மாணவர் முரசு
இ-பேப்பர்
லண்டன்: குறிப்பிட்ட சூழ்நிலையை எதிர்கொள்வதில் செல்சி காற் பந்துக் குழு ஆட்டக்காரர்கள் சிலர் ஒரே மாதிரியான அணுகு முறையைக் கையாளுவதால் வீரர் களைத் தேர்வு செய்வது கடினமாக உள்ளதாகக் கூறியுள்ளார் அதன் நிர்வாகி மௌரிசியோ சாரி. யூரோப்பா லீக் காற்பந்துப் போட்டியில் நேற்று அதிகாலை நடந்த ஆட்டமொன்றில் ரூபன் லாஃப்டஸ் சீக் ஹாட்ரிக் கோல் அடிக்க, செல்சி 3=1 என்ற கனக்கில் பேட் பாரிசவ் குழுவை வெற்றிகொண்டது.
ஆட்டத்தின் இரண்டாம் நிமி டத்தில் டாவிடே ஸப்பகோஸ்டா அனுப்பிய பந்தை கோலாக்கிய லாஃப்டஸ் சீக், 8வது, 53வது நிமிடங்களில் மேலும் இரு கோல் களைப் போட்டு அசத்தினார். ஒலிவியர் ஜிரூ, ஸப்பகோஸ்டா ஆகியோர் கோல் வலையை நோக்கி உதைத்த பந்தை கோல் காப்பாளர் தடுத்ததன் மூலம் மோசமான தோல்வியில் இருந்து பாரிசவ் தப்பியது. கடைசியில் ஒரேயொரு கோல் போட்டு அக்குழு ஆறுதல் அடைந்தது. ஹாட்ரிக் நாயகன் லாஃப்டஸ் சீக் இப்பருவத்தில் செல்சிக்காக இதுவரை இரண்டு ஆட்டங்கள் மட்டுமே விளையாடியுள்ளார்.
