வட்டார மிரட்டல்: அமெரிக்காவுடன் ஜப்பான் பேச்சு

வா‌ஷிங்டன்: வடகொரிய விவகாரம் தொடர்பில் பதற்றம் நிலவும் வேளையில் அமெரிக்க வெளியுறவு அமைச்சர் ரெக்ஸ் டில்லர்சன் ஜப்பானிய வெளியுறவு அமைச்சருடன் பேச்சு நடத்தவுள்ளார். அந்த சந்திப்பு இம்மாதம் 17ஆம் தேதி வா‌ஷிங்டனில் நடைபெறும் என்றும் அமெரிக்க தற்காப்பு அமைச்சர் ஜிம் மேத்திஸும் அந்தப் பேச்சு வார்த்தையில் கலந்துகொள்வார் என்றும் அமெரிக்க அதிகாரிகள் கூறினர். அமெரிக்க மாநிலம் வரை சென்று தாக்கக்கூடிய ஆற்றல் மிக்க ஏவுகணையை வடகொரியா அண்மையில் சோதனை செய்தது. அதனைத் தொடர்ந்து வடகொரியாவின் மிரட்டலை சமாளிப்பது குறித்து அமெரிக்கா பல வழிகளில் ஆராய்ந்து வருகிறது.