You are here

உலக துப்பாக்கி சுடுதல் போட்டி: தங்கம் வென்றார் சவுரப் சௌத்ரி

சாங்வான்: தென்கொரியாவின் சாங்வான் நகரில் உலக துப்பாக்கி சுடுதல் வெற்றியாளர் கிண்ண போட்டி நடைபெற்று வருகிறது. நேற்று ஆண்களுக்கான 10 மீட் டர் ஏர் பிஸ்டல் பிரிவு இறுதிச்சுற்று நடைபெற்றது. இதில் இந்தியாவின் சவுரப் சௌவுத்ரி தங்கப் பதக்கம் வென்றார். சவுரப் சௌவுத்ரி 245.5 புள்ளிகள் பெற்று முதலிடத்தைப் பிடித்தார். கொரிய வீரர் லிம் ஹாஜின் 243.1 புள்ளிகள் பெற்று வெள்ளிப் பதக்கத்தையும், மற்றொரு இந்திய வீரர் அர்ஜூன் சிங் சீமா 218 புள்ளிகள் பெற்று வெண்கலப் பதக்கமும் வென்ற னர். முன்னதாக நடந்த அணி களுக்கான போட்டியில் சவுரப் சவுத்ரி, அர்ஜூன் சிங் சீமா, அன்மோல் ஜெயின் இணைந்து வெள்ளிப் பதக்கம் வென்றனர். பதினாறு வயது நிரம்பிய சவுரப் சவுத்ரி அண்மையில் நடந்து முடிந்த ஆசிய விளையாட் டுப் போட்டியிலும் தங்கம் வென் றது குறிப்பிடத்தக்கது.