உடல்நலன்: அரசாங்க உதவியுடன் சொந்த அக்கறையும் அவசியம்

“சிங்கப்பூரில் மக்களின் சுகாதாரப் பராமரிப்பிற்காக ஆண்டுதோறும் அர சாங்கம் $10 பில்லியனுக்கும் அதிக  தொகையைச்  செலவிட்டு வருகிறது. பல்வேறு திட்டங்கள் மூலம் மக்களுக்கு அது உதவி வருகிறது.
“இருந்தாலும் உடல்நலனில் மக்க ளும் அக்கறைகொண்டு நாட்டத்துடன் செயல்படவேண்டும்,” என்று சட்ட, உள் துறை அமைச்சர் கா.சண்முகம் வலி யுறுத்தியுள்ளார். ஈசூன் வட்டாரத்தில் நடந்த நீ சூன் சுகாதார விழாவில் இதர பேராளர்களுடன் சிறப்பு விருந்தினராக அமைச்சர் கலந்துகொண்டார். 

முன்னோடித் தலைமுறைத் திட்டம், அண்மையில் வரவுசெலவுத் திட்டத்தில் இடம்பெற்ற மெர்டேக்கா தலைமுறைத் திட்டம் முதலான பலவற்றையும் அமைச் சர் சுட்டிக்காட்டினார். 

“உடல்நலன் பேணுவதில் அவரவர் பங்கு முக்கியம்.   உடல்நலனை மேம் படுத்திக்கொள்ள என்ன என்ன செய்ய முடியும் என்று நமக்கு நாமே கேட்டுக் கொள்வது அவசியம். சில ஆலோசனை களைக் கடைப்பிடிக்கலாம். சாப்பாடு எப்படி இருக்கவேண்டும், எந்த வகையில் உடற்பயிற்சி செய்யமுடியும், என்று சில மாற்றங்களைச் செய்து உடல்நலனை மேம்படுத்தலாம். 

“சிங்கப்பூரில் நாம் நீண்ட ஆயுளுடன் வாழ்கிறோம். அந்த வாழ்க்கை நல்ல விதமாக, மகிழ்ச்சியாக இருக்க இது உதவும்,” என்றார் அமைச்சர் சண்முகம். 

 

இப்பகுதியில் மேலும் செய்திகள்

நான்கு சிங்கப்பூரர்கள் மாண்ட இந்த விபத்திற்குக் காரணமான பி.மணிக்குச் சிறைத்தண்டனை விதிக்கப்பட்டுள்ளது. (படம்: மலேசிய போலிசார்)

19 Jul 2019

சிங்கப்பூர் குடும்பத்தைப் பலி வாங்கிய போர்ட் டிக்சன் விபத்து; லாரி ஓட்டுநருக்குச் சிறை

'செத்தொழியுங்கள்' என்று ஜப்பானிய மொழியில் கத்தியபடி ஆடவர் ஒருவர் தீப்பற்றக்கூடிய திரவத்தைக் கட்டடத்தினுள் ஊற்றியதாக சம்பவத்தை நேரில் கண்டவர்கள் தெரிவித்தனர். படம்: ராய்ட்டர்ஸ்

19 Jul 2019

ஜப்பான்: கட்டடத்திற்குத் தீ வைப்பு; 33 பேர் உயிரிழப்பு, மேலும் பலர் காயம்