டெங்கி, ஸிக்கா கிருமிகளை ஒழிக்க சிங்கப்பூர் புதிய ஆயுதத்தை விவேக கைத்தொலைபேசிகளில் உருவாக்கி உள்ளது. வடமேற்கு சமூக மேம்பாட்டு மன்றம், ஹாலந்து புக்கிட் பாஞ்சாங் நகர மன்றம், தேசிய சுற்றுப்புற வாரியம் ஆகியவை இணைந்து உருவாக்கியுள்ள இந்த மோஸி வாட்ச் கீப்பர்@ நார்த் வெஸ்ட் என்ற செயலி நேற்று அறிமுகம் கண்டது. டெங்கி, ஸிக்கா பற்றித் தெரிந்துகொள்வதுடன், அவற்றைத் தடுப்பது, அடையாளம் காண்பது, கொசு பரவுக்கூடிய இடங்கள் பற்றி தகவல் தெரிவிப்பது போன்றவற்றுக்கும் இந்த செயலி வழி உதவி பெறலாம்.
இந்த வெப்பமான பருவநிலையில் கொசுப் பெருக்கம் அதிகமாக இருக்கும் என்பதால், டெங்கி பரவலையும் ஸிக்கா தொற்றையும் தடுக்கும் நோக்கில் இந்தச் செயலி உருவாக்கப்பட்டுள்ளது. நியூ டவுன் தொடக்கப்பள்ளியில் நேற்று இந்தச் செயலியைத் தொடங்கி வைத்த வடமேற்கு வட் டார மேயர் டாக்டர் டியோ ஹோ பின், "வடமேற்கு வட்டாரத்தையும் நமது பள்ளிகளையும் மாணவர்களுக்கும் குடியிருப்பாளர்களுக்கும் பாதுகாப்பான இடமாக வைத் திருப்பதில் இந்தச் செயலி பங்காற்றும் என்று நம்புவதாகக் கூறினார்.
நியூ டவுன் தொடக்கப்பள்ளியில் Mozzie Watch Keeper @ North West செயலியைத் தொடங்கி வைத்த வடமேற்கு வட்டார மேயர் டாக்டர் டியோ ஹோ பின், பள்ளி மாணவர்களுடன் செயலியைப் பயன்படுத்திப் பார்க்கிறார். படம்: சீ கேப்ஷன்