சுடச் சுடச் செய்திகள்

மூன்று சாதனைகள் முறியடிப்பு

கோலாலம்பூர்: ஒலிம்பிக் வெற்றி யாளரான சிங்கப்பூரின் ஜோசஃப் ஸ்கூலிங், தமக்குப் பிடித்தமான 100 மீட்டர் வண்ணத்துப்பூச்சி பாணி நீச்சலில் புதிய சாதனை யுடன் தங்கத்தைத் தக்கவைத்துக் கொண்டார். தென்கிழக்காசிய விளையாட் டுப் போட்டிகளில் 100 மீ. வண் ணத்துப்பூச்சி பாணி நீச்சலில் ஸ்கூலிங் தங்கம் வென்றிருப்பது இது மூன்றாவது முறை. 22 வயதான ஸ்கூலிங் 51.38 வினாடி களில் பந்தய தூரத்தை நீந்திக் கடந்தார். தென்கிழக்காசிய விளை யாட்டுப் போட்டிகள் வரலாற்றில் 100 மீ. வண்ணத்துப்பூச்சி பாணி நீச்சலை 52 வினாடிகளுக்குள் ஒருவர் முடித்திருப்பது இதுவே முதல்முறை.

2016ல் ரியோ டி ஜெனிரோவில் நடந்த ஒலிம்பிக் போட்டிகளில் இதே பிரிவில்தான் 50.39 வினாடி களில் பந்தய தூரத்தைக் கடந்து ஸ்கூலிங் தங்கம் வென்றார். முன்னதாக, 50 மீ. வண்ணத் துப்பூச்சி பாணி நீச்சலிலும் 4x100 மீ. எதேச்சைபாணி அஞ்சல் நீச்ச லிலும் வாகை சூடி இரண்டு தங்கப் பதக்கங்களைத் தனதாக்கி இருந்தார் ஸ்கூலிங். இதற்கிடையே, சிங்கப்பூர் நீச்சல் வீராங்கனையான 25 வயது குவா டிங் வென் 100 மீ. எதேச்சைபாணி நீச்சலில் தனது சாதனையை தானே முறியடித்து தங்கத்தைக் கைப்பற்றினார்.

100 மீ. வண்ணத்துப்பூச்சி பாணி நீச்சலில் தனது சாதனையை தானே முறியடித்து, மூன்றாவது முறையாகத் தங்கம் வென்றார் சிங்கப்பூரின் ஜோசஃப் ஸ்கூலிங், 22. முன்னதாக நேற்றுக் காலையில் நடந்த தகுதிச் சுற்றின்போது 53.53 வினாடிகளை எடுத்துக்கொண்டு இரண்டாமிடம் பிடித்த ஸ்கூலிங், இறுதிப் போட்டியில் தன்னை மிஞ்ச ஆளில்லை என்பதை நிரூபித்தார். படம்: ஏஎஃப்பி

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon