ரயிலை மின்னல் தாக்கியதால் 50 நிமிடம் தடைப்பட்ட சேவை

சிங்கப்பூரின் வடக்கு தெற்கு ரயில் பாதையில் செல்லும் ரயில் ஒன்று நேற்று திடீரென்று ஏற்பட்ட இடியின் காரணமாக மின்னல் தாக்கியதாகக் கூறப்பட்டது. இச்சம்பவம் யீ‌ஷூன், இயோ சூ காங் எம்ஆர்டி நிலையங் களுக்கு இடையே பிற்பகல் 3.46 மணிக்கு நிகழ்ந்ததாக எஸ்எம் ஆர்டி நிறுவனத்தின் சார்பாக பேட்ரிக் நாதன் தெரிவித்தார். இதன் காரணமாக ரயிலில் கோளாறு ஏற்பட்டு இருக்கலாம் என்று கூறிய அவர், இயோ சூ காங் நிலையத்தை நோக்கிப் பயணம் செய்த பயணிகள் பாதிக் கப்பட்டதாகத் தெரிவித்தார். ரயிலில் திடீரென்று புகைகிற வாசனையை உணர்ந்த ரயில் ஓட்டுநர் அது குறித்துப் புகார் தெரிவித்ததாகத் தெரிகிறது.

பழுதடைந்து நின்றுவிட்ட ரயிலை மற்றொரு ரயில் தள்ளிச் செல்லும் நிலை ஏற்பட்டது. இதனால் அந்த ரயில் பாதையில் கிட்டத்தட்ட 50 நிமிடங்களுக்குச் சேவை பாதிக்கப்பட்டது. சம்பந்தப்பட்ட ரயில், சேவை யிலிருந்து அகற்றப்பட்டபோதிலும் முன்னெச்சரிக்கை நடவடிக்கை யாக தண்டவாளப் பாதையில் உள்ள சாதனங்களை பொறியாளர் கள் சோதனை செய்ததாகவும் பாதிக்கப்பட்ட பகுதியில் ரயில்கள் பாதுகாப்பாகப் பயணம் செய்வதை உறுதி செய்வதற்காக இச் சோதனை நடத்தப்பட்டதாகவும் திரு நாதன் தெரிவித்தார். ரயிலை மின்னல் தாக்குவது என்பது அரிதான சம்பவம்.

இருப்பினும் கடுமையாக இடி இடிக்கும் போது அதற்கு வாய்ப்பு உண்டு. நேற்றைய சம்பவத்தால் யாருக்கும் காயமில்லை என்று தெரிவிக்கப் பட்டது. யீ‌ஷூனுக்கும் இயோ சூ காங்குக்கும் இடைப்பட்ட பாதை யில் தடைபட்ட ரயில் சேவை மாலை 4.35மணிவாக்கில் வழக்க நிலைக்குத் திரும்பியதாக எஸ்எம் ஆர்டி கூறியது. கடுமையான வானிலையின் போதும் பயணிகளைப் பத்திர மாகப் பாதுகாக்கும் வகையில் ரயில்கள் வடிவமைக்கப்பட்டு உள்ளதாகவும் அது குறிப்பிட்டது. ரயில் சேவை தடைப்பட்ட யீ‌ஷூன், காத்திப், இயோ சூ காங் ஆகிய எம்ஆர்டி நிலை யங்களுக்கு இடையே இலவசப் பேருந்து சேவை வழங்கப்பட்டதாக எஸ்எம்ஆர்டி மேலும் தெரிவித் தது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!