வடகொரியாவுக்கு எதிராக தடைகள் தேவைப்படுகிறது

மணிலா: ஏவுகணை சோதனை களை தொடர்ந்து மேற்கொண்டு வரும் வடகொரியாவுக்கு எதிராக தடைகள் தேவைப்படுகிறது என்று சீன வெளியுறவு அமைச்சர் வாங் யி கூறினார். ஆனால் தடைகள் மட்டுமே இறுதித் தீர்வு ஆகாது என்றும் பேச்சுவார்த்தையின் மூலமே பிரச்சினைக்குத் தீர்வு காண முடியும் என்றும் அவர் சொன்னார். மணிலாவில் நடந்த ஆசியான் வெளியுறவு அமைச்சர்கள் கூட் டத்தின் தொடர்பில் நடந்த சந்திப் பின்போது திரு வாங் இவ்வாறு கூறினார். வடகொரியா மீது ஐநா பாதுகாப்பு மன்றம் விதித்துள்ள புதிய தடைகள் உரிய நேரத்தில் எடுக்கப்பட்ட சரியான நடவடிக்கை என்றும் அவர் சொன்னார்.

ஐநா நிறைவேற்றிய புதிய தீர்மானம், பேச்சுவார்த்தையில் வடகொரியா மீண்டும் கலந்து கொள்ள வழிவிட்டுள்ளது என்றும் திரு வாங் கூறினார். வடகொரியா மீது புதிய தடைகள் விதிக்க வகை செய்யும் தீர்மானத்தை ஐநா பாதுகாப்பு மன்றம் நிறைவேற்றியதைத் தொடர்ந்து கொரிய தீபகற்பத்தில் பதற்றம் அதிகரித்துள்ள நிலையில் இந்தப் பதற்றத்தைத் தணிக்க அமைதி வழியிலும் அரசதந்திர ரீதியிலும் நடவடிக்கைகள் எடுக்கப்பட வேண்டும் என்றும் அவர் வலியுறுத்தினார். நிலைமை மேலும் மோசமா வதைத் தடுக்க சம்பந்தப்பட்ட அனைத்து தரப்புகளும் பொறுப் பான நடவடிக்கைகளை எடுக்க வேண்டும் என்று சீனா கேட்டுக் கொண்டுள்ளது. ஒரு தரப்பை ஆதரிப்பது அல்லது மற்ற தரப்பை புறக் கணிப்பது என்பது சீனாவால் முடியாது என்றும் சீன வெளியுறவு அமைச்சர் கூறினார்.

இப்பகுதியில் மேலும் செய்திகள்

அதிபர் தேர்தலில் போட்டியிட அவர் அமெரிக்க குடியுரிமையை ரத்து செய்துள்ளார். படம்: ராய்ட்டர்ஸ்

20 May 2019

‘இலங்கை அதிபர் தேர்தலில் போட்டியிடுவது நிச்சயம்’