சூரியத் தகடு இலக்கை நெருங்குகிறது வீவக

சிங்கப்பூரில் உள்ள 848 குடி யிருப்புக் கட்டடங்கள், 27 அர சாங்கத் தளங்கள் ஆகியவற்றின் மேற்கூரையில் சூரியத் தகடு களை நிறுவி பராமரிக்கும் திட் டத்திற்கான குத்தகையை செம்ப் கார்ப் இண்டஸ்ட்ரீஸின் துணை நிறுவனமான செம்ப்கார்ப் சோ லார் சிங்கப்பூர், ஜப்பானின் குரி ஹாரா கோக்யோ ஆகியன இணைந்து வென்றிருக்கின்றன. மொத்தம் 50 மெகாவாட் கொள்ளளவு சூரிய சக்திக்கான இத்திட்டம் வெஸ்ட் கோஸ்ட், சுவா சூ காங் நகர மன்றங்களில் உள்ள குடியிருப்புக் கட்டடங் களில் செயல்படுத்தப்படும்.

வீடமைப்பு வளர்ச்சிக் கழகம், சிங்கப்பூர் பொருளியல் வளர்ச்சிக் கழகம் ஆகியன இந்தக் குத் தகையை வழங்கியதாக நேற்று வெளியிடப்பட்ட அறிக்கையில் தெரிவிக்கப்பட்டு உள்ளது. சாங்கி சிறைச்சாலை வளாகம், டன்மன் உயர்நிலைப் பள்ளி போன்றவை சூரியத் தகடு திட்டத்தில் இடம்பெற்று உள்ள அரசாங்கக் கட்டடங்களில் சில. பொருளியல் வளர்ச்சிக் கழகம் வழிநடத்தும் சோலார் நோவா திட்டத்தின்கீழ் மூன்றா வதும் ஆகப் பெரியதுமான இந்த ஏலக் குத்தகைக்கு வீவக அழைப்பு விடுத்திருந்தது. முதல் 'சோலார்நோவா' ஏலக் குத்தகை 2015 டிசம்பரில் 800 வீவக கட்டடங்களுக்காக வழங் கப்பட்டது. இரண்டாவது குத் தகை கடந்த ஆண்டு ஜூனில் 636 வீவக கட்டடங்களுக்காகவும் 31 அரசாங்கத் தளங்களுக்காகவும் வழங்கப்பட்டது. நான்காவது ஏலக்குத்தகைக்கு அடுத்த ஆண்டு இறுதிவாக்கில் அழைப்பு விடுக்கப்படும்.

மேலும்