தென்கொரிய அதிபர் மூன்று நாள் வடகொரியா பயணம்

கொரிய தீபகற்பத்தில் அணுவாயுத களைவு பற்றிய பேச்சுவார்த்தை நடத்த வடகொரிய தலைநகர் பியோங்யாங்கில் தென்கொரிய அதிபர் மூன் ஜே இன்னும் வடகொரியத் தலைவர் கிம் ஜோங் உன்னும் சந்தித்துள்ளனர். இவ்வாண்டு தொடக்கம் முதல் தென்கொரியாவோடும் அமெரிக்கா­வோடும் இதற்கு முன்னர் மேற்­ கொண்டிராத சந்திப்புகளை வட­கொரியா நடத்தியுள்ளது. இருதரப்பும் பொதுவான நலன்­கள் குறித்து மட்டுமே பேச்சு­ வார்த்தைகளில் ஈடுபட்ட நிலை­யில், வடகொரியா­வுக்கும் அமெரிக்­ காவுக்கும் இடையே நடைபெற்று வந்த பேச்சு­வார்த்தைகள் தேக்கம் அடைந்துள்ள­தாக கூறப்படுகிறது. இதில் நடு­வராக செயல்படுவதில் தென்­கொரியா முக்கிய பங்காற்றி வருகிறது.

இந்நிலையில், வடகொரியாவில் மூன்று நாட்கள் பயணம் மேற்­கொள்வதற்காக தென்கொரிய அதிபர் மூனும் அவரது துணை­வியார் கிம் ஜாங் சூக்கும் நேற்று காலை பியோங்யாங் சென்றடைந்­தனர். அவர்களை கிம் ஜோங் உன்னும் அவரது துணைவியார் ரி சோல் ஜூவும் வரவேற்றனர். சந்தித்த உடனேயே இரு தலை­வர்களும் கைகுலுக்கி கட்டி அணைத்துக்கொண்டனர். கடந்த பத்து ஆண்டுகளில் தென்கொரிய அதிபர் ஒருவர் வடகொரியாவுக்குச் செல்வது இதுவே முதல்முறை எனத் தெரி­ விக்கப்பட்டது.

இவ்வாண்டு ஏப்ரல் மாதம் இரு நாடுகளுக்கு இடையிலான ராணுவமற்ற எல்லையில் நடை­பெற்ற வரலாற்று முக்கியத்துவம் வாய்ந்த சந்திப்பு தொடங்கி, இரு தலைவர்களும் மூன்றாவது முறை­யாக சந்தித்துள்ளனர். 1953ஆம் ஆண்டில் கொரியப் போர் முடிவுக்கு வந்தாலும், அதன் தொடர்பில் எந்தவோர் அமைதி உடன்பாடும் எட்டப்படவில்லை. தற்போதைய சந்திப்பில், இரு நாட்டுத் தலைவர்களும் அணு­ ஆயுத களைவுக்கான நடைமுறை பற்றி பேச்சுவார்த்தை நடத்துவர் என்று எதிர்பார்க்கப்படுகிறது. ஆனால், இது தொடர்பான விவ­ரங்கள் இன்னும் தெளிவாகத் தெரியவில்லை. இந்தப் பேச்சுவார்த்­தை தொடர்­பில் தென்கொரியத் தரப்பில் இரு இலக்குகள் உள்ளன.

இரு கொரியாக்களுக்கு இடை­யில் மேம்பட்ட ஒத்துழைப்பு மற்றும் நல்லிணக்கத்தை ஏற்படுத்துவது ஒன்று. அணுவாயுத களைவு விவகாரத்­ தில் அமெரிக்காவுக்கும் வடகொரி­யாவுக்கும் இடையில் நடுவராகச் செயல்படுவது என்பது மற்ற­ ஒன்று. இதில் கடந்த ஏப்ரல் மாதம் இரு கொரியத் தலைவர்கள் சந்­தித்ததே முக்கியமானதொரு நிகழ்­ வாக அமைந்துள்ளது.

இந்தச் சந்திப்பின்போது, அணு­வாயுத களைவு தொடர்பாக நடை­ முறைப்படுத்தக்கூடிய நடவடிக்கை­களை எடுப்பதில் அதிபர் மூன் முன்னேற்றம் காண்பார் என எதிர்­ பார்க்கப்படுகிறது.

பியோங்யாங் சென்றுள்ள தென்கொரிய அதிபர் மூன் ஜே இன்னுக்கு (இடது) வழிநெடுக வடகொரிய மக்கள் மலர்க்கொத்து ஏந்தி வரவேற்பு தெரிவித்தனர். உடன் வடகொரியத் தலைவர் கிம் ஜோங் உன். படம்: இபிஏ

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!