மாணவர் முரசு
இ-பேப்பர்
தவறிழைத்த ஒன்பது சில்லறை விற்பனைக் கடைக்காரர்களது புகையிலைப் பொருட்கள் விற்கும் உரிமத்தைத் தற்காலிகமாக நிறுத்தி வைப்பதாக சுகாதார அறிவியல் ஆணையம் (எச்எஸ்ஏ) அறிவித்துள்ளது. புகையிலைப் பொருட்களை 18 வயதுக்கு உட்பட்டோருக்கு விற்கும் சட்டவிரோதச் செயலைத் தடுக்கும் நோக்கில் மேற்கொள்ளப்பட்ட கண்காணிப்பு, அமலாக்க நடவடிக்கைகள் ஆகியவற்றின் வழியாக இந்த கடைக்காரர்கள் பிடிபட்டதாக 'எச்எஸ்ஏ' நேற்று குறிப்பிட்டது.
இந்த ஒன்பது கடைகளும் முதல்முறையாக இந்த விதமான குற்றமிழைப்பவை. அவை:
* 132, புக்கிட் பாத்தோக் வெஸ்ட் அவென்யூ 6ல் இருக்கும் 'குவான் ஜூ செங் மினி சூப்பர் மார்க்கெட்'
* 153, சிராங்கூன் நார்த் அவென்யூ 1ல் இருக்கும் '7=இலெவென்'
* 11A செம்பவாங் விஸ்தாவில் செயல்படும் 'எஸ்பிஎச் பஸ் பிரைவேட் லிமிடெட்'
* 174D ஹவ்காங் அவென்யூ 1ல் இருக்கும் 'ரெயின்போ சூப்பர் மார்ட்'
* 112 பெண்டிங் ரோட்டில் செயல்படும் மினி மார்க்கெட்'
* 117 புக்கிட் பாத்தோக் வெஸ்ட் அவென்யூ 6ல் இருக்கும் 'ராஜா மினி மார்ட்'
* 845 ஜூரோங் வெஸ்ட் ஸ்திரீட் 81ல் இருக்கும் 'அன்பா பிரைவேட் லிமிடெட்'
* 105 புக்கிட் பாத்தோக் செண்ட்ரலில் இருக்கும் 'K11 மினிமார்ட்' * 182A ரிவர்வேல் கிரசெண்டில் இருக்கும் 'M28 மினிமார்ட்'
இந்த இடைநீக்கத்தின்படி மேற்குறிப்பிட்டுள்ள கடைகள் ஆறு மாதங்களுக்கு புகையிலைப் பொருட்களை விற்கத் தடை விதிக்கப்பட்டுள்ளது. 2014ஆம் ஆண்டு முதல் 'எச்எஸ்ஏ' 32 புகையிலை சில்லறை விற்பனை உரிமங்களை தற்காலிகமாக நிறுத்தி வைத்ததுடன் வேறு 20 கடைகளின் உரிமத்தை மீட்டுக்கொண்டது.
