ட்ரெய்ட்ஸ் டைம்ஸ்

Loading...
Load next