ரூ.70 லட்சம் மோசடி: ஒருவர் கைது

திண்டுக்கல்: இணையம் வழி குறைந்த விலைக்குத் தங்கம் வாங்கித் தருவதாகக் கூறி ரூ.70 லட்சம் பெற்றுக்கொண்டு மோசடி செய்த பொறியியலாளர் கைதானார். திண்டுக்கல்லைச் சேர்ந்த 45 வயதான சுப்பிரமணி என்பவர் இணையம் வழி தங்கம், வெள்ளி வாங்கி விற்பனை செய்து வருகிறார். இந்நிலையில் சென்னையைச் சேர்ந்த பொறியியலாளர் செல்வம் மற்றும் குணசேகரன் ஆகியோர் சுப்பிரமணியைத் தொடர்புகொண்டு பேசியுள்ளனர். அப்போது மும்பையில் இருந்து குறைந்த விலைக்குத் தங்கம் வாங்கித் தருவதாகத் தெரிவித்துள்ளனர். இதை நம்பிய சுப்பிரமணி ரூ.70 லட்சத்தை தந்துள்ளார். ஆனால் இருவரும் ஒப்புக்கொண்டபடி தங்கம் வாங்கித் தராமல் காலம் கடத்தி வந்துள்ளனர். இதையடுத்து சுப்பிரமணி அளித்த புகாரின் பேரில் இருவரும் கைதாகினர்.